MATIUS 21:32 - Tanou Moonsoi Timugon

³² Sabap ra i Juanis Mampariu' minatong manulu' ramuyun ra kaayagan motopot ondo' kasagaan ri Aki Kapuuno'. Akau kalo nangintopot ra pangilaan nali; kaa' mampalulur ra cukai am ilo ruandu' mantalan ra inan mangintopot riso. Kabalu' pana nakito min ngaangai' ti, kaa' kalo niayuk timinalikur kau am mangintopot ri Aki Kapuuno'.”

MATIUS 21:32 ပူးပေါင်းရင်းမြစ်များ

JISAYA 35:8

Giu' no mokoondo' ra ralan maayo tiniir, ondo' sabiton ra “Ralan Sumuku' ra Pamayagan”. Ulun ra makatula kalo maya' ra giu' no, ulun sasambungon kalo mapalayau ra ulun ondo' mansail ra ralan no.

JIRIMIA 6:16

Indagu Tuhan ra ulun Nano, “Bigor kano giu' ra lilisangon ru ralan am ilai' noyo toojo! Kuati' noyo ralan-ralan ra galing i, am ati kia ra ralan ondo' moonsoi kaga'. Mopongo raginio baya' no ra ralan raginio, okou pana maayag am moonsoi.” Kaa' konilo, “Kalo, marara' akai maya' ra ralan no!”

MATIUS 11:18

Mogondo' niayuk paat ri Juanis riminatong, nampali io am kalo nanginum ra anggur, am kon boo ru ulun, ‘Sinubol io ru riwato!’

MATIUS 21:25

I Juanis Mampariu' kuasa' ru osoi? I Aki Kapuuno' kia kapoam ulun?” Tingganai imam Jaudi am tingganai ru ulun ru Jaudi tumalimpuun mindagu ra ilo ayuk ngaangai', “Amon ru balain takau, ‘Kuasa' ri Aki Kapuuno',’ maaru' tumaam Io, ‘Amon ru i Aki Kapuuno', kua pai' kau pangintopot riso?’

MATIUS 21:31

Ilai', intor ra karuo anak ti, ati kia nangimaya' ra panusuban ru ama' ni?” “Katuaan ni,” taam ru tingganai imam Jaudi am tingganai ru ulun ru Jaudi no. Indagu i Jisus risilo, “Pangintopot no! Mampalulur ra cukai am ruandu' mantalan ra inan makasigulu masauk ra ulun ri Aki Kapuuno' intor ramuyun.

MATIUS 5:46

Atan barakat maalap min intor ri Aki Kapuuno' amon ru motogom kau ayuk ra ulun ondo' motogom ramuyun? Sala' ka kia ulun mampalulur ra cukai pana mambaal koson raginio niayuk!

2 TIMOTIUS 2:25

Musiti' molomoi ragu nano ra io mampakatanda' ra ulun ondo' maanggal-anggal riso. Sabap ra maaru' lair i Aki Kapuuno' mangani' risilo ra kaluagan tumalikur intor ra tula nilo am makaulig boo ra katapatan.

IBRANI 3:12

Pabukat kau ngai' ondo' tagamin kuno, ilalai' min koson ra kolondo' sangulun intor ramuyun no makaguang ra malaat ra kalo boo mangintopot, saboi tumalikur boo ri Aki Kapuuno' ondo' mantilayun no.

2 PITRUS 2:21

Moonsoi poyo ru ulun koson raginio kalo igogondo' pakaulig ra ralan katapatan ri Aki Kapuuno', intor ra ilo makaulig toojo, kaa' ra tauli kalo boo sumugut ra panusuban ri Aki Kapuuno' ondo' pinasaboi noyo risilo.

PINAINTALANG 2:21

Nangani' Aku noyo riso ra kaluagan tumalikur intor ra tula nano, kaa' marara' io tumalikur intor ra pansasawaan nano.