MATIUS 22:16 - Tanou Moonsoi Timugon

¹⁶ Panusub ilo ra kukula' ngaulun maamaya' ru Parisi am ulun bala ri Irodis tumuum i Jisus. “Mangingila',” konilo, “Makapandai akai mabanis guang Muno. Mangila' Kou ra ulun ra kasagaan ri Aki Kapuuno' ondo' motopot. Okou niayuk kalo babaya' ra atan ayuk pangkaraan ru ulun am kalo mampili' ra osoi ayuk ulun.

MATIUS 22:16 ပူးပေါင်းရင်းမြစ်များ

1 RAJA'-RAJA' 22:14

Kaa' taam i Mika, “Ralalom inggalan ru Tuhan ondo' maayag, mambantu' aku ra raguon ku ayuk atan ondo' rinagu Nano!”

MAZMUR 12:2

Indangano' akai no, iou Tuhan, sabap ra kolondo' boo ulun ra moonsoi; ulun ondo' moonsoi guang kalo boo mauma'.

MAZMUR 5:9

Iou Tuhan, masuang kaga' pantula' kuno; ilaa' aku mambaal ra kasagaan Muno, am tului' aku ra ralan ondo' musiti' no mauma' kuno.

MAZMUR 55:21

Rangan kuno ra galing i mangayou ra rangan-rangan nali; kalo sinugut no bantu' nali.

AMSAL 29:5

Ulun ondo' mongompor ra rangan nano, mapataan ra pampajaling ra inan nano galama'.

MALIAKI 2:6

Mangila' ilo ra atan ondo' motopot am sala' ka ondo' sala. Lumampit ilo Raki'; sala' ka ayuk mambaal ilo ra kasagaan Kuno, kaa' ilo niayuk mangindangan ra masuang ulun maa' raginio lumonggo' mambaal ra malaat.

MALIAKI 2:9

Ginio ra Aku pana mangkinibit ramuyun kalo urumaton ru ulun ru Israil sabap ra kalo ginagaya' min kasagaan Kuno, am sabap ra pinasusuai min ulun paat ra akau nangila'.”

MATIUS 22:24

“Mangingila',” konilo, “Nabi Musa nangila'; Amon ru sangulun ungkuyon matoi ra kolondo' anak, pongkotob no musiti' manangandu' ra napuor no, am makaalap ilo ra anak koson manungkus ra sayat ru minatoi i!

MATIUS 22:26

Baal ondo' nogondo' nasauk niayuk ra pinongkotob nano ra karuo, katalu saboi ra pupusan no ra katulu' ti.

MATIUS 26:18

Taam i Jisus, “Ongoi uma' ra sangulun giu' ra bandar am balai', ‘Kon ru mangingila'; Orou Kuno nasuku' noyo, Aku am maamaya'-maamaya' Kuno masaga' mangiantak ra Orou Paska ra baloi muno.’ ”

MATIUS 26:49

Pakasuku' ayuk i Judas parayus io ongoi uma' ri Jisus am indagu, “Kaansayan Rirun Mangingila'.” Io pana ganggol am alok ri Jisus.

MARKUS 10:17

Paat ri Jisus minintor, nanunggul ra pangkiralanan Nano, ratong sangulun nasisimbul rumampot Riso. Ulun no igulatur ra saang ri Jisus am pangkuot, “Mangingila' ra moonsoi, atan musiti' baalon kutu koson mokoowot ra kaayagan ondo' motopot am mantilayun?”

MARKUS 12:13

Santayaran ulun ru Parisi am ulun ru Irodis sinusub mangkinam ri Jisus ra kukula' pangkuatan.

MARKUS 12:14

Ratong ilo ri Jisus am indagu, “Mangingila', nakapandai akai ra Okou ti masalok mindagu ra motopot am kalo mangkara' ra atan ayuk pangkaraan ru ulun. Mangila' Kou ra kasagaan ri Aki Kapuuno' ondo' motopot ayuk, sabap ra Okou kalo mangkara' ra osoi ayuk ulun no. Kinami' akai balai', amon ru mambayar takau ra cukai ra Kaisar Roma, ginio makasala kia ra Ukum ri Musa, kapoam kalo?”

MARKUS 3:6

Ingkual boo ulun ru Parisi am ongoi ilo simpung ra ulun ru Irodis mangatang koson mamatoi Riso.

MARKUS 8:15

Nampakara' i Jisus risilo, ragu Nano, “Ilalai' min ragi ru ulun-ulun ru Parisi am ragi ru Irodis.”

LUKAS 20:21

Indagu ilo boo ri Jisus, “Mangingila', nakatutun akai ra motopot ngaangai' raguon am pangilaan Muno. Nakatutun akai niayuk ra kalo mampili' Kou ra ulun, kaa' mangila' Kou ayuk ra atan ondo' motopot intor ra kasagaan ri Aki Kapuuno' ra ulun.

LUKAS 7:40

Indagu i Jisus ri Simon, “Simon, mokoondo' poyo pabalaan Kutu rirun.” Taam i Simon, “Iou mangingila', raguo' ayuk.”

JUANIS 14:6

Taam i Jisus riso, “Aku noyo ralan, katapatan am kaayagan. Kolondo' sangulun pana mokoongoi ri Ama', amon ru kalo mansail io Raki'.

JUANIS 18:37

Indagu i Pilatus Riso, “Ginio poyo, Okou ti sangulun raja'?” Taam i Jisus, “Rinagu mu noyo ra Aku ti sangulun raja'. Ginio ra Aku inanak am minatong ra tana' ti, koson mampatanou ra katapatan ri Aki Kapuuno'. Osoi ayuk gumagaya' ra katapatan ti mangkirongog io Raki'.”

JUANIS 7:18

Ulun ondo' mangila' sumugut ra pangkaraan nano galama', io no makiompor ayuk. Kaa' ulun ondo' mongompor Riso ondo' nanusub riso, io ti motopot am kalo magabau.

2 KORINTUS 2:17

Sabap ra akai ti pai' ru koson ra ulun bokon ondo' mampasaboi ra bala' ri Aki Kapuuno' sabap ra masaga' lumangkaya'. Sala', kaa' intor ra guang mapasau am sabap ra sinusub akai ri Aki Kapuuno', mampasaboi akai ra tanou ti koson ra ulipon ri Kristus.

2 KORINTUS 4:2

Iniruanan mai noyo ngaangai' baal ra nakasibuni ondo' makauyuyu'. Kalo mamparuung akai ra ulun kapoam mampajajou ra bala' ri Aki Kapuuno'. Io noyo sasi' mai ra kalo sinokon mai mampabala' ra Tanou Moonsoi am niayuk miloloso akai urioon ru ngaangai' ulun maya' ra bolos ru guang nilai.

2 KORINTUS 5:16

Sabap raginio, akai kalo boo mangimumui ra osoi ayuk pana sumugut ra pagilangan ru ulun. Kabalu' pana nangimumui akai niayuk ri Kristus koson raginio ragili, kaa' raino kalo boo.

GALATIA 1:10

Ati boo kulaan, maguyum aku kia ra pangiawan intor ra ulun? Kalo, pangiawan intor ri Aki Kapuuno' ayuk gogoton kuno. Makikiilong aku kia ra ulun? Kalo, amon ru koson raginio sala' ka ulipon aku ri Kristus.

GALATIA 2:6

Kaa' koson ilo ondo' karaan tingganai ru Kristian, kalo nangulau ilo ra pangilaan kutu. Sotopot no kalo pana nakiiou aku risilo sabap ra itakau ulun ti mogondo' ayuk ra pagilangan ri Aki Kapuuno'.

SAGULION 33:9

Napakito ilo ra pampagagayaan Rirun ondo' nasailan ra pampagagayaan ra matuo, pabukat kapoam anak. Ginagaya' nilo susuban Muno am minintopot ra nabantuan Muno.

1 TISALONIKA 2:4

Kaa' sotopot no, pai' ru mampakaansuk akai ra guang ru ulun kaa' guang ri Aki Kapuuno', ondo' mangkinam ra guang mai. Io no ondo' nampasauk ramon koson maaya' akai mampasaboi ra Tanou Moonsoi no.

JAKUBUS 3:17

Kaa' kapintaran ondo' intor ra suruga', kasaa' no io mapasau am kolondo' sala; am poyo masaga' ra pabansayan, masamba, minsugut; mapanu' ra asi' am baal moonsoi; kalo mainggi' io am mabanis ayuk guang.

1 JUANIS 5:20

Nakapandai takau ra minatong noyo Anak ri Aki Kapuuno' am nangani' ritakau ra kaintutunan koson makaulig takau ri Aki Kapuuno'. Maayag takau sumimpung ri Aki Kapuuno' am niayuk i Jisus Kristus. Io noyo i Aki Kapuuno' ondo' motopot, am gitio noyo kaayagan motopot am mantilayun.