MATIUS 22:29 - Tanou Moonsoi Timugon

²⁹ Taam i Jisus, “Mumpara' boo layau ru pangkaraan mino! Akau kalo makarati' ra Buuk Kitab kapoam kuasa' ri Aki Kapuuno'.

MATIUS 22:29 ပူးပေါင်းရင်းမြစ်များ

KASAUKAN 18:14

Ginio ra babaai kia kalo mapasauk Tuhan no ra atan-atan? Koson ra ragu Ku ra raitii' ni ra siam ngansila' intor raino rumuli' Aku ragiti. Paat raginio i Sara makaanak sangulun ungkuyon.”

MAZMUR 17:15

Magilong aku Rirun sabap ra kolondo' sala kuno; bulintok ra aku makarat, ratangan Muno makaantak ra guang kuno.

JISAYA 25:8

Pusoon ru Tuhan Raja' no kapatayan ra sabuoi-buoi no! Pusoon No lomou intor ra moonong bulos, am liomon No pagasaban ondo' limanin ru ulun Nano ra titikop ru tana' ti. Tuhan minindagu noyo.

JISAYA 26:19

Ulun Muno ra minatoi maayag saguli'! Baangkai nilono tumirong saguli'. Ngaangai' ondo' linobong ra kalabangan, tumirong am marimbai ralalom kaansukan. Koson ra bolobou mamasa' ra tana', koson raginio niayuk ra Tuhan mamayag risilo ondo' nabuoi noyo minatoi.

JIRIMIA 32:17

“Iou Tuhan Raja', Okou no ondo' nambaal ra limbowon am tana' ti ra kuasa' am kaikangan Muno ondo' maayo. Kolondo' ondo' mapagon kaga' Rirun.

GOSIA 13:14

Kalo bayagon Ku ulun ragitio intor ra intok ru ulun namagatoi kapoam intor ra kuasa' ru kapatayan. Okou kapatayan, porotongo' noyo kapusaan! Kalo boo makaasi' Aku ra ulun ragitio.

MATIUS 22:28

Paat ra orou ulun minatoi bayagon saguli', ruandu' ti masauk ra andu' ri osoi? Ngaangai' pinongkotob ti nakapanangandu' riso.”

MARKUS 12:24

Taam i Jisus, “Sotopot no nasala kau. Kalo nangarati' kau ra Buuk Kitab am kuasa' ri Aki Kapuuno'.

LUKAS 1:37

Kaa' kolondo' kalo mabaal ri Aki Kapuuno'.”

JUANIS 20:9

Sabap ra lakat poyo kalo nakarati' ilo ra ondo' tinulisan ra Buuk Kitab ra Io musiti' maayag saguli'.)

RINALATAN 26:8

Kua ramuyun ti ulun ru Jaudi? Kua kalo makapangintopot kau ra ulun matoi bayagon saguli' ri Aki Kapuuno'?

ROMA 15:4

Ngaangai' ondo' tinulisan ra Buuk Kitab makapangila' ritakau, am pangilaan raginio mampaikang ra guang takau am mangani' ra guang mataan saboi makakalansanan takau ri Aki Kapuuno'.

1 KORINTUS 15:34

Tandaa' noyo pangkaraan mino, am pai' boo pambaal ra tula. Sotopot no mauyu' kau ra mokoondo' intor ramuyun ondo' lakat ayuk poyo kalo makaulig ri Aki Kapuuno'.

PILIPI 3:21

Sabap ra paat ra ratangan saguli' Nano, inan takati ondo' malawo am mapuso ti, kulawon No sumauk ra baguon mogondo' koson Riso. Mabaal No ginio sabap ra Io mokoondo' ra kuasa' ondo' mapatinduku' ra ngaangai' no Riso.