MATIUS 25:10 - Tanou Moonsoi Timugon

¹⁰ Ralaa limo ngaulun ti ongoi bali. Buoi ilo minugar, pakasuku' boo ungkuyon uatin i, am limo ngaulun nakatampos ti subol ra bunsag mabaya' ra ungkuyon uatin am kulobon pana inangaban.

MATIUS 25:10 ပူးပေါင်းရင်းမြစ်များ

KASAUKAN 7:16

koson ra nanusuban ri Aki Kapuuno'. Pakaumpos ngaangai' no, angabi' ru Tuhan kulobon ru kapal no.

MAZMUR 95:11

Siminangit Aku am nampator ra kalo boo igogondo' ilo subol ra pagun raginio, intok ra papatangusan Kuno risilo.”

MATIUS 24:42

Ilalai' min, sabap ra kalo napandayan orou ra atan Tuhan mino rumatong.

MATIUS 24:43

Karaa' min gitio! Amon ru ampu' ru baloi nakapandai sangulun mantatakou no matong, kalo mombolong io am kalo polosoon no mantatakou no sumubol ra baloi nano.

MATIUS 24:44

Ginio ra akau pana musiti' tumampos, sabap ra Anak ru Ulun matong paat ra orou kalo guangon min.”

MATIUS 25:6

“Paat ra tanga' ru rondom, pakaining ilo ra bolos giminolok, ‘Ungkuyon uatin sumuku' noyo! Ibok umaa' min io!’

MATIUS 7:21

“Sala' ka ngaangai' ulun ondo' mindagu ra Aku Tuhan nilo masauk ra ulun ri Aki Kapuuno', kaa' ilo ayuk ondo' sumugut ra kasagaan ru Ama' Kuno giu' ra suruga'.

LUKAS 12:35

“Tampos kano manguma' ra atan ayuk ondo' maaru' masauk, koson ra ulun mambayang am mansikit ra lampung.

LUKAS 13:25

Mingkakat boo tatangan ra baloi no am angabin no kulobon. Migor kau ra liwar am manitik ra kulobon liliwa' mindagu, ‘Tuan, ukabi' ramon kulobon ti!’ Taam ru tuan no, ‘Kalo makapandai aku ati intor min!’

KOLOSI 1:12

Am mabaya' ra kaansukan, paringkuanang kano ri Aki Kapuuno', Ama' takau, ondo' nampasauk ramuyun makatayar intor ra pinongo Nano ra ulun ondo' mangintopot Riso, giu' ra ralalom ru pamarintaan ondo' natikop ra sinda Nano.

2 TIMOTIUS 4:8

Am raino, taak kamanangan maginaa noyo raki'. Tuhan ondo' mangakim ra motopot, mangani' raki' ra taak ti paat ra Orou Pupus no. Pai' ru aku ayuk ondo' mokoowot raginio, kaa' ngaangai' ulun ondo' magiginaa ra ratangan Nano.

1 PITRUS 1:13

Sabap ra ngaangai' ondo' binaal ri Aki Kapuuno' no ramuyun, kasalok pororoo' pangkaraan min. Pagilalai' min noyo am poyo lansan kano toojo ra kataawan ri Aki Kapuuno' ramuyun paat ra papaintalangan ri Jisus Kristus.

PINAINTALANG 1:7

Ilai', matong Io intor ra limbowon! Ngaangai' ulun makakito Riso, am niayuk ilo ondo' nanura' Riso i. Ngaangai' bansa' ru tana' ti mantatangi' sabap ra ondo' binaal Riso i. Sotopot no ginio noyo! Amin.

PINAINTALANG 19:7

Ibok takano pakaansuk am pangiantak; omporo' takau kuasa' Nano. Sabap ra nasuku' noyo orou paguatan ru Anak Domba no, am ruandu' uoton no nakatampos noyo.

PINAINTALANG 22:20

Io ondo' mampasaboi ra ngaangai' kaintutunan ti mindagu, “Motopot, kalo boo mabuoi am matong Aku.” Amin! Ratong no, Tuhan Jisus!