MATIUS 23:9 - Tanou Moonsoi Timugon

⁹ Pai' kau panabit ra osoi ayuk pana ra tana' ti ‘i Ama'’ sabap ra rondo' ayuk Ama' min giu' ra suruga'.

MATIUS 23:9 ပူးပေါင်းရင်းမြစ်များ

1 JUANIS 3:1

Ilai'! Mumpara' piboo gayo ru togom ri Ama' saboi piawon takau ra anak ri Aki Kapuuno'. Am sotopot no, itakau ti anak ri Aki Kapuuno'. Ginio sabap ra ulun ru tana' ti kalo makaulig ritakau, sabap ra kalo makaulig ilo ri Aki Kapuuno'.

IBRANI 12:9

Itakau sigagama' makaama' ra tana' ti ondo' mampalapos am mangila' ritakau am mangurumat takau risilo. Amon ru ginio noyo, sotopot no musiti' takau mangurumat ri Aki Kapuuno' giu' ra suruga', maa' raginio maayag takau ra mantilayun.

MALIAKI 1:6

Mindagu Tuhan Ondo' Maayo Kaga' Kuasa' ra imam-imam, “Sangulun anak mangurumat ra ama' nano am sangulun ulipon mangurumat ra tuan nano. Aku ama' min, kaa' kua kalo mangurumat kau Raki'? Aku tuan min, kaa' kua kalo malaa' kau Raki'? Magasab kau Raki', kaa' mangkuot kau, ‘Atan koson akai nagasab Rirun?’

MATIUS 7:11

Kabalu' pana malaat kau, mapandai kau niayuk mangani' ra moonsoi ra anak mino. Ama' min giu' ra suruga' pana masaga' mangani' ra moonsoi no ramuyun amon ru makitaak kau.

1 KORINTUS 4:15

Sabap ra kabalu' pana akau mokoondo' lair mopor ngaribu ngaulun mangingila' ra Kristian, kaa' sangulun ayuk ama' min. Ginio ra ralalom kaayagan mino koson ra sangulun Kristian, aku noyo ama' min, sabap ra aku no nampabala' ramuyun ra Tanou Moonsoi ri Jisus Kristus.

2 KORINTUS 6:18

Masauk Aku ra ama' min, am akau masauk ra anak ungkuyon am anak ruandu' Kuno. Ginio noyo ragu ru Tuhan Maayo Kaga' Kuasa'.”

RINALATAN 22:1

“Pabukat kau ngaangai'! Rongogo' min aku! Masaga' aku mapaintutun ramuyun ra sala' ka malaat aku.”

2 RAJA'-RAJA' 2:12

Kakito ri Ilisa baal raginio, am i pana mompogolok ri Ilia, “Ama' ku, ama' ku! Manaung maikang ru Israil! Minugar noyo i ama'!” Ginio ra liot ri Ilia intor ra pagilangan ri Ilisa. Nabaya' ra kangilukan rilako' ri Ilisa sukub nano nasauk ra ruo rilak.

MATIUS 6:32

Baal koson raginio noyo masalok karaan ru ulun ondo' kalo makatutun ri Aki Kapuuno'. I Ama' mino giu' ra suruga' nakapandai ra kitaakon mino ra ngaangai' raginio.

2 RAJA'-RAJA' 13:14

Rondo' paat ri Ilisa, nabi no marualan ra masaran. Paat ri Ilisa maar matoi, Raja' Jigoas, raja' ru Israil no minatong pagilong riso. Liliwa' mantangi' indagu Raja' Jigoas, “Ama' kuno, ama' kuno! Okou noyo manaung ra Israil ondo' mapanggol!”

2 RAJA'-RAJA' 6:21

Pakakito raja' ru Israil ra saujor ru Samaria, pangkuot io ri Ilisa, “Tuan, musiti' kia potoyon ku ilo?”

MATIUS 23:10

Pai' kau niayuk pakisabit ra ‘Tingganai’ sabap ra rondo' ayuk toojo tingganai min, ioginio Mamamayag ondo' sinusub ri Aki Kapuuno' i.