MATIUS 21:17 - Tanou Moonsoi Timugon

¹⁷ Iruani' ri Jisus ilo am ingkual ra bandar am ongoi ra Bitania am nombolong ra giu'.

MATIUS 21:17 ပူးပေါင်းရင်းမြစ်များ

JIRIMIA 6:8

Alii ra Mamagun ru Jirusalim, polosoo' noyo kapaganan no masauk ra pampakaraan ramuyun! Amon ru kalo lioon min pampakaraan raginio, iruanin Takamin; kulawon Ku bandar min masauk ra tana' kaagisan ondo' kalo ayanin ru ulun.”

GOSIA 9:12

Kaa' kabalu' pana anak-anak inanak am pinasukor, alapon Ku anak-anak nilo am kolondo' sangulun pana maayag. Paat ra Aku mangiruan ramuyun, baal-baal makalalaa' lumumpa' ramuyun.”

MATIUS 16:4

Mumpara' boo laat am puka' ru ulun ra raiti'! Makitaak kau Raki' mambaal ra kaimuagan? Kalo! Rondo' ayuk kaimuagan paintutunon Kuno ramuyun ioginio kaimuagan ri nabi Junus.” Kopongo minindagu koson raginio, iruani' ilo ri Jisus am ugar Io.

MATIUS 26:6

Paat ri Jisus soroi ra Bitania, giu' ra baloi ri Simon ondo' ra galing i nakamaruol ra kungkung ondo' maaja',

MARKUS 11:1

Paat ra maar makasaboi ra Jirusalim, nakasuku' ilo ra libung ru pamagunan Bitpagi am Bitania, giu' ra kiing ru Bulur Jaitun. Giu' i susubo' ri Jisus ruo ngaulun maamaya' Nali

MARKUS 11:11

Pakasuku' ra Jirusalim, parayus Io subol ra Baloi Tuhan am pulolowo' No ngaangai'. Paat ragili tumalimpuun noyo lumondom, Io am mopor am ruo ngaulun maamaya' Nano minongoi ra Bitania.

MARKUS 11:19

Io palunggai', i Jisus am maamaya' Nano nangiruan ra bandar no.

MARKUS 14:3

Paat ragili i Jisus soroi ra Bitania, giu' ra baloi ri Simon ondo' ra galing i makamaruol ra kungkung ondo' maaja'. Paat ra ilo nagagakan, ratong sangulun ruandu' nagibit ra butul pualam makasuang ra umau maamis owou narwastu ondo' mologo kaga'. Kopongo namabak ra liog ru butul no, pabuuro' no umau i ra ulu ri Jisus.

MARKUS 3:7

I Jisus am maamaya'-maamaya' Nano mininggalur ongoi ra mamaar ra Tasik Galilia, am masuang ulun intor ra libung ru Galilia sumunu' Riso. Masuang niayuk intor ra Judia,

LUKAS 10:38

Paat ri Jisus am maamaya' Nano nangkiralan, minapit ilo ra rondo' pamagunan. Giu' i, mokoondo' sangulun ruandu' makainggalan ri Marta nangapu risilo ra baloi nali.

LUKAS 19:29

Maar Io makasuku' ra pamagunan Bitpagi am Bitania, giu' ra Bulur Jaitun, susubo' No ruo ngaulun maamaya' Nano sumigulu

LUKAS 24:50

Kopongo ragili ibito' ilo ri Jisus mongoi ra lisar ru bandar mamaar sumaboi ra pamagunan Bitania. Pakasuku' ra giu' i, kakato' No kalindu' Nali am pambarakat risilo.

JUANIS 11:1

Mokoondo' sangulun ungkuyon makainggalan ri Lajarus ondo' marualan. Io ti intor ra pamagunan Bitania am pagaka' io ri Maria am i Marta. I Maria ti noyo ondo' nampabuur ra umau maamis owou ra kalayam ru Tuhan, am piiri' no ra abuk nali.

JUANIS 11:18

Pamagunan Bitania ti olo'-olo' talu kilomito galur intor ra Jirusalim.