MATIUS 24:30 - Tanou Moonsoi Timugon

³⁰ Bagu no tatandu' ra Anak ru Ulun no makito ra limbowon am bagu no ulun ra tana' ti mantatangi', am makito nilo Anak ru Ulun matong ra gaun mabaya' ra ikang am katulayan Nano ra maayo.

MATIUS 24:30 ပူးပေါင်းရင်းမြစ်များ

DANIL 7:13

Ralalom ru pinaintalang raki' paat rondom raginio, nakito ku rondo' koson ra ulun. Minatong io linibungan ru gaun, am mininggaar Riso ondo' maayag ra mantilayun, am pinauma' Riso.

JAKARIA 12:10

Mangani' Aku ra papag ri Daut am mamagun ru Jirusalim ra guang ondo' masaga' makaasi' am masaga' makiasi'. Magilong ilo ra ulun ondo' tinobok nilo, am manulaboi riso koson ra ulun ondo' manulaboi ra pinatayan ru anak langkuir. Manulaboi ilo ra malumpus guang, koson ra ulun ondo' natatakan ra anak ungkuyon katuaan.

JAKARIA 12:11

Paat raginio mokoondo' manulaboi giu' ra Jirusalim koson ra manulaboi ri Gadad-Rimon giu' ra Limayak Migido.

MATIUS 24:3

Paat ri Jisus nanturung giu' ra bulur Jaitun, maamaya'-maamaya' Nano simininok pangkuot Riso, “Balai' akai, sanggilan ngaangai' baal ti masauk? Baal ra atan kia masauk no koson manulu' ra nasuku' noyo ratangan Muno am pamupusan ru tana' ti?”

MATIUS 24:37

Ratangan ru Anak ru Ulun masauk koson ra atan nasauk ri nabi Nuu.

MATIUS 24:39

Kalo nakapandai ilo atan ondo' nasauk saboi rosob i nangabas risilo. Koson niayuk raginio paat ra Anak ru Ulun rumatong.

MATIUS 26:64

Taam i Jisus, “Rinagu mu noyo. Balain takamin: Intor raino makakito kau ra Anak ru Ulun no manturung ra pamiris ri Aki Kapuuno' Ondo' Maayo Kaga' Kuasa'. Makito min niayuk Io matong ralalom ru gaun giu' ra limbowon!”

MARKUS 13:26

Paat raginio, makito Anak ru Ulun matong ralalom ru gaun mabaya' ra kuasa' am katulayan Nano.

MARKUS 13:4

Indagu ilo ri Jisus, “Balai' akai ra sanggilan ngaangai' raginio masauk? Am tatandu'-tatandu' no ra mapandayan ra mamaar noyo orou ngaangai' raginio masauk.”

LUKAS 21:27

Bagu no makito Anak ru Ulun matong ra gaun nabaya' ra kuasa' am katulayan maayo Nano.

LUKAS 22:69

Kaa' intor raino, Anak ru Ulun paturungon ra pamiris ri Aki Kapuuno' ondo' Maayo Kaga' Kuasa'.”

RINALATAN 1:11

Konilo risilo, “Ulun Galilia kau ngai', kua bigor kau ayuk ragiti am pantingaa' ra rasawat? I Jisus, ondo' nakito min kinayang mongoi ra suruga', sumaguli' Io poyo mogondo' ra nakito min raitii' ni.”

2 TISALONIKA 1:7

Am poyo mangani' Io ra katasuan ramuyun ondo' raino ti imboloon, mogondo' niayuk ramon. Gitio saukon Nano paat ra Tuhan Jisus mintalang intor ra suruga' mabaya' ra malaikat mangaikang Nano,

PINAINTALANG 1:7

Ilai', matong Io intor ra limbowon! Ngaangai' ulun makakito Riso, am niayuk ilo ondo' nanura' Riso i. Ngaangai' bansa' ru tana' ti mantatangi' sabap ra ondo' binaal Riso i. Sotopot no ginio noyo! Amin.

PINAINTALANG 12:1

Giu' boo ra limbowon no makito ra rondo' tatandu' makaimuag. Sangulun ruandu' nambayang ra mato ru orou am koson kimininjang io ra bulan. Nanasampak io ra karaun ondo' binaal ra mopor am ruo butitin.