MATIUS 21:19 - Tanou Moonsoi Timugon

¹⁹ Kiing ru ralan binayaan nilo mokoondo' sampuun ara timinuu'. Ongoi Io ra puun ru ara i, kaa' rondo' kawa' pana kolondo' nakito nano, raun ru ara ayuk soroi. Pagibot i Jisus ra puun ru ara ni, “Kalo boo mangkawa' kou ra sabuoi-buoi no!” Lonot pamulali' puun ara ni.

MATIUS 21:19 ပူးပေါင်းရင်းမြစ်များ

JISAYA 5:2

Manangkul io ra tana' nano am mamatir ra batu-batu nano; mantanom io ra anggur napili', am nambaal io ra manara pantamungan. Mangkali io ra rondo' luang koson pamagaan ra kawa' ru anggur nano. Io pana mantamung saboi kawa' ru anggur maansak, kaa' moonong kawa' no mataris.

JIRIMIA 8:13

Moogot Aku manimung ra ulun Kuno koson ra ulun manimung ra ampos ru tana' nilo. Kaa' ulun Kuno koson ra puun ru anggur am puun ru ara ondo' kalo nangkawa', am poyo raun-raun no pana nolonot noyo. Ginio sabap ra Aku nangiou ra ulun bansa' bokon matong am manguasa' ra pagun nilo.”

MATIUS 21:20

Paat ra maamaya'-maamaya' Nano nakakito ra atan binaal ri Jisus ni, nakatigog ilo. “Ati koson puun ara ni namulali' minatoi?” kuot nilo.

MARKUS 11:14

Ragui' ri Jisus puun ru ara i, “Intor raino kolondo' sangulun pana mangakan ra kawa' intor rirun ti!” Ngaangai' maamaya' ri Jisus nokorongog ra ragu i.

MARKUS 11:20

Ra iosusuab, paat ra ilo nansail ra puun ru ara no, ilai' nilo puun no minatoi noyo suku' ra bakat no.

LUKAS 3:9

Raino mokoondo' noyo panaa' koson mantagar ra puun ru tataun suku' ra bakat nano. Moonong puun ondo' kalo mangkawa' ra moonsoi, tagaron am solobon ra apui.”

JUANIS 15:2

Moonong pango Kuno ra kalo manangkawa' iruon No, am moonong pango ra manangkawa' intawangin No, maa' raginio makapangkawa' ra maawas poyo.

JUANIS 15:6

Osoi ayuk kalo rumondon Raki', patirin koson ra pango am mapua' io boo. Pango koson raginio luluron am suruin ayuk.

2 TIMOTIUS 3:5

Kabalu' ra ilain ra sumugut ilo niayuk ra kaulayan ru ugama, kaa' marara' ilo ra kuasa' ru Tuhan ralalom kaayagan nilai. Moonsoi ru minggalur kou ra ulun koson raginio.

TITUS 1:16

Migiangku ilo ra mangintopot kon ri Aki Kapuuno', kaa' naimumuyan boo intor ra baal nilo ra kalo noyo mangintopot ilo. Mangalaat ilo kaga', kalo gumagaya' ri Aki Kapuuno' am kalo makaangun ra baal moonsoi.

JUDAS 1:12

Paat ra pagakanan min ra Kristian, moroot ilo am mampakaatang ra kasagaan galama' ayuk. Ilo ti koson ra gaun ondo' siabin ayuk ru bagiu', kaa' kalo niayuk mamparasam. Mogondo' ilo niayuk ra puun tataun ondo' kalo mangkawa' paat ra pangkawaan nano. Koson ilo ra puun tataun ondo' binubul noyo ra bakat nano pana – minatoi boo toojo.

PINAINTALANG 22:11

Maaru' ulun malaat marayus mambaal ra malaat; am maaru' makauyuyu' marayus mampakauyu'. Maaru' ulun motopot marayus mambaal ra motopot; am maaru' ulun mapasau marayus maayag ra mapasau.”