MATIUS 23:13 - Tanou Moonsoi Timugon

¹³ “Aibui boo ramuyun, mangingila' ra Ukum ri Musa am ulun-ulun ru Parisi! Maabau-abau kau kaga', akau galama' kalo masaga' masauk ra ulun ri Aki Kapuuno', am niayuk mongompong kau ra ulun bokon ondo' masaga' masauk ra ulun ri Aki Kapuuno'. [

MATIUS 23:13 ပူးပေါင်းရင်းမြစ်များ

JISAYA 33:14

Namagun ra Sion ondo' makatula monontol malaa'. Konilo, “Ukuman intor ri Aki Kapuuno' koson ra apui ondo' monolob ra sabuoi-buoi no. Mokoondo' kia osoi mabayag intor ra apui no?”

JAKARIA 11:17

Kaulas noyo magagalung ondo' kolondo' onong no! Nangiruan io ra domba sampanon nano. Pangayawan mamupus ra kuasa' nano. Kalindu' nano lumawo am mato pamiris nano moolou.”

MATIUS 23:16

“Aibui boo ramuyun, tingganai ondo' nobolou! Mangila' kau ra: ‘Amon ru sasangulun magibot am alapon no Baloi Tuhan no ra sasi' nano, ulun no kalo nogonggom ru ibot nano. Kaa' amon ru magibot io am alapon no mas ralalom Baloi Tuhan no ra sasi' nano, io nogonggom ru ibot nano!’

MATIUS 23:23

“Aibui boo ramuyun, mangingila' ra Ukum ri Musa am akau ulun ru Parisi! Maabau-abau kau! Mangani' kau niayuk ri Aki Kapuuno' mopor piatus intor ra apa' pampagamis ra akanon pana, ioginio selasih, adas manis am jintan. Kaa' ondo' maatang kaga' ra Ukum ri Musa, ioginio koson katimpakan, makaasi' am gagaya', polosoon min ayuk! Gitio noyo panusuban ru Ukum ti ondo' musiti' min suguton am susuban ra bokon pana kalo lilianin.

MATIUS 23:25

“Aibui boo ramuyun, mangingila' ra Ukum ri Musa am ulun ru Parisi! Maabau-abau kau! Mampaliung kau ra liwar ru sangkir am kakanan min suku' mapasau, kaa' ralalom no majamol, mototop ra baal malaat ra akau mampagaau ra kuliamos am mangingkaut.

MATIUS 23:27

“Aibui boo ramuyun, mangingila' ra Ukum ri Musa am ulun ru Parisi! Maabau-abau kau! Akau koson ra karanda' ondo' sinaat mapulak, ra liwar moonsoi ilain, kaa' ralalom no nososok ra bungul ru ulun am baangkai ondo' mongootong.

MATIUS 23:29

“Aibui boo ramuyun, mangingila' ra Ukum ri Musa am ulun ru Parisi! Maabau-abau kau! Mambaal kau ra lobong moonsoi ra nabi-nabi, am binungaan min lugu' pangkaraan ra ulun moonsoi ondo' naayag ra galing i.

MATIUS 3:7

Pakakito i Juanis ra masuang ulun ru Parisi am Saduki matong pakiriu' riso, ragui' no ilo, “Akau ti koson ra kukuo ondo' magiru' intor ra apui ru Ukum ri Aki Kapuuno' ondo' matong ra maagu no?

LUKAS 11:52

Akau mangingila' ra Ukum ri Musa, mumpara' boo usung mino! Binuni min kunsi' ru kulobon kapandayan. Akau galama' marara' sumubol kaa' manginga' kau ra ulun bokon ondo' mapirot mumpos!”

JUANIS 9:22

Matuo nano minindagu koson raginio sabap ra nalaa' ilo ra tingganai ru ulun ru Jaudi no, sabap ra nakapaguguum ilo noyo ra osoi ayuk mangiou ra i Jisus noyo Mamamayag ondo' sinusub ri Aki Kapuuno', inggalarin ulun no mumpos ra baloi sambayangan.

JUANIS 9:24

Piawo' nilo poyo ulun binabas ni am konilo riso, “Pagibot no ralalom inggalan ri Aki Kapuuno' ra mindagu kou ra motopot! Nakapandai akai noyo ra ondo' namabas rirun i ulun makatula.”

JUANIS 9:34

Konilo riso, “Okou ti makatula noyo intor ra okou inanak ayuk poyo; am mangila' kou boo kia ramon?” Ininggalaran nilo boo io mumpos ra baloi sambayangan i.

RINALATAN 13:8

Kaa' i Ilimias, (ginio inggalan ri Bar-Jisus ralalom ragu Junani), mangingilong i, nanginga' risilo. Nangkinam io mangkinibit ra gabenor no kalo mangintopot ri Jisus.

RINALATAN 5:28

“Linolob takamin noyo ra pai' kau pangila' ra pangilaan ru ulun ragili. Kaa' ilai' boo binaal min! Nampatabual kau ra pangilaan min ra titikop ru Jirusalim ti, am nanguu' kau poyo ra akai no nangkinibit ra pinatayan ru ulun i.”

RINALATAN 5:40

Piawo' nilo saguli' rasul-rasul no, am palapasi' boo am inggalari' ilo manabit ra inggalan ri Jisus. Kopongo ragili pinalabus ilo.

RINALATAN 8:1

I Saulus niayuk nangiou ra namatayan ri Stipanus. Orou ragili niayuk pasimpungan ulun Kristian ra Jirusalim inimbolo' ra maaja'. Ngaangai' ulun nangintopot nantutuliar pagiru' ra Judia am niayuk Samaria, kaa' rasul-rasul ayuk kalo.

2 TIMOTIUS 3:8

Mogondo' ra i Janis am i Jambris minanggal ilo ri Musa ra galing i, koson niayuk ulun raginio manggal ilo ra pangilaan motopot. Kalo matanda' pangkaraan nilo am pangintapatan nilo pana kolondo' onong.

2 TIMOTIUS 4:15

Ilalain mu io ti, sabap ra anggalon no toojo pangilaan takati.