MATIUS 21:5 - Tanou Moonsoi Timugon

⁵ “Balai' mamagun ru bandar Sion, ilai' raja' mino matong ra raino ti rirun. Io no minggana' guang am siminakoi ra kaladai, am ra sanginan anak kaladai ondo' mamulok.”

MATIUS 21:5 ပူးပေါင်းရင်းမြစ်များ

KASAUKAN 49:10

Mampaguut i Jiuda ra susukur ru parinta. Papag nano magail mamarinta. Bansa'-bansa' magibit ra upiti riso, am migulatur ra guang gumagaya' ra saang nano.

2 SAMUIL 16:2

Pangkuot Raja' Daut riso, “Atan pakuan ru ngaangai' ru gitio?” Taam i Jiba, “Kaladai-kaladai ti pakurain ra sasambaloi muno; ruti' am kikinawa' ti pataakon ra ulipon-ulipon muno, am wain ti painumin risilo paat maagui giu' ra tana' kaagisan ra maagu no.”

1 RAJA'-RAJA' 1:33

kon ru Raja' Daut risilo, “Ibito' i Salomo, anak ungkuyon kuno, mongoi ra taur ru timug giu' ra Gigon. Polosoon io mangura' ra baghal kuno am ibito' min pagawai-pagawai ru istana mababaya' ramuyun.

1 RAJA'-RAJA' 10:26

Raja' Salomo nangukop ra pulalai ru mangayou nano ra 1,400 kurita' kuda am 12,000 ngainan kuda ra pulalai mangkuda. Santayaran ra pulalai no pinaayan giu' ra Jirusalim, am ondo' bokon no pinaayan giu' ra masuang intok ru bandar ra bokon.

MAZMUR 9:14

Pakaasi' no raki', iou Tuhan! Ilai' noyo, pantula' kuno ondo' mangimbolo' raki'. Bayago' aku no intor ra kapatayan, iou Tuhan,

JISAYA 12:6

Musiti' no moonong mamagun ru Sion magilakup am marimbai. Aki Kapuuno' ondo' matulai, Aki Kapuuno' ru Israil no matulai, Minunor Io ramuyun.”

JISAYA 40:9

Okou Jirusalim, pangkiwa' no ra bujuk ru gunung ondo' masawat am pabalaa' noyo tanou moonsoi! Okou Sion, pampiau no ra bolos matangil am potonowo' noyo tanou moonsoi! Pampiau no am pai' kalaa'. Balai' noyo bandar-bandar giu' ra Jiuda ra i Aki Kapuuno' nilo matong!

JISAYA 62:11

ra Tuhan mapabala' ra baal raginio ra titikop ru tana' ti, “Balai' noyo namagun ru Jirusalim, Tuhan matong koson mamayag ramuyun. Ulun ondo' binayag Nano inibit No mababaya' Riso.”

YEHEZKIEL 34:24

Aku, Tuhan masauk ri Aki Kapuuno' nilo; am sangulun raja' koson ri Daut, ulipon Kuno masauk ra ulun manguasa' risilo. Aku, Tuhan nakaindagu noyo.

YEHEZKIEL 37:24

Sangulun raja' koson ri Daut, ulipon Kuno, masauk ra raja' nilo. Pasimpungon Ku ilo ragana' ru sangulun manguasa' am totopot gumagaya' ilo ra ukum Kuno.

GOSIA 1:7

Kaa' makaasi' Aku ra bansa' ru Jiuda. Aku, Tuhan, i Aki Kapuuno' nilo mamayag risilo, kaa' sala' ka ra pamulunsaran – sala' ka ra ilang, kapoam busur am panah, kapoam kuda am ulun mangura' nano.”

MIKA 5:2

Ginio ra nompoloso Tuhan ra ulun Nano kinuasa' ru pantula' saboi ruandu' ondo' maganak no makapaganak ra anak ungkuyon nano. Kopongo raginio ulun ralalom pamatiran tumimung saguli' mabaya' ra bansa' nilo.

UNTABAN 24:19

Manginginjang bansa' ru Israil no risilo, am mamuso ra ngaangai' pantula' ondo' lakat poyo maayag.”

MATIUS 11:29

Gagayaa' noyo susuban Kuno am igigila' kano Raki', sabap ra Aku ti mataau am minggana' guang am akau pana makaalap ra kaansayan.

MATIUS 2:2

am pangkuot ilo, “Ati naganakan ra lalagang ondo' masauk ra raja' ru ulun ru Jaudi? Nakito mai butitin Nano siminirang giu' ra intok mai tampilon ra sirangon am nakasuku' akai ragiti mongoi samba Riso.”

MATIUS 2:6

‘Okou noyo Bitligim, pekan maatang kaga' intor ra ngaangai' pekan giti ra Judia; intor rirun matong sangulun tingganai ondo' maningganai ra ulun Kuno Israil.’ ”

MATIUS 21:6

Ruo ngaulun maamaya' ni pana ugar am baalo' nilo bala' ri Jisus risilo.

LUKAS 24:27

Pambala' boo i Jisus risilo ra atan ondo' tinulisan intor Riso ralalom ru ngaangai' ru Buuk Kitab, tumalimpuun intor ra tayar ru kitab ri Musa am niayuk ngaangai' nabi.

JUANIS 1:49

Indagu i Natanil, “Mangingila', Okou no Anak ri Aki Kapuuno' am raja' ru ulun ru Israil!”

2 KORINTUS 10:1

Aku, i Paulus, mangitaak ramuyun, aku ondo' raguon ra molomoi paat ra makatuum ramuyun, kaa' baani paat ra makapaginggalur ramuyun. Sabap ra kinolomoi am kinataau ru guang ri Kristus, kitaakon takamin

SAGULION 17:16

Kalo iowon raja' no mokoondo' ra pulalai mangkuda ondo' masuang kaga' no. Kalo iowon raja' no mangator ra ulun mongoi ra Misir mambali ra kuda, sabap ra minindagu noyo Tuhan ra kalo iowon ulun Nano sumaguli' ra Misir.

TINGGANAI RU BANSA' 12:14

Mokoondo' io apat ngoopor anak ungkuyon am talu ngoopor akupu ra ungkuyon. Mokoondo' io tulu' ngoopor ngainan kaladai sakayin. Naningganai i Abdon ra Israil buoi balu' ngambilor.

TINGGANAI RU BANSA' 5:10

Potonowo' noyo baal raginio, akau ngai' ondo' nangura' ra kaladai mapulak, akau ondo' nanturung ra tampak ru palana, am akau ondo' nantatana'.