MATIUS 24:37 - Tanou Moonsoi Timugon

³⁷ Ratangan ru Anak ru Ulun masauk koson ra atan nasauk ri nabi Nuu.

MATIUS 24:37 ပူးပေါင်းရင်းမြစ်များ

KASAUKAN 6:8

Kaa' i Nuu mapabansuk ra guang ru Tuhan.

MATIUS 16:27

Sabap ra Anak ru Ulun no mamaar noyo rumatong ralalom katulayan ru Ama' Nano sumbayaan ru malaikat-malaikat Nano. Paat raginio mambalos Io ra moonong ulun maya' ra ondo' binaal nali.

MATIUS 24:27

Sabap ra Anak ru Ulun rumatong koson ra ganit suminda ra ngaangai' limbowon intor ra sirangon suku' ra kalasaan.

MATIUS 24:3

Paat ri Jisus nanturung giu' ra bulur Jaitun, maamaya'-maamaya' Nano simininok pangkuot Riso, “Balai' akai, sanggilan ngaangai' baal ti masauk? Baal ra atan kia masauk no koson manulu' ra nasuku' noyo ratangan Muno am pamupusan ru tana' ti?”

MATIUS 24:30

Bagu no tatandu' ra Anak ru Ulun no makito ra limbowon am bagu no ulun ra tana' ti mantatangi', am makito nilo Anak ru Ulun matong ra gaun mabaya' ra ikang am katulayan Nano ra maayo.

MATIUS 24:39

Kalo nakapandai ilo atan ondo' nasauk saboi rosob i nangabas risilo. Koson niayuk raginio paat ra Anak ru Ulun rumatong.

IBRANI 11:7

Sabap ra pangintapatan noyo, i Nuu binalaan ri Aki Kapuuno' intor ra sauk ondo' matong no, ondo' kalo poyo nakito nali. Ginio boo ra io giminagaya' ra ragu ri Aki Kapuuno' am nambaal ra kapal maayo, am mansail raginio noyo ilo ngaangai' sambaloi binayag. Nampakito i Nuu ra ulun ru tana' ti ra ukumin ilo ri Aki Kapuuno', am sabap ra pangintapatan nali, iniou io ri Aki Kapuuno' koson sangulun motopot.

2 PITRUS 2:5

Koson niayuk ra ulun malaat ra galing i, kalo pinoloso ri Aki Kapuuno'. Paat ragili namparatong Io boo ra rosob maayo risilo. I Nuu ayuk am poyo tulu' ngaulun ra bokon ondo' binayag, sabap ra io noyo ondo' napatanou ra katapatan ri Aki Kapuuno'.

2 PITRUS 3:6

am pinuso No ngaangai' suang ru tana' ti mansail ra rosob ra galing i.