MATIUS 21:27 - Tanou Moonsoi Timugon

²⁷ Ginio ra taam ilo, “Kalo makapandai akai.” Indagu i Jisus risilo, “Amon ru koson raginio, Aku pana kalo mambala' ramuyun ra kuasa' ru atan Aku makapambaal raginio.”

MATIUS 21:27 ပူးပေါင်းရင်းမြစ်များ

JISAYA 28:9

Mansunur ilo raki'. Konilo, “Indoson no osoi ilaan nano? Osoi kia masaga' ra pambalaan nano? Baal raginio mokoonong ayuk ra lalagang-lalagang ondo' bagu liminonggo' tumiti'!

JISAYA 6:10

Indagu Io boo raki', “Ngongolo' pangkaraan ru ulun ti, barato' talingo nilono am bolowo' mato nilono maa' raginio kalo makakito ilo, kapoam mokorongog, kapoam makarati'. Amon kalo koson raginio, maaru' lair sumaguli' ilo Raki' am babason.”

MATIUS 15:14

Pai' no kaimamang risilo. Ilo no tingganai ondo' noolou; am paat ra ulun bolou no mangitang ra ulun bolou, ilo karuo-ruo makasubol ra parit.”

MATIUS 16:3

Paat ra susuab ti, mindagu kau, ‘Rumasam orou raiti', sabap ra nangkalamia' am majuut!’ Magilong kau ra limbowon no maaru' mapandayan min baal ru orou ti, kaa' tatandu' ondo' mambala' ra Orou Pupus no kalo maratian min!]

MATIUS 21:26

Kaa' amon ru balain takau, ‘Kuasa' ru ulun,’ malaa' takau ra ulun masuang ti, sabap ra ilo ngaangai' ti mangkara' ra i Juanis i sangulun nabi.”

MATIUS 21:28

“Raino ti ati kulaan pamaguangan min ra baal ragitio?” ragu ri Jisus poyo. “Mokoondo' sangulun ama' ondo' mokoondo' ruo anak ungkuyon. Ama' ti panusub ra katuaan ti, ‘Ongoi no pangandoi ra umo ru anggur ra orou raiti'.’

JUANIS 9:30

Indagu boo ulun i, “Makaimuag toojo ragu min ti. Kua pai' kau pakapandai ra intor ru ulun i ondo' namabas ra mato kuti?

ROMA 1:28

Sabap ra ulun marara' mangiou ra katapatan ri Aki Kapuuno', pinoloso No pamaguangan nilo lumaat, saboi baalon nilo majaka'.

2 KORINTUS 4:3

Amon ru nakasibuni Tanou Moonsoi ondo' posoboyon maiti, ginio nakasibuni ayuk ra ulun ondo' makalayau.