MATIUS 24:2 - Tanou Moonsoi Timugon

² “Iou,” ragu ri Jisus, “Ilai' noyo ngaangai' ti! Balain takamin: Kolondo' rondo' batu pana intor ragitio soroi ra intok nano; ngaangai' ti lunsayon.”

MATIUS 24:2 ပူးပေါင်းရင်းမြစ်များ

JIRIMIA 26:18

“Paat ra Raja' Gijkia nasauk ra raja' ru Jiuda, Nabi Mika intor ra Morisyit nambala' ra mamagun ra ragu ru Tuhan Ondo' Maayo Kaga' Kuasa', ‘Sion raduon koson ra umo, Jirusalim masauk ra tuntur ru nangalunsai, am bulur ru Baloi ru Tuhan masauk ra kataunan.’

MIKA 3:12

Sabap ra kalaatan min, Sion raduon koson ra tana', Jirusalim pasaukon ra tuntur ru nalunsai, am bulur intok Baloi ru Tuhan masauk ra kataunan.

LUKAS 19:44

Mamagun muno potoyon am kolondo' rondo' batu pana posoroyon ra intok nano am lunsayon kou. Gitio masauk sabap ra kalo natutunan mu ra minatong noyo i Aki Kapuuno' mamayag rirun!”

2 PITRUS 3:11

Amon ru koson ragitio noyo sauk ru pamupusan ra ngaangai' ti, kaayag kano mabaya' ra guang mapasau am mampakatasu' ri Aki Kapuuno',

PINAINTALANG 21:22

Kalo nakito ku Baloi Tuhan giu' ra bandar no, sabap ra Tuhan galama' soroi ra giu', i Aki Kapuuno' Maayo Kaga' Kuasa' am Anak Domba no.