MATIUS 23:8 - Tanou Moonsoi Timugon

⁸ Kaa' akau kalo pana sabiton ra ‘Mangingila'’, sabap ra ngaangai' akau koson ayuk mabubukat am rondo' ayuk Mangingila'.

MATIUS 23:8 ပူးပေါင်းရင်းမြစ်များ

MATIUS 10:25

Atan baalon nilo ra mangingila', baalon nilo niayuk ra migigila', am atan baalon nilo ra tuan, baalon nilo niayuk ra ulipon. Amon ru puun ru baloi no sabiton ra Biiljibul, mapara' piboo laat ru ulun ru baloi raginio sabiton ru ulun.”

MATIUS 17:5

Tatanga' ri Pitrus mindagu, ratong gaun ondo' makabinusasal no nangulumput risilo, am bolos intor ra gaun no mindagu, “Gitio noyo Anak Kuno ondo' tagamin Kuno, mapakatasu' Io ra guang Kuno. Rongogo' min Io no!”

MATIUS 23:10

Pai' kau niayuk pakisabit ra ‘Tingganai’ sabap ra rondo' ayuk toojo tingganai min, ioginio Mamamayag ondo' sinusub ri Aki Kapuuno' i.

MATIUS 23:7

Ilai' ayuk ra ilo makitabi' ra ulun giu' ra pasar am piawon ra mangingila'.

MATIUS 26:25

I Judas ra mamparuung ti indagu, “Maaru' sala' ka aku kon Muno Mangingila'?” Taam i Jisus, “Ginio noyo ragu muno!”

MATIUS 26:49

Pakasuku' ayuk i Judas parayus io ongoi uma' ri Jisus am indagu, “Kaansayan Rirun Mangingila'.” Io pana ganggol am alok ri Jisus.

MARKUS 10:51

Pangkuot i Jisus, “Atan kitaakon muno Raki'?” Taam nobolou no, “Mangingila', masaga' aku makakito.”

MARKUS 11:21

Kakara' boo ri Pitrus ibot ri Jisus ra puun i. Kon boo ri Pitrus ri Jisus, “Mangingila', ilai' puun ru ara ondo' inibatan Muli, naguol noyo!”

MARKUS 14:45

Ratong i Judas, parayus io ongoi ri Jisus am indagu, “Mangingila'!” Alaki' no boo i Jisus.

MARKUS 9:5

Indagu i Pitrus ri Jisus, “Mangingila', mapara' piboo bansuk mai soroi ra intok ragitio. Moonsoi manirong akai talu kalukub: rondo' Rirun, rondo' ri Musa am rondo' ri Ilia.”

LUKAS 22:32

Kaa' nakiasi' Aku noyo ra pangintapatan muno kalo malawo. Ra okou sumaguli' Raki', okou tupo niayuk mampaikang ra pangintapatan ru pabukat-pabukat muno.”

JUANIS 1:38

Pangkaili i Jisus am kakito No ra siminunu' ilo Riso am kuati' No ilo, “Atan uyumon min?” Taam ilo, “Rabbi, ati inayanan Mu?” (‘Rabbi’, arati' no ‘mangingila'’.)

JUANIS 1:49

Indagu i Natanil, “Mangingila', Okou no Anak ri Aki Kapuuno' am raja' ru ulun ru Israil!”

JUANIS 11:8

Taam maamaya' Nano, “Mangingila', kalo poyo nabuoi ra bobolon kou raan ra batu ru ulun ru Jaudi am raino rumuli' kou po kia ra giu' i?”

JUANIS 20:16

Indagu i Jisus boo riso, “Maria!” Ponontong i Maria ri Jisus am indagu, “Rabuni!” (Arati' no “Mangingila'”).

JUANIS 3:2

Sarandaman ragili ongoi io tuum ri Jisus am indagu, “Mangingila', makapandai akai ra Okou no sinusub ri Aki Kapuuno' mongoi pangila'. Sabap ra kolondo' sangulun pana makapambaal ra kaimuagan koson ra baalon Muno, amon ru kalo indanganon io ri Aki Kapuuno'.”

JUANIS 3:26

Ongoi ilo boo ri Juanis am indagu, “Mangingila', Io ondo' nababaya' rirun am pinaintutun muno ramon giu' ra sandaup ru Sungoi Jordan i, raino Io pana mampariu' am ngaangai' ulun mongoi boo Riso.”

JUANIS 4:31

Liliwa' ragili kimaiti' Io ru maamaya' Nano, “Mangingila', pangakan!”

JUANIS 6:25

Katuum ru ulun masuang no i Jisus giu' ra sandaup i, pangkuot ilo Riso, “Mangingila', sanggilan Kou pakasuku' ragiti?”

JUANIS 9:2

Pangkuot maamaya' Nano Riso, “Mangingila', osoi ra tula nangkinibit ra ulun ti noolou intor ra io inanak? Tula nano galama' kia kapoam matuo nano?”

2 KORINTUS 1:24

Kalo mompogogot akai maningganai ramuyun koson mambala' ra atan musiti' intopoton min, sabap ra mangintopot kano toojo ri Kristus. Kaa' masaga' akai ayuk maguguyu ramuyun, maa' raginio maansayan kau toojo.

2 KORINTUS 4:5

Pai' ru mampasaboi akai ra tanou mai galama', kaa' tanou ra i Jisus Kristus noyo Tuhan, am akai ti ulipon min ayuk sabap ri Jisus.

IPISUS 3:15

Io no ondo' mangani' ra painawo ra ngaangai' maayag giu' ra suruga' am niayuk giti ra tana' ti.

PILIMON 1:16

Am raino sala' ka sangulun ulipon io ayuk, kaa' mulu' poyo intor raginio, io sangulun pabukat muno ra Kristian ondo' tagamin mu. Mokoonong io raki' am mulu' poyo rirun, koson ra sangulun ulipon am niayuk ra sangulun pabukat muno ondo' mangintopot ra Tuhan.

JAKUBUS 3:1

Pabukat kau ngai'! Moonsoi ru kalo niayuk masuang intor ramuyun makaguang masauk ra mangingila'. Sabap ra kalo kia nakapandai kau ra itakau ondo' mangila' ra bokon, maagat poyo paukumin ri Aki Kapuuno' ritakau.

1 PITRUS 5:3

Pai' kano mamarinta mamisi' risilo ondo' pinaintopot noyo ramuyun ti, kaa' sauk kano koson ra tiluan moonsoi risilo.

PINAINTALANG 1:9

Aku, i Juanis, pabukat min ondo' nogondo' niayuk ramuyun maimbolo' sabap ra gumagaya' ri Jisus, am maginaa poyo ra ratangan ru pamarintaan Nano ra guang mataan. Inaput aku ra Pulu' Patmos sabap ra mampatanou ra bala' ri Aki Kapuuno' am ra katapatan ondo' pinakito ri Jisus.

PINAINTALANG 19:10

Igulatur aku boo ra saang ru malaikat no am samba riso, kaa' indagu io, “Pai' aku sambaa'. Sambaa' noyo i Aki Kapuuno'. Sabap ra aku pana rangan mangngandoi muno, am ra ngaangai' pabukat muno ondo' gumagaya' ra kaintutunan intor ri Jisus.” Sabap ra katapatan ondo' pinakito ri Jisus mapaikang ra ulun mampabala' ra tanou intor ri Aki Kapuuno'.

PINAINTALANG 22:9

kaa' indagu io raki', “Pai' aku sambaa'. Sambaa' noyo i Aki Kapuuno'. Sabap ra aku pana rangan mangngandoi muno, am koson ra pabukat-pabukat muno ioginio nabi-nabi no, am ngaangai' ondo' gumagaya' ra bala' tinulisan ra kitab ragitio.”