MATIUS 22:3 - Tanou Moonsoi Timugon

³ Raja' ti panusub ra ulipon-ulipon nano mongoi pambala' ra tambului ra binalaan nali matong ra bunsag ti. Kaa' ulun-ulun raginio kalo masaga' matong.

MATIUS 22:3 ပူးပေါင်းရင်းမြစ်များ

MAZMUR 68:11

am ulun Muno mayan ra giu'; ralalom kinoonsoi Muno, alungin Mu ulun musikin.

JISAYA 30:15

Tuhan Raja', i Aki Kapuuno' ru Israil, i Aki Kapuuno' ondo' matulai, mindagu ra ulun Nano, “Saguli' kano Raki' am pangintopot kano Raki' ralalom kalinuos ru guang. Akau pana ikangon Ku am bayagon Ku.” Kaa' kalo masaga' kau.

JIRIMIA 25:4

Rinayus ayuk ru Tuhan nanusub ra nabi-nabi, iono ulipon-ulipon Nano minongoi ramuyun, kaa' marara' kau mangkirongog am mampalio risilo.

JIRIMIA 35:15

Rinayus Ku nanusub ra ngaangai' ulipon Kuno, nabi-nabi mongoi ramuyun, am nanusub ilo ramuyun mangiruan ra binaal malaat am mambaal ra ondo' moonsoi. Nampakara' ilo ramuyun maa' raginio kalo sumamba kapoam mangandoi ayuk ra tuhan-tuhan ra bokon, maa' raginio marayusan min mayan ra pagun ondo' pinataak Kuno ramuyun am kinamatuaan min. Kaa' kalo riminongog kapoam nampalio kau Raki'.

GOSIA 11:2

Gino Aku piau-piau risilo, lumanja' ilo minggalur Raki'. Ulun Kuno mampataak ra taak simbalui ri Baal; monolob ilo ra kaminyan ra sinungkalalaing.

GOSIA 11:7

Totopot ilo masaga' mangiruan Raki'. Mampalaa ilo makiindangan sabap ra inimbolo', kaa' kolondo' osoi pana mampalabus risilo.

JIPANYA 1:7

Orou ru Tuhan mamaar noyo. Paat ra orou raginio mangakim Io ra ulun; ginio ra pongkoror no giu' ra saang Nano. Tatanga' Tuhan tumampos koson manimbalui ra ulun Nano koson ra bibiag simbaluyon koson ra taak simbalui, am mangkimait Io ra pantula' koson mantakou ra Jiuda.

MATIUS 21:34

Kasuku' orou ra mangkumos, tatangan ra umo i nanusub ra kukula' ngaulun ulipon nano mongoi ra ulun-ulun naniwa' i, koson mongoi pangapu ra tayar nali intor ra ulun-ulun naniwa' i.

MATIUS 23:37

“Mamagun ru Jirusalim! Namatoi kau ra nabi-nabi am binobol min ulun-ulun ondo' sinusub ri Aki Kapuuno'! Ingkula' noyo Aku masaga' mangampin ramuyun, koson ra manuk puunan mampagupu' ra gogol ra kawo nano, kaa' akau marara'.

MATIUS 3:2

“Talikur kano intor ra tula mino sabap ra mamaar noyo i Aki Kapuuno' mamarinta!”

MATIUS 9:15

Taam i Jisus, “Malansan kau kia ra tambului ondo' minaya' ra ungkuyon uatin no mampali ra io soroi ayuk poyo risilo? Maaru' kalo! Kaa' masuku' niayuk orou ungkuyon uatin no alapon intor risilo am bagu no mampali ilo.

LUKAS 13:34

Jirusalim, Jirusalim! Namatoi kou ra nabi-nabi am binobol mu ra batu ulun ondo' sinusub ri Aki Kapuuno' mongoi rirun! Ingkula' Aku noyo masaga' mampalulur ra ngaangai' mamagun muno, koson ra sanginan manuk puunan mampagupu' ra gogol nano ra kawo nano, kaa' marara' kou!

LUKAS 15:28

Kaa' siminangit toojo anak ra katuaan i saboi marara' mumpos ra baloi i. Ingkual boo ama' i manimayo riso.

LUKAS 19:27

Ilo ondo' nakimantula' raki', ondo' marara' ra aku saukon ra raja', rokopo' am potoyo' min ilo ngaangai' ra saang kutu!’ ”

JUANIS 5:40

kaa' marara' kau matong Raki' koson mokoowot ra kaayagan motopot.

RINALATAN 13:45

Kaa' paat ra ulun ru Jaudi nakakito ra ulun masuang no, nangusolon ilo toojo. Inanggal nilo ngaangai' rinagu ri Paulus saboi nagasab riso.

ROMA 10:21

Kaa' koson ra ulun ru Israil, kon ri nabi Jisaya, “Gitio noyo kon ri Aki Kapuuno', ‘Monsongorou Aku maginaa risilo sumaguli' Raki', kaa' ilo no mokotog ulu am kalo gumagaya'.’ ”

IBRANI 12:25

Ilalai' noyo ra kasalok kano mangkirongog Riso ondo' mindagu. Sabap ra ilo ondo' kalo nangkirongog Riso ondo' nampasaboi ra bala' ri Aki Kapuuno' ra tana' ti, kalo noyo nakapagiru' ilo. Mulu' piboo ritakau, ra kalo makapagiru' takau amon ru kalo mangkirongog Riso ondo' minindagu intor ra suruga'.

IBRANI 9:15

Ginio nai ra mansail ri Kristus noyo i Aki Kapuuno' nakapambaal ra nabantuan bagu, maa' raginio ulun ondo' pinili' Nano makaapu ra barakat mantilayun ondo' binantu' Nali. Ngaangai' raginio masauk sabap ri Kristus minatoi noyo koson mampakaayag ra ulun intor ra sala ondo' binaal nilono nakapaat ra nabantuan kasaa' i iniou.

PINAINTALANG 22:17

Ambiluo ri Aki Kapuuno' am Ruandu' Uoton ru Anak Domba mindagu, “Ibok no.” Moonong ulun ondo' mangining ragitio musiti' mindagu, “Ibok no.” Osoi ayuk pinaason am osoi ayuk masaga', ibok am apuo' noyo timug ondo' mampakaayag ra kalo kilagain.