MATIUS 24:31 - Tanou Moonsoi Timugon

³¹ Bujung maayo samputin kosongowon am manusub Io ra malaikat-malaikat Nano mongoi ra ngaangai' pamagunan ru tana' ti, am manimung ilo ra ulun pinili' intor ra titikop ru tana' ti.”

MATIUS 24:31 ပူးပေါင်းရင်းမြစ်များ

MAZMUR 22:27

Ulun balabag mangkan am maasug; ilo ondo' matong ra Tuhan mongompor Riso. Gama' lumangkaya' ilo ra sabubuoi no!

MAZMUR 67:7

Tana' napaingkual ra ampos no; i Aki Kapuuno', i Aki Kapuuno' takau, nambarakat noyo ritakau.

MAZMUR 81:3

Patalimpuuno' noyo miujik am asaso' tamburing; parimbai ra sulabit matangil am kayuson jitor am gambus.

KAINGKUALAN 19:16

Paat ra orou ra katalu, ra iosusuab, makatimpalak am makaganit ra rasawat ru gunung. Makito gaun makapal ra giu' no, am maining bolos ru bujung ondo' mosongou kaga'. Moonong ulun ra pangkiman no nonontol ra malaa'.

JISAYA 11:12

Bilaron ru Tuhan bandira' koson mapabala' ra ngaangai' bansa' ra Io tatanga' manimung saguli' ra mamagun ru Israil am Jiuda ondo' nakapantutuliar ra titikop ru tana' ti am magibit risilo muli'.

JISAYA 13:5

Minatong ilo intor ra pagun ra mangaalur, pompor ru tana' ti. Sabap ra sangit Nano, Tuhan matong koson mamuso ra titikop ru tana' ti.

JISAYA 27:13

Bulintok raginio, bujung samputin koson mampiau mampauli' ra ngaangai' ulun ru Israil ondo' pinatiran giu' ra Asyur am Misir. Matong ilo ra Jirusalim am sumamba ra Tuhan giu' ra rasawat ru bulur Nano ondo' matulai.

JISAYA 42:10

Rimbayi' noyo Tuhan ra rimbai bagu; Omporo' Io no, akau titikop ru tana'! Omporo' Io no, okou raat am ngaangai' suang nano, paririmbai kano, akau mamagun ru pagun-pagun ra maalur!

JISAYA 43:6

Susubon Ku pagun giu' ra ralayo mapalabus risilo, am pagun giu' ra rabugus mapalabus risilo. Polosoon noyo ulun Kuno muli' intor ra pagun-pagun maalur, intor ra titikop pompor ru tana'.

JISAYA 45:22

“Akau ngaangai' namagun ru tana' ti, saguli' kano Raki' maa' raginio bayagon kau, sabap ra Aku ayuk i Aki Kapuuno', kolondo' bokon!

JISAYA 49:18

Ilai' noyo am tantangi' noyo libung muno, ulun muno timinimung am matong rirun. Sabap ra Aku, i Aki Kapuuno' ondo' maayag, mindagu Aku, maansukan kou kaga' sabap namagun muno, koson ra ruandu' inuot maantak guang ra io pinampakai.

JISAYA 60:4

Ilai' noyo atan masauk ra libung muno; ulun muno timinimung koson muli' rirun. Anak ungkuyon muno minuli' intor ra pagun maalur, am anak ruandu' muno kinubibil.

DANIL 7:2

ondo' nakito ku paat ra rondom raginio: Nagangin ra mapuor intor ra ngaangai' intok am nampalamba' ra ralimbou ru raat.

JAKARIA 14:5

Magiru' kau mansail ra limayak ondo' nampalapak ra bulur no. Magiru' kau koson ra kinamatuaan min ragili paat nasauk tana' mogonggon bulintok ra pamarintaan ri Ujia, raja' ru Jiuda. Tuhan, i Aki Kapuuno' kuno matong mababaya' ra ngaangai' malaikat Nano.

JAKARIA 2:6

Indagu Tuhan ra ulun Nano, “Pinantutuliar Takamin noyo giu' ra ngaangai' intok. Kaa' raino, akau ulun pinatiran, pagiru' kano intor ra Babilonia am saguli' kano ra Jirusalim.

JAKARIA 6:5

Taam io, “Gitio noyo apat angin ondo' bagu minatong intor ra saang ru Tuhan ondo' namingkal ra tana' ti am limbowon.”

JAKARIA 9:10

Indagu Tuhan, “Patirin Ku kurita' kuda intor ra Israil, am niayuk kuda giu' ra Jirusalim; busur ondo' pinakai ralalom pangayawan pusoon. Raja' min makimobonsoi ra gino ngai' ru bansa'; pamarintaan nano malangka' intor ra raat saboi ra raat, intor ra Sungoi Iprat saboi ra pompor ru tana' ti.”

JAKARIA 9:14

Mintalang Tuhan ra ulun Nano; palabuson no anak panah koson ra ganit. Tuhan Raja' manamput ra tarumpit koson ra tatandu' mapaugar ra pamulunsaran, jumalai Io intor ra rabugus giu' ra tatanga' ru bagiu'.

MATIUS 13:41

Anak ru Ulun no manusub ra malaikat-malaikat Nano manimung intor ra Pamarintaan Nano ngaangai' ulun ondo' mangkinibit ra ulun makatula, am ngaangai' ulun ra bokon ondo' nambaal ra kalaatan.

MATIUS 24:22

Kaa' kinariwa' ri Aki Kapuuno' orou raginio; amon ru kalo, kolondo' sangulun pana ra ulun ti maayag. Kaa' sabap ra ulun-ulun pinili' no, kinariwa' ri Aki Kapuuno' orou raginio.

MATIUS 24:24

Sabap ra ulun migiangku ra mamamayag am nabi rumatong. Ilo ti mambaal ra baal kaimuagan ra mampalayau ra ulun ri Aki Kapuuno' amon ru maalap nilo.

MATIUS 24:32

“Igigila' noyo ra pangilaan intor ra puun ru ara. Paat ra raan nano masansam am malami' am tumalimpuun manangumbus, napandayan min mamaar noyo manampio.

MATIUS 25:31

“Paat ra Anak ru Ulun sumaguli' koson ra raja' mabaya' ra ngaangai' malaikat Nano, manturung Io ra takhta matulai Nano.

MATIUS 28:18

Inggaar i Jisus risilo am indagu, “Ngaangai' kuasa' ra suruga' am ra tana' ti pinataak noyo Raki'.

MARKUS 13:27

Anak ru Ulun manusub ra malaikat-malaikat mongoi ra ngaangai' pamagunan ru tana' am manimung ilo ra ngaangai' ulun pinili' ri Aki Kapuuno'.”

LUKAS 24:47

Am poyo, Tanou Moonsoi ti musiti' potonowon ra ngaangai' bansa' ru tana' ti, tumalimpuun intor ra Jirusalim. Maa' raginio ralalom inggalan Kuno tumalikur ilo intor ra tula nilono bagu ampunon ilo ri Aki Kapuuno'.

JUANIS 11:52

Sala' ka kaatangan ra ulun ru Jaudi ayuk, kaa' koson manimung ra ngaangai' anak ri Aki Kapuuno' ondo' nantutuliar.

ROMA 10:18

Kaa' mangkuot aku: Motopot kia kalo poyo nokorongog ilo ra tanou no? Maaru' nokorongog ilo noyo! Sabap ra kon ru Buuk Kitab, “Bolos ru sinusub nakaralat noyo ra titikop ru tana' ti, am ragu nilai nakasuku' noyo ra ujok ru mamagun.”

1 KORINTUS 15:52

Koson ra sangkuliop ayuk, paat ra bujung ra pupus no samputin, ulun namagatoi bayagon saguli' mabaya' ra inan mantilayun, am itakau ti pana kulawon.

IPISUS 1:10

Gitio noyo inatang ri Aki Kapuuno' am pongoonon nano paat ra inaru' Nano, koson ralalom ri Kristus ngaangai' simpungon No rondo', ioginio giu' ra suruga' kapoam giti ra tana' ti, am i Kristus noyo masauk ra tingganai no.

SAGULION 30:4

Kabalu' pana pinantutuliar kau noyo ra titikop ru tana', timungon kau saguli' ru Tuhan i Aki Kapuuno' min.

SAGULION 4:32

“Intutuno' paat ra galing, nabuoi ra akau kalo poyo inanak, timinalimpuun intor ra paat ri Aki Kapuuno' nambaal ra ulun giti ra tana' ti. Ilai' noyo ra titikop ru tana' ti. Igondo' kia baal maayo ragitio nasauk? Igondo' kia osoi pana nokorongog ra sauk koson ragitio?

1 TISALONIKA 4:16

Sabap ra tingganai ru malaikat manusub ra bolos mosongou am bujung ri Aki Kapuuno' samputin, am Tuhan Jisus galama' boo tumuun intor ra suruga' am ulun namagatoi ondo' nangintopot ri Jisus pasiguluon bayago'.

2 TISALONIKA 2:1

Koson ra ratangan ru Tuhan takau, i Jisus Kristus, am pantimungan takau mongoi simpung Riso, pabukat kau ngai' kitaakon takamin:

IBRANI 12:19

Am nakaining ilo ra bolos ru bujung am poyo ragu ra mapuor, saboi ra palanggain nilo boo.

PINAINTALANG 1:20

Gitio noyo arati' ru tulu' butitin ondo' makito muno ra kalindu' pamiris Kutu, am intor ra tulu' tampakan ra lampung binaal intor ra mas no: Tulu' butitin raginio iono malaikat ru tulu' pasimpungan ulun Kristian no, am tulu' tampakan ra lampung no ioginio tulu' pasimpungan ulun Kristian.”

PINAINTALANG 11:15

Samputi' boo ru malaikat katulu' no bujung. Bolos-bolos mosongou morongog giu' ra suruga', konilo, “Kuasa' mamarinta ra tana' ti soroi raino ra Tuhan takau am ra Mamamayag Nano. Mamarinta Io ra sabuoi-buoi no!”

PINAINTALANG 7:1

Kopongo raginio, kakito ku apat malaikat minigor ra kaapat pisuk ra tana' ti. Ginuut nilo kaapat angin no koson kalo boo mansiob ra lantur, raat kapoam ra puun tataun.

PINAINTALANG 8:2

Kakito ku boo katulu'-tulu' malaikat ondo' minigor ra saang ri Aki Kapuuno' no am inanian ilo sigagama' ra bujung.