MATIUS 25:21 - Tanou Moonsoi Timugon

²¹ ‘Moonsoi,’ ragu ru tuan ni, ‘Okou ulipon ra moonsoi ondo' malansanan, sabap ra okou maalap ra intopot ra sanganu, malansan aku niayuk rirun ra masuang. Ayan no simpung raki' ralalom kaansayan.’

MATIUS 25:21 ပူးပေါင်းရင်းမြစ်များ

AMSAL 14:35

Raja' maansukan ra pagawai ondo' mapandai, kaa' ukumin no pagawai ra kalo mapandai mapaugar ra kandoi.

AMSAL 28:20

Ulun mabanis guang barakaton io ru Tuhan, kaa' ulun ondo' mataki' lumangkaya', kalo makalabus io ra ukumin.

MATIUS 24:45

“Osoi kia ulipon ondo' gumagaya' am mapintar? Io noyo ulun ondo' paningganayon ru tuan nano am manusub mapaakan ra ulipon-ulipon ra bokon paat ra inaru' i.

MATIUS 24:47

Balain takamin: Mampalansan toojo tuan ti ra ngaangai' rapu' nano ra ulipon ragitio.

MATIUS 25:23

‘Moonsoi,’ ragu ru tuan no, ‘Okou ulipon ra moonsoi ondo' malansanan. Sabap ra okou maalap ra intopot ra sanganu, malansan aku niayuk rirun ra masuang. Ayan no simpung raki' ralalom kaansayan!’

MATIUS 25:46

Akau ti ukumin ra ukum mantilayun, kaa' ulun motopot mokoowot ra kaayagan mantilayun.”

LUKAS 12:44

Balain takamin, ulipon matanda' no lansanin ru tuan nano magalung ra ngaangai' rapu' nano.

LUKAS 16:10

Osoi kalansanin ra baal kalo maatang, kalansanin niayuk ra baal maatang. Kaa' osoi mamparuung ralalom baal kalo maatang, mamparuung io niayuk ralalom baal maatang poyo.

JUANIS 12:26

Osoi ayuk mangandoi Raki' musiti' io maya' Raki', maa' raginio ati ayuk angayan Kuno, soroi mangangandoi Kuno. I Ama' Kuno mangurumat ra osoi ayuk ondo' mangandoi Raki'.”

JUANIS 14:3

Mopongo Ku intok min, sumaguli' Aku mongoi pangalap ramuyun, maa' raginio mabaya' kau Raki' ra intok Kuno.

JUANIS 17:24

“Ama', masaga' Aku ilo ondo' pinataak Muli Raki', mabaya' Raki' ra ati ayuk intok Kuno. Maa' raginio makatutun ilo ra Okou mampatulai Raki', sabap ra motogom Kou no Raki' ra tana' ti kalo poyo biningkal.

ROMA 2:29

Kaa', ulun ondo' sotopot no ulun ru Jaudi, ioginio ulun ondo' guang nano nakai' ra ulun ru Jaudi. Sunat ra sotopot no, ioginio guang ondo' kinulau ru Ambiluo ri Aki Kapuuno', am sala' ka ondo' tinulisan ra Ukum no. Am poyo sala' ka ulun, kaa' i Aki Kapuuno' galama', ondo' mongompor ra ulun koson raginio.

1 KORINTUS 4:5

Ginio ra pai' kau pangakim ra osoi ayuk pana ru kalo poyo masaboi paat ra orou inaru' no. Pangukuman ra pupus inaanin takau saboi Tuhan matong saguli'. Io noyo mambala' ra ngaangai' ondo' nakasibuni ra kalandaman, am mapaingkual ra ngaangai' suang ru guang ru ulun. Paat raginio bagu no moonong ulun mangapu ra ompor intor ri Aki Kapuuno' sumugut ra binaal nilono sigagama'.

2 KORINTUS 10:18

Sabap ra pai' ru ulun ondo' lumimbau no iowon ru Tuhan, kaa' ulun ondo' omporon ru Tuhan no.

2 KORINTUS 5:9

Kaa' ondo' kasaa' toojo, masaga' akai ayuk mampakatasu' ra guang Nano, iou pana soroi akai ra inan mai ra tana' ti, kapoam giu' ra ayanan ru Tuhan.

PILIPI 1:23

Karuo-ruo ti mampakabunduk ra guang kutu. Masaga' aku niayuk mangiruan ra painawo kutu am makasimpung ri Kristus, sabap ra ginio noyo moonsoi no.

1 TIMOTIUS 3:13

Mangingindangan ra mapandai makaalap ra inggalan moonsoi am makakau' ilo mampatanou ra pangintapatan nilo intor ri Jisus Kristus.

2 TIMOTIUS 2:12

Amon ru tumaan takau, makapamarinta takau niayuk mabaya' Riso. Amon ru magali' takau Riso, Io pana magali' ritakau.

IBRANI 12:2

Guango' takano toojo i Jisus, sabap ra Io noyo intaran am mampakatanda' ra pangintapatan takau. Tinaanan No ayuk kauyuan paat ra Io sinalip, sabap ra nangkara' Io ayuk ra kaansukan ondo' apuon No ra tauli no. Raino ti manturung Io ra tampilon pamiris ru takhta ri Aki Kapuuno'.

PINAINTALANG 2:10

Pai' kano kalaa' ra kaimbalaan ondo' malimanan min ra maagu no. Karaa'! Tingganai ru riwato no mangkinam ramuyun. Mangkinibit io ra kukula' intor ramuyun pasubolon ra pangaputan am mopor ngoorou buoi ru kapaganan mino. Gagaya' ayuk toojo Raki' saboi ra potoyon kau pana, am aniin takamin ra kaayagan mantilayun koson ra ampos ru kamanangan mino.

PINAINTALANG 21:7

Osoi ayuk mangala ra kalaatan gitio saukon Ku riso: Masauk Aku ri Aki Kapuuno' nano am masauk io ra anak Kuno.

PINAINTALANG 3:21

“Osoi ayuk mangala ra kuasa' ru kalaatan, panturungon Ku io ra sapapa' Ku ra takhta Kuno. Gitio mogondo' ra Aku nangala ra kuasa' ru kalaatan am raino pinaturung Aku ra sapapa' ru Ama' Kuno ra takhta Nano.

PINAINTALANG 7:17

Sabap ra Anak Domba ondo' soroi ra tatanga' ru takhta no magalung risilo am maningganai risilo mongoi ra taur ru timug ondo' mampakaayag. Am i Aki Kapuuno' mamiir ra lomou ru tangi' intor ra mato nilai no.”