MATIUS 24:10 - Tanou Moonsoi Timugon

¹⁰ Paat raginio masuang ulun kalo boo mangintopot Raki'. Ilo ti mampataak ra rondo' am bokon ra pantula' am mansisang rondo' am bokon.

MATIUS 24:10 ပူးပေါင်းရင်းမြစ်များ

MATIUS 10:21

“Mokoondo' ulun mampataak ra pinongkotob nano galama' koson ra potoyon, am ama' pana mambaal niayuk koson raginio ra anak nano. Mokoondo' anak manggal ra matuo nano saboi pataakon nilo ra potoyon.

MATIUS 11:6

Pakaansuk no ulun ondo' mangintopot ra Aku no kon ri Juanis.”

MATIUS 13:21

Kaa' tanou raginio kalo mantilayun ra guang nilono am kalo tumaan ra mabuoi. Paat ra ilo makakapaganan kapoam maimbolo' sabap ra tanou no, marayus kalawo guang nilono.

MATIUS 13:57

Ginio ra ilo kalo nangapu Riso. Indagu i Jisus risilo, “Sangulun nabi omporon ra ati-ati intok, kaa' kalo omporon io ru mamagun am pabukat nano galama'.”

MATIUS 24:11

Masuang migiangku ra nabi matong am mamparuung ra ulun masuang.

MARKUS 13:12

Sangulun mampataak ra pongkotob koson ra papatayin. Ama' niayuk mambaal koson raginio ra anak nano galama', am anak-anak manggal ra matuo nilo suku' papatayin.

MARKUS 4:17

Kaa' kalo riminondon ra guang nilo am sangkinolor ilo ayuk. Katiu' ilo ra imbolo' am kapaganan sabap ra Tanou ti, mataki' ilo kalo boo mangintopot.

LUKAS 21:16

Kasisangin am pataakin kau ra pantula' min ru matuo, pinongkotob, pabukat am niayuk rangan mino. Mokoondo' niayuk intor ramuyun no potoyon.

2 TIMOTIUS 1:15

Nakaintutun kou noyo ra ngaangai' ulun ru pagun Asia nangiruan raki', am nakaaya' niayuk i Pigilus am i Irmoginis.

2 TIMOTIUS 4:10

sabap ra nanatang noyo i Dimas raki' sabap ra nampakaatang io ra kaayagan ru tana' ti. Minongoi io noyo ra bandar Tisalonika. I Kriskis pana minongoi noyo giu' ra libung Galatia am i Titus poyo minongoi giu' ra libung Dalmatia.

2 TIMOTIUS 4:16

Paat ra aku binisara' ra kasaa' i, kolondo' sangulun kon pana nangindangan raki'. Ngaangai' boo nangiruan raki'. Gama' ru i Aki Kapuuno' kalo noyo mampakasala risilo ra baal ragitio.