MATIUS 24:7 - Tanou Moonsoi Timugon

⁷ Pagun mangayou ra pagun ra bokon am parinta mantula' ra parinta ra bokon. Ati ayuk intok mokoondo' bitilan makalalaa' am tana' mogonggon.

MATIUS 24:7 ပူးပေါင်းရင်းမြစ်များ

2 TUNUNG RU BANSA' ISRAIL 15:6

Bansa' ondo' rondo' mangimbolo' ra bansa' ra bokon, am bandar ondo' rondo' mangimbolo' ra bandar ra bokon, sabap ra i Aki Kapuuno' tatanga' mamparatong ra kapaganan am pagalabaan risilo.

JISAYA 19:2

Mindagu Tuhan, “Singkualon Ku pangayawan ra gino ngai' ru Misir: pabukat manggal ra pabukat, pasambalayan manggal ra pasambalayan, bandar manggal ra bandar, am raja' manggal ra raja' koson mampagaau ra kuasa'.

JISAYA 29:6

Tuhan Ondo' Maayo Kaga' Kuasa' mapalabus rirun am ra bagiu' am tana' mogonggon ondo' makalalaa'. Porotongon No bagiu' am apui ondo' masimbula'.

YEHEZKIEL 14:21

Gitio noyo ragu ru Tuhan Raja', “Porotongon Ku apat ukuman ondo' moporos kaga' ra Jirusalim koson mamuso ra ulun am poyo bibiag. Ukuman no pangayawan, bitilan, bibiag masigo am maruol tumapik.

YEHEZKIEL 21:27

Malunsai! Malunsai! Totopot lunsayon Ku bandar ti! Kaa' baal ragitio kalo masauk ra kalo poyo ulun pilion Kuno koson mangukum ra bandar ti matong. Paat raginio pataakon Ku bandar ti riso.’ ”

JAKARIA 14:13

Paat raginio Tuhan mambaal risilo maubong kaga' am malaa' kaga' saboi moonong ulun mamulunsar am mamparakop ra ulun ra sapapa' nano.

LUKAS 21:11

Masauk gonggon ru tana' ra makalalaa', bitilan am niayuk maruol ra ati ayuk. Giu' ra limbowon makito baal malaat am tatandu' ondo' makalalaa'.

RINALATAN 11:28

Sangulun intor risilo i makainggalan ri Agabus. Bigor io am mansail ra kuasa' ru Ambiluo ri Aki Kapuuno' nanala' io ra matong rondo' bitilan maaja' ra titikop ru tana' ti. (Bitilan ragitio nasauk niayuk paat ri Kaisar Klaudius namarinta.)

RINALATAN 2:19

Mampakito aku ra kukula' kaimuagan giu' ra limbowon, am niayuk tatandu' ra tana' ti Mokoondo' raraa', apui am binuun ru lisun.

IBRANI 12:27

Ragu ra “Igondo' poyo” ti mampaintutun ra ngaangai' ondo' sinauk Nano ra tana' ti, uyogon am kulawon, maa' raginio baal ru suruga' ondo' kalo mauyog ayuk boo tumilayun.

PINAINTALANG 6:12

Kakito ku boo Anak Domba no nampalungkab ra segel koonom no. Ginio ra mogonggon boo tana' ti ra makalalaa' am mato ru orou liminitom koson ra konoon maitom am bulan liminia' koson ra raraa'.

PINAINTALANG 6:5

Lungkabo' boo ru Anak Domba no segel katalu am korongog ku baal maayag ra katalu no minindagu, “Ibok!” Kakito ku sanginan kuda maitom am ondo' siminakoi no nampaguut ra timbangan.

PINAINTALANG 6:6

Korongog ku koson ra bolos ru ulun miningkual intor ra tatanga' ru kaapat ilo ondo' maayag no, kono, “Kumboo' noyo gandum nilo, suku' sakilo gandum kapoam talu ngakilo gandum barli talanon ra gaji' ru kandoi songorou – mologo kaga'. Kaa' pai' noyo jamari' umau jaitun am wain no!”

PINAINTALANG 6:8

Kakito ku sanginan kuda ondo' mabula' am ondo' siminakoi no ininggalanan ra ‘Patayan ’ am minitut riso no Nabalu, ioginio intok ru ulun-ulun namagatoi. Inanian ilo ra kuasa' koson mampatoi ra sampiapat ulun ru tana' ti ra pangayawan, bitilan, tiranga' am saamon ru bibiag masigo.