MATIUS 24:3 - Tanou Moonsoi Timugon

³ Paat ri Jisus nanturung giu' ra bulur Jaitun, maamaya'-maamaya' Nano simininok pangkuot Riso, “Balai' akai, sanggilan ngaangai' baal ti masauk? Baal ra atan kia masauk no koson manulu' ra nasuku' noyo ratangan Muno am pamupusan ru tana' ti?”

MATIUS 24:3 ပူးပေါင်းရင်းမြစ်များ

MATIUS 13:36

I Jisus pana nangiruan boo ra ulun masuang no am subol ra rondo' baloi. Maamaya'-maamaya' Nano minatong Riso am indagu, “Balai' akai no ra atan arati' ru abig ra alab ondo' tatanga' ru gandum no.”

MATIUS 13:49

Koson niayuk raginio baal no paat ra Orou Pupus. Mongoi malaikat-malaikat am pampasuai ra ulun malaat intor ra ulun moonsoi.

MATIUS 15:12

Maamaya'-maamaya' ri Jisus pana minatong boo am indagu Riso, “Mangingila', makapandai Kou kia ra guang ru ulun-ulun ru Parisi no nasindualan ra ragu Muni?”

MATIUS 16:27

Sabap ra Anak ru Ulun no mamaar noyo rumatong ralalom katulayan ru Ama' Nano sumbayaan ru malaikat-malaikat Nano. Paat raginio mambalos Io ra moonong ulun maya' ra ondo' binaal nali.

MATIUS 16:28

Karaa' min! Mokoondo' kukula' ngaulun ragiti kalo matoi suku' ilo makakito ra Anak ru Ulun no rumatong koson ra raja'.”

MATIUS 17:19

Maamaya'-maamaya' Nano minatong Riso ra ilo ayuk ngaangai' am pangkuot, “Kua pai' kaalap mai ra anjau riwato no?”

MATIUS 21:1

Paat ri Jisus am maamaya'-maamaya' Nano makaimpal ra Jirusalim, apit ilo galing ra pamagunan Bitpagi, giu' ra Bulur Jaitun. Giu' no nanusub i Jisus ruo ngaulun maamaya' sumigulu risilo

MATIUS 24:27

Sabap ra Anak ru Ulun rumatong koson ra ganit suminda ra ngaangai' limbowon intor ra sirangon suku' ra kalasaan.

MATIUS 24:30

Bagu no tatandu' ra Anak ru Ulun no makito ra limbowon am bagu no ulun ra tana' ti mantatangi', am makito nilo Anak ru Ulun matong ra gaun mabaya' ra ikang am katulayan Nano ra maayo.

MATIUS 24:37

Ratangan ru Anak ru Ulun masauk koson ra atan nasauk ri nabi Nuu.

MATIUS 24:39

Kalo nakapandai ilo atan ondo' nasauk saboi rosob i nangabas risilo. Koson niayuk raginio paat ra Anak ru Ulun rumatong.

MATIUS 24:43

Karaa' min gitio! Amon ru ampu' ru baloi nakapandai sangulun mantatakou no matong, kalo mombolong io am kalo polosoon no mantatakou no sumubol ra baloi nano.

MATIUS 28:20

Ilaa' ilo ti mampagagaya' ra atan ondo' panusuban Kuli. Karaa' noyo, soroi Aku mabaya' ramuyun saboi ra orou pupus ru tana' ti.”

LUKAS 21:7

Kuati' nilo i Jisus, “Mangingila', sanggilan kasaukan ru ginio? Atan kia tatandu' nano ra io masauk?”

RINALATAN 1:7

Taam i Jisus, “Ama' Kuno galama' mangaru' ra orou am paat nano. Ginio kalo pana makapandai kau, sabap ra baal raginio i Ama' ra kuasa'.

IBRANI 9:26

Sabap ra amon ru koson poyo raginio misasaguli' Io potoyon intor ra tana' ti biningkal. Kaa' sotopot no, raino mamaar noyo ra pamupusan, riminatong noyo i Kristus igondo' ayuk koson mampataak ra painawo Nano mamuso ra tula ru ulun am ginio sama' ra sabuoi-buoi no.