MATIUS 24:27 - Tanou Moonsoi Timugon

²⁷ Sabap ra Anak ru Ulun rumatong koson ra ganit suminda ra ngaangai' limbowon intor ra sirangon suku' ra kalasaan.

MATIUS 24:27 ပူးပေါင်းရင်းမြစ်များ

AYUP 37:3

Giu' ra titikop ru limbowon, pinatangkus No ganit; giu' ra pompor-pompor ru tana', inataran No timpalak.

AYUP 38:35

Amon ru manusub kou ra ganit maa' raginio mararayus kukurilop, matong kia ganit rirun am mindagu, “Iou aku, tuan!”?

JISAYA 30:30

Porongogon ru Tuhan bolos Nano ondo' matulai no, am moonong ulun makaliman ra kasangitan Nano ondo' makasimbula'. Kasangitan Nano maparatong ra apui ondo' makapangumpo, bagiu', rasam batu am rasam maawas.

YEHEZKIEL 1:14

Ilo ondo' maayag no mansiab ra giu' am giti maribok koson ra ganit.

JAKARIA 9:14

Mintalang Tuhan ra ulun Nano; palabuson no anak panah koson ra ganit. Tuhan Raja' manamput ra tarumpit koson ra tatandu' mapaugar ra pamulunsaran, jumalai Io intor ra rabugus giu' ra tatanga' ru bagiu'.

MALIAKI 3:2

Kaa' osoi kia ondo' tumaan ra orou Io matong am mintalang ra inan? Io koson ra sabun ondo' totopot makalulu' am koson ra apui ondo' manuyu' ra logam.

MALIAKI 4:5

Kaa' kalo poyo orou ondo' maayo am makalalaa' ondo' inaru' Kuno ra matong, susubon Ku Nabi Ilia mongoi ramuyun.

MATIUS 16:27

Sabap ra Anak ru Ulun no mamaar noyo rumatong ralalom katulayan ru Ama' Nano sumbayaan ru malaikat-malaikat Nano. Paat raginio mambalos Io ra moonong ulun maya' ra ondo' binaal nali.

MATIUS 16:28

Karaa' min! Mokoondo' kukula' ngaulun ragiti kalo matoi suku' ilo makakito ra Anak ru Ulun no rumatong koson ra raja'.”

MATIUS 24:26

“Kaa' amon ru ulun mindagu ramuyun, ‘Ilai' soroi Io giu' ra tana' kaagisan!’, pai' kano ongoi ra giu'. Kapoam, amon ru mindagu ilo ramuyun, ‘Ilai', nansibuni Io ragiti!’, pai' kano pangintopot.

MATIUS 24:3

Paat ri Jisus nanturung giu' ra bulur Jaitun, maamaya'-maamaya' Nano simininok pangkuot Riso, “Balai' akai, sanggilan ngaangai' baal ti masauk? Baal ra atan kia masauk no koson manulu' ra nasuku' noyo ratangan Muno am pamupusan ru tana' ti?”

MATIUS 24:37

Ratangan ru Anak ru Ulun masauk koson ra atan nasauk ri nabi Nuu.

MATIUS 24:39

Kalo nakapandai ilo atan ondo' nasauk saboi rosob i nangabas risilo. Koson niayuk raginio paat ra Anak ru Ulun rumatong.

MATIUS 24:44

Ginio ra akau pana musiti' tumampos, sabap ra Anak ru Ulun matong paat ra orou kalo guangon min.”

MATIUS 8:20

Taam i Jisus, “Munin mokoondo' ra luang no galama' am susuit mokoondo' ra bunsut no galama', kaa' Anak ru Ulun kolondo' intok luyaan am tangusan.”

JAKUBUS 5:8

Moonsoi ru akau pana mataan am pai' kano kalawo guang, sabap ra orou ratangan saguli' ru Tuhan mamaar noyo.

2 PITRUS 3:4

Konilo ra, “Bantu' ru Tuhan ra matong Io saguli'. Ati Io? Kalio nai. Kinamatuaan takali namagatoi noyo, kaa' ngaangai' ti mogondo' ayuk koson ra talimpuun i, paat ra tana' ti biningkal!”