MATIUS 24:14 - Tanou Moonsoi Timugon

¹⁴ Tanou Moonsoi ra i Aki Kapuuno' mamarinta posoboyon ra ngaangai' ulun ru tana' ti koson ra sasi' mampaintutun risilo. Mopongo ginio bagu no matong pamupusan ru tana' ti.”

MATIUS 24:14 ပူးပေါင်းရင်းမြစ်များ

YEHEZKIEL 7:10

Orou karaat ra tayar ru Israil mamaar noyo. Pampatayan gumaai-gaai. Kalimbawan nokopolos ra tampak nano.

MATIUS 10:7

Ongoi kau am pambala', ‘Mamaar noyo i Aki Kapuuno' mamarinta.’

MATIUS 18:19

“Karaa' min niayuk: Amon ru mokoondo' ruo ngaulun intor ramuyun rumondo' guang makiasi' ra atan ayuk, pakiasian nilo ti saukon ru Ama' Kuno giu' ra suruga'.

MATIUS 24:3

Paat ri Jisus nanturung giu' ra bulur Jaitun, maamaya'-maamaya' Nano simininok pangkuot Riso, “Balai' akai, sanggilan ngaangai' baal ti masauk? Baal ra atan kia masauk no koson manulu' ra nasuku' noyo ratangan Muno am pamupusan ru tana' ti?”

MATIUS 24:6

Mokorongog kau bolos ru pampatayan ra mamaar kaga', am tanou pangayawan giu' ra intok mangaalur. Kaa' rongogo' min, pai' kau kalaa'! Baal ragitio musiti' masauk, kaa' pai' ru nasuku' noyo orou pamupusan.

MATIUS 4:23

Sinuku' ri Jisus titikop libung ru Galilia. Nangila' Io ralalom ru baloi sambayangan am nampatanou Io niayuk ra Tanou Moonsoi ra mamarinta i Aki Kapuuno'. Namabas Io ra ngaangai' maruol ru ulun masuang.

MATIUS 9:35

Minongoi i Jisus ra ngaangai' pekan am pamagunan. Nangila' Io giu' ra baloi sambayangan am nampatanou ra Tanou Moonsoi ra i Aki Kapuuno' mamarinta. Namabas Io ra ulun-ulun intor ra nansalinut maruol nilono.

MARKUS 13:10

Tanou Moonsoi ti musiti' pabalaan galing ra ngaangai' bansa'.

LUKAS 2:1

Paat ragili i Kaisar Agustus nanusub ra ngaangai' mamagun ralalom Empayar Roma, mongoi panulis ra inggalan nilo koson manguntob ra suang ru ulun.

LUKAS 24:47

Am poyo, Tanou Moonsoi ti musiti' potonowon ra ngaangai' bansa' ru tana' ti, tumalimpuun intor ra Jirusalim. Maa' raginio ralalom inggalan Kuno tumalikur ilo intor ra tula nilono bagu ampunon ilo ri Aki Kapuuno'.

LUKAS 4:5

Ibito' boo i Jisus ru Tingganai ru riwato no ra rondo' intok ondo' masawat. Ra sangkuliop ayuk pinakito no i Jisus ra ngaangai' karajaan ra tana' ti.

RINALATAN 1:2

saboi ra orou nangkayangan Riso mongoi ra suruga'. Io kalo poyo minugar, mabaya' ra Ambiluo ri Aki Kapuuno' nambilin Io ra rasul-rasul ondo' pinili' Nano.

RINALATAN 11:28

Sangulun intor risilo i makainggalan ri Agabus. Bigor io am mansail ra kuasa' ru Ambiluo ri Aki Kapuuno' nanala' io ra matong rondo' bitilan maaja' ra titikop ru tana' ti. (Bitilan ragitio nasauk niayuk paat ri Kaisar Klaudius namarinta.)

RINALATAN 17:31

Sabap ra inaru' No noyo rondo' orou koson mangukum ra ngaangai' ulun ru tana' ti ra matanda'. Ginio saukon No ralalom ru sangulun ondo' inaru' noyo Riso, am gitio noyo tatandu' no ra ngaangai' ulun; Ulun no binayag saguli' ri Aki Kapuuno' intor ra kapatayan.”

RINALATAN 17:6

Kaa' kalio natuum nilo i Paulus am Silas. Ginio ra ralaato' nilo boo i Jason ti am kukula' poyo ngaulun Kristian koson paumaan ra tingganai ru bandar i. Nompogolok ilo, “Nakimagabu' ngaangai' ulun ti ra ati ayuk angayan nilo! Raino minongoi ilo poyo ra bandar takau ti

RINALATAN 19:27

Ginio kalaanin takau raino ti, sabap ra maaru' kondoyon takau kalaatin ru ulun. Sala' ka ginio ayuk, kaa' kuil Artimis niayuk kalo boo urumaton ru ulun am katulayan nano lumiot – kabalu' pana sambaan io ru ngaangai' ulun giti ra Asia am ngaangai' pagun ru tana' ti!”

RINALATAN 20:25

“Minongoi aku noyo ra intok mini am nampasaboi aku no ra tanou intor ra Pamarintaan ri Aki Kapuuno'. Kaa' raino, makapandai aku ra kalo boo makapantuum takau saguli'.

ROMA 10:18

Kaa' mangkuot aku: Motopot kia kalo poyo nokorongog ilo ra tanou no? Maaru' nokorongog ilo noyo! Sabap ra kon ru Buuk Kitab, “Bolos ru sinusub nakaralat noyo ra titikop ru tana' ti, am ragu nilai nakasuku' noyo ra ujok ru mamagun.”

KOLOSI 1:23

Maalap min ginio amon ru gumagaya' kau toojo, koson mampaikang toojo ra pangintapatan min. Pai' min noyo impayi' kalansanan ondo' tinaakan ramuyun paat ra akau nakaining ra Tanou Moonsoi i. Tanou ragitio nakatabual noyo ra ati ayuk ra tana' ti am aku i Paulus masauk ra ulipon koson mampaugar ra kandoi ragitio.

KOLOSI 1:6

Tanou Moonsoi ti nagibit ra barakat am nakatabual ra ati ayuk intok ra tana' ti, koson niayuk ra tatanga' min. Kataawan poyo ri Aki Kapuuno', ondo' naining min ra kasaa' i, maintutunan min ra atan ginio sotopot no.

IBRANI 1:6

Kaa' paat i Aki Kapuuno' nanusub ra Anak langkuir Nano mongoi ra tana' ti, minindagu Io koson ragitio: “Polosoo' noyo ngaangai' malaikat ri Aki Kapuuno' sumamba Riso.”

IBRANI 2:5

Malaikat-malaikat kalo noyo inanian ra kuasa' mamarinta ra tana' bagu ondo' matong no, ondo' sunuron takati.

PINAINTALANG 14:6

Kakito ku boo rondo' malaikat ra bokon mansiab ra masawat. Malaikat no nagibit ra Tanou Moonsoi ondo' mantilayun koson pabalaan ra ulun ru tana' ti, ioginio ra moonong papag, ragu, bansa' am pagun.

PINAINTALANG 16:14

Sotopot no, ilo ti riwato ondo' mambaal ra kaimuagan. Katalu-talu riwato no mongoi panimung ra ngaangai' raja' ru tana' ti koson mangayou paat ra Orou maayo ri Aki Kapuuno' ondo' Maayo Kaga' Kuasa'.

PINAINTALANG 3:10

Sabap ra kaimbalaan, bagu alungin takamin ra kapaganan maayo ondo' matong mangkinam ra ngaangai' ulun ru tana' ti.