MATIUS 24:6 - Tanou Moonsoi Timugon

⁶ Mokorongog kau bolos ru pampatayan ra mamaar kaga', am tanou pangayawan giu' ra intok mangaalur. Kaa' rongogo' min, pai' kau kalaa'! Baal ragitio musiti' masauk, kaa' pai' ru nasuku' noyo orou pamupusan.

MATIUS 24:6 ပူးပေါင်းရင်းမြစ်များ

MAZMUR 112:7

Kalo malaa' io mangapu ra tanou malaat; guang nano mingkotog sabap ra mangintopot ra Tuhan.

JISAYA 12:2

Aki Kapuuno' Mamamayag raki'; mangintopot aku Riso am kalo malaa' aku. Tuhan manaak ra kuasa' am kaikangan raki'; Io no Mamamayag raki'.

JISAYA 7:4

Susubo' io tumampos am pai' kalingas. Kalo pana malaa' io kapoam magalabo. Sangitan ru Raja' Rijin am ulun ru Siria am niayuk Raja' Pika kalo makalalaa' ka lisun intor ra ruo polompor ru luton.

JIRIMIA 47:6

Golok kau, ‘Okou ilang ru Tuhan! Saboi sanggilan kia okou mompopot? Saguli' no ra angkap muno, ayan no ra giu' no am tangus no.’

YEHEZKIEL 21:28

“Okou ulun mapandai matoi, indagu ra ragu manala'. Balai' noyo ulun ru Amon ondo' magasab ra Israil ra Aku, Tuhan Raja' minindagu, ‘Ilang binutus noyo koson mamuso; inasa' koson mampatoi am manguliat koson ra ganit.

MATIUS 2:3

Pakaining raja' Irodis ra tanou ragitio kalo boo mororo' guang nano, koson niayuk ra ngaangai' namagun ra Jirusalim.

MATIUS 24:14

Tanou Moonsoi ra i Aki Kapuuno' mamarinta posoboyon ra ngaangai' ulun ru tana' ti koson ra sasi' mampaintutun risilo. Mopongo ginio bagu no matong pamupusan ru tana' ti.”

MATIUS 26:54

Kaa' amon ru koson raginio, ati koson masauk ondo' tinulisan ra Buuk Kitab, kono, baal ragitio musiti' pasaukon.”

LUKAS 21:19

Musiti' kau mokoorot am mokoowot kau boo ra kaayagan motopot.”

LUKAS 21:9

Pai' kau pakatigog amon ru maining min tanou ru pangayawan am ulun manggal ra parinta. Baal koson ragitio maaru' masauk galing, kaa' gitio sala' ka arati' no ra nasuku' noyo pupus ru tana' ti.”

LUKAS 22:37

Balain takamin, ondo' tinulisan noyo ra Buuk Kitab, ‘Kinara' Io koson ra sangulun malaat,’ maaru' masauk Raki', am sotopot no masauk noyo ra raino ti.”

JUANIS 14:1

Indagu i Jisus ra maamaya' Nano, “Pai' kau kaimamang. Pangintopot kano ri Aki Kapuuno' am pangintopot kau niayuk Raki'.

JUANIS 14:27

Kaansayan patatangon Kuno ramuyun; kaansayan Kuno galama' pataakon Ku ramuyun. Kaansayan Kuno sala' ka koson ra kaansayan ondo' taakin ru tana' ti. Ginio ra pai' kano pagalabo kapoam kalaa'.

2 TISALONIKA 2:2

Pai' kano kataki' kalingou kapoam magalabo sabap ra nakaining kau ra nasuku' kon noyo Orou ratangan ru Tuhan Jisus. Mokoondo' lair mindagu, ginio sinabit mai paat ra kinuasa' akai ru Ambiluo ri Aki Kapuuno', kapoam ralalom pangilaan kapoam tinulisan mai.

PINAINTALANG 6:4

Ingkual boo sanginan kuda malia' poyo am ondo' siminakoi no inanian ra kuasa' mambaal ra pangayawan ra tana' ti. Inanian io ra ilang maayo am baalon no ulun ru tana' ti mampapatoi ra rondo' am bokon.