MATIUS 23:2 - Tanou Moonsoi Timugon

² “Mangingila' ra Ukum ri Musa am ulun ru Parisi ti noyo inanian ra kuasa' mampaintutun ra Ukum ri Musa.

MATIUS 23:2 ပူးပေါင်းရင်းမြစ်များ

IJRA 7:25

“Musiti' okou, Ijra, manampakuan ra kapintaran ondo' pinataak ri Aki Kapuuno' rirun. Lantiko' tingganai-tingganai am akim-akim maa' raginio maningganai ra mamagun giu' ra Iprat Kalasaan, ondo' maayag sumugut ra Ukum ri Aki Kapuuno' muno. Musiti' okou mangila' ra Ukum no ra ngaangai' ulun ondo' kalo poyo nakapandai raginio.

IJRA 7:6

I Ijra sangulun ondo' nakaigigila' am mapandai am makatutun toojo ra Ukum ondo' tinaakan ru Tuhan, i Aki Kapuuno' ru Israil ri Musa. Nangani' Raja' ri Ijra ra atan ayuk kinitaak no sabap ra binarakat i Ijra ru Tuhan, i Aki Kapuuno' nano. Paat ra bilor katulu' ra pamarintaan ru Raja' Artasasta, minugar i Ijra intor ra pagun ru Babilonia minongoi ra Jirusalim nababaya' ra santimungan ulun ru Israil, nakaaya' kukula' ngaulun imam, ulun ru Liwi, ulun maririmbai, am niayuk ulun magalung ra kulobon ru Baloi ru Tuhan am ulun-ulun mangngandoi.

MALIAKI 2:7

Imam-imam musiti' toojo mangila' ra atan ondo' motopot intor ri Aki Kapuuno'. Mamagun musiti' matong ra imam-imam koson makapandai ra kasagaan Kuno sabap ilo ulun sinusub ru Tuhan Ondo' Maayo Kaga' Kuasa'.

MATIUS 23:3

Ginio ra, bayaa' am baalo' noyo ngaangai' panusuban nilono. Kaa' pai' noyo tiluo' paliso nilono, sabap ra ilo ti mangila' ayuk kaa' kalo mampagagaya'.

MARKUS 12:38

Indagu Io risilo, “Ilalai' min ra mangingila' ra Ukum ri Musa no. Masaga' ilo ayuk ugar-ugar am mambayang ra sukub maawar, am masaga' ilo makitabi' ra ulun giu' ra pasar.

LUKAS 20:46

“Ilalai' min mangingila' ra Ukum ri Musa. Masaga' ilo mugar am mambayang ra sukub moonsoi am makikiilong ra ulun giu' ra pasar. Manturung ilo ra panturungan pinabatang ra saang ra baloi sambayangan am giu' ra bunsag.

SAGULION 33:3

Motogom Tuhan ra ulun Nano; Mangampin Io ra ngaangai' ulun ondo' masauk ra longgom Nano. Ginio sabap ra kumubu takau ra saang Nano, am gumagaya' ra susuban Nano.