MATIUS 22:44 - Tanou Moonsoi Timugon

⁴⁴ ‘I Aki Kapuuno' minindagu ra Tuhan Kuno: Panturung no ra pamiris Kutu, saboi baalon Ku pantula'-pantula' Muli kumuku' ngai' Rirun.’

MATIUS 22:44 ပူးပေါင်းရင်းမြစ်များ

KASAUKAN 3:15

Okou am ruandu' raginio mansisang, papag nano am papag muno magail mantutula'. Papag nano mamabak ra ulu muno am okou maninduk ra tunob nilono.”

MAZMUR 110:1

Mazmur ri Daut. Minindagu Tuhan no ra raja' no, “Panturung soor ra pamiris Kutu, saboi ngaangai' pantula' muno makuasa' Ku am pataakon rirun.”

MAZMUR 21:9

Ngaangai' pantula' nano rokopon ru raja' no; rokopon ru raja' no ngaangai' ulun ondo' masisang riso.

MATIUS 22:45

Amon ru i Daut mampiau Riso ‘Tuhan’, ati koson Mamamayag ondo' sinusub ri Aki Kapuuno' masauk ra papag ri Daut?”

MATIUS 26:64

Taam i Jisus, “Rinagu mu noyo. Balain takamin: Intor raino makakito kau ra Anak ru Ulun no manturung ra pamiris ri Aki Kapuuno' Ondo' Maayo Kaga' Kuasa'. Makito min niayuk Io matong ralalom ru gaun giu' ra limbowon!”

MARKUS 16:19

Kopongo ayuk ragu ri Jisus risilo, kayango' Io no ra suruga', am panturung Io ra pamiris ri Aki Kapuuno'.

LUKAS 19:27

Ilo ondo' nakimantula' raki', ondo' marara' ra aku saukon ra raja', rokopo' am potoyo' min ilo ngaangai' ra saang kutu!’ ”

JUANIS 20:28

Indagu i Tomas ri Jisus, “Okou no Tuhan kuno am i Aki Kapuuno' kuno.”

1 KORINTUS 15:25

Sabap ri Kristus musiti' mamarinta saboi ngaangai' pantula' Nano patindukuon ri Aki Kapuuno' Riso.

PILIPI 3:8

Am sala' ka ginio ayuk. Kaa' sotopot no ngaangai' karaan ku koson ra kolondo' boo onong sabap ra kalo noyo mokopogondo' ra ati kulaan kinologo ru intutun kuno koson ri Kristus, Tuhan kuno. Ngaangai' no tinatang ku noyo sabap ra Io, am karaan ku ginio koson ra ginsamol ayuk, maa' raginio mulu' piboo aku makaintutun ri Kristus am makasimpung Riso.

IBRANI 1:13

Kalo igondo' i Aki Kapuuno' no minindagu ra ati ayuk pana malaikat koson ragitio: “Panturung no ra pamiris Kutu, saboi mampasauk Aku ra ngaangai' pantula' Muno gumagaya' Rirun.”

IBRANI 1:3

Io noyo mampakito ra kuasa' ri Aki Kapuuno' am paliso Nano mogondo' toojo ri Aki Kapuuno'. Io noyo niayuk magalung ra limbowon am tana' ti mansail ra bala' Nano ondo' makakuasa'. Mopongo Io namasau ra ulun intor ra tula nilai, nanturung Io ra takhta ra suruga' ra tampilon pamiris ri Aki Kapuuno' ondo' Maayo Kaga' Kuasa'.

IBRANI 12:2

Guango' takano toojo i Jisus, sabap ra Io noyo intaran am mampakatanda' ra pangintapatan takau. Tinaanan No ayuk kauyuan paat ra Io sinalip, sabap ra nangkara' Io ayuk ra kaansukan ondo' apuon No ra tauli no. Raino ti manturung Io ra tampilon pamiris ru takhta ri Aki Kapuuno'.

PINAINTALANG 19:19

Kakito ku boo bibiag masigo no am raja'-raja' ru tana' ti, nababaya' ra pulalai ru saujor nilono natimung noyo koson mangayou Riso ondo' nangura' ra kuda mapulak no am saujor Nano.