MATIUS 21:31 - Tanou Moonsoi Timugon

³¹ Ilai', intor ra karuo anak ti, ati kia nangimaya' ra panusuban ru ama' ni?” “Katuaan ni,” taam ru tingganai imam Jaudi am tingganai ru ulun ru Jaudi no. Indagu i Jisus risilo, “Pangintopot no! Mampalulur ra cukai am ruandu' mantalan ra inan makasigulu masauk ra ulun ri Aki Kapuuno' intor ramuyun.

MATIUS 21:31 ပူးပေါင်းရင်းမြစ်များ

AYUP 15:6

Kalo pana mononsol aku rirun; sinonsol kou noyo ru moonong ragu muno galama'.

YEHEZKIEL 33:11

Balai' ilo ra sabap ra Aku, Tuhan Raja', i Aki Kapuuno' ondo' maayag, kalo masaga' Aku magilong ra ulun makatula matoi. Masaga' Aku poyo magilong ra ilo tumalikur intor ra tula am maayag. Akau Israil, langgai' noyo mambaal ra tula! Kua kasaga' kau matoi?

MATIUS 12:50

Osoi ayuk mampagagaya' ra kasagaan ri Ama' Kuno giu' ra suruga', ulun ragitio noyo pabukat Kuno ra ungkuyon, pabukat Kuno ra ruandu' am ina' Kuno.”

MATIUS 18:3

Indagu boo i Jisus, “Karaa' min! Amon ru kalo kumulau am sumauk kau koson ra lalaing ti, kalo masauk kau ra ulun ri Aki Kapuuno'.

MATIUS 20:16

Indagu boo poyo i Jisus, “Koson niayuk ra ulun ondo' kalo maatang, masauk ilo ra maatang: am ulun ondo' maatang masauk ilo ra kalo maatang.”

MATIUS 21:30

Ama' ti pana ongoi boo ra anak pupusan am indagu, ‘Ongoi no pangandoi ra umo ru anggur ra orou raiti'.’ Taam anak pupusan ni, ‘Iou, ama',’ kaa' kalo minongoi io pangandoi.

MATIUS 5:18

Karaa' min! Buoi ru limbowon am tana' ti lakat ayuk poyo soroi kolondo' rondo' pana ralalom ru Ukum ri Musa ti pusoon amon ru ngaangai' no kalo poyo nasauk.

MATIUS 5:46

Atan barakat maalap min intor ri Aki Kapuuno' amon ru motogom kau ayuk ra ulun ondo' motogom ramuyun? Sala' ka kia ulun mampalulur ra cukai pana mambaal koson raginio niayuk!

MATIUS 6:5

“Paat ra akau makiasi', pai' kau tilu ra ulun-ulun ra maabau-abau. Ilo ti masaga' mangintairoi am makiasi' giu' ra baloi sambayangan am poyo giu' ra lilisangon ru ralan koson makiilong ilo ra ulun. Karaa' min, ilo ti nakaalap noyo ra balos nilono.

MATIUS 7:21

“Sala' ka ngaangai' ulun ondo' mindagu ra Aku Tuhan nilo masauk ra ulun ri Aki Kapuuno', kaa' ilo ayuk ondo' sumugut ra kasagaan ru Ama' Kuno giu' ra suruga'.

MATIUS 9:9

Iruani' ri Jisus intok raginio. Tatanga' ra Io nangkiralan, kakito No sangulun mampalulur ra cukai, ioginio i Matius, nanturung ra baloi ru cukai no. Indagu i Jisus riso, “Baya' Raki'!” Bigor i Matius am baya' io ri Jisus.

LUKAS 15:10

Balain takamin: Koson niayuk ra malaikat ri Aki Kapuuno' maansukan sabap ra sangulun makatula tumalikur intor ra tula nano.”

LUKAS 19:22

Indagu raja' no riso, ‘Okou no ulipon ra kolondo' onong! Ragu muno galama' mangukum rirun. Nakapandai kou noyo ra aku kolondo' guang. Sala' pana ka aku tatangan, alapon ku niayuk, am sala' ka tinanom ku, kumoson ku niayuk.

LUKAS 7:29

Ngaangai' ulun am mampalulur ra cukai pana nangkirongog ri Juanis. Ilo noyo ondo' giminagaya' ra susuban ri Aki Kapuuno' ondo' motopot am nakiriu' ilo ri Juanis.

JUANIS 3:3

Taam i Jisus, “Balain tokou toojo: Kolondo' sangulun pana masauk ra ulun ri Aki Kapuuno' amon ru kalo anakon io saguli'.”

JUANIS 3:5

Taam i Jisus, “Balain tokou toojo: Kolondo' sangulun pana masauk ra ulun ri Aki Kapuuno' amon ru kalo anakon ulun no intor ra timug am Ambiluo ri Aki Kapuuno'.

RINALATAN 17:30

Kalo boo karaan ri Aki Kapuuno' paat ru ulun kalo nakaulig Riso ra galing i. Kaa' raino nanusub Io ra ngaangai' ulun ru tana' ti tumalikur intor ra tula nilai.

ROMA 3:19

Ginio ra raino mapandayan takau noyo ra ngaangai' ondo' tinulisan ra Ukum i, pasukuon risilo ondo' gumagaya' ra Ukum no. Kolondo' sasaban boo ru sangulun pana am ngaangai' ulun ru tana' ti maukum ri Aki Kapuuno'.

ROMA 5:20

Ukum ri Musa tinaakan ri Aki Kapuuno'. Kaa' kapiratan ru ulun gumagaya' raginio mangkinibit risilo manggal ra Ukum no am tumula ri Aki Kapuuno'. Kaa' rumuang pana tula no, mulu' poyo kataawan ri Aki Kapuuno' no rumuang.

2 PITRUS 3:9

Tuhan kalo igondo' kabuoi manugut ra atan ondo' binantu' Nano. Kabalu' pana mokoondo' niayuk ulun mangkara' ra koson raginio. Kaa' sotopot no maginaa Io ra guang pantataan, sabap ra kalo masaga' Io ra sangulun pana pusoon. Masaga' Io ra ngaangai' ulun tumalikur intor ra tula.