MATIUS 24:47 - Tanou Moonsoi Timugon

⁴⁷ Balain takamin: Mampalansan toojo tuan ti ra ngaangai' rapu' nano ra ulipon ragitio.

MATIUS 24:47 ပူးပေါင်းရင်းမြစ်များ

AMSAL 14:35

Raja' maansukan ra pagawai ondo' mapandai, kaa' ukumin no pagawai ra kalo mapandai mapaugar ra kandoi.

DANIL 12:3

Tingganai-tingganai ondo' mapintar suminda koson ra limbowon ondo' mapaang, am ilo ondo' mangila' ra ulun mambaal ra moonsoi am matimpok suminda koson ra butitin ra sabuoi-buoi no.”

MATIUS 24:46

Mumpara' boo bonsoi ru ulipon no paat tuan nano sumaguli' am nakito ra ulipon nati giminagaya' ra nanusuban nali.

MATIUS 24:48

Kaa' amon ru ulipon ti ulun malaat, mampaguang io, ‘Mabuoi tuan kuli sumaguli'.’

MATIUS 25:21

‘Moonsoi,’ ragu ru tuan ni, ‘Okou ulipon ra moonsoi ondo' malansanan, sabap ra okou maalap ra intopot ra sanganu, malansan aku niayuk rirun ra masuang. Ayan no simpung raki' ralalom kaansayan.’

MATIUS 25:23

‘Moonsoi,’ ragu ru tuan no, ‘Okou ulipon ra moonsoi ondo' malansanan. Sabap ra okou maalap ra intopot ra sanganu, malansan aku niayuk rirun ra masuang. Ayan no simpung raki' ralalom kaansayan!’

LUKAS 12:37

Mumpara' boo bonsoi ru ulipon-ulipon ondo' nangkuliman am nakatampos paat ra tuan nilai matong! Balain takamin, rumalin boo tuan no, susubon no ulipon-ulipon nano manturung am sulungin no ilo.

LUKAS 12:44

Balain takamin, ulipon matanda' no lansanin ru tuan nano magalung ra ngaangai' rapu' nano.

LUKAS 19:17

‘Moonsoi toojo,’ kono, ‘Okou no ulipon ra matanda'! Malansanan kou ra kandoi ondo' kalo kula' maatang, paalungin ku rirun mopor ngabandar.’

JUANIS 12:26

Osoi ayuk mangandoi Raki' musiti' io maya' Raki', maa' raginio ati ayuk angayan Kuno, soroi mangangandoi Kuno. I Ama' Kuno mangurumat ra osoi ayuk ondo' mangandoi Raki'.”

2 TIMOTIUS 2:12

Amon ru tumaan takau, makapamarinta takau niayuk mabaya' Riso. Amon ru magali' takau Riso, Io pana magali' ritakau.

1 PITRUS 5:4

Paat ra ratangan ru Tingganai Magagalung, makapangapu kau ra karaun matulai ondo' manguliat ra mantilayun.

PINAINTALANG 21:7

Osoi ayuk mangala ra kalaatan gitio saukon Ku riso: Masauk Aku ri Aki Kapuuno' nano am masauk io ra anak Kuno.

PINAINTALANG 3:21

“Osoi ayuk mangala ra kuasa' ru kalaatan, panturungon Ku io ra sapapa' Ku ra takhta Kuno. Gitio mogondo' ra Aku nangala ra kuasa' ru kalaatan am raino pinaturung Aku ra sapapa' ru Ama' Kuno ra takhta Nano.