MATIUS 21:16 - Tanou Moonsoi Timugon

¹⁶ Konilo ri Jisus, “Makaining kou ra atan sinabit nilono?” “Iou, makaining Aku,” taam i Jisus. “Kalo kia igondo' kau pambasa' tayar ru Buuk Kitab ragitio? ‘Lalaing am lalagang inila' Mu noyo mongompor ra matanda'.’ ”

MATIUS 21:16 ပူးပေါင်းရင်းမြစ်များ

MAZMUR 8:2

Iou Tuhan, i Aki Kapuuno' mai, katulayan Muno makito ra titikop ru tana' ti! Suku' ra limbowon no katulayan Muno inompor,

MATIUS 11:25

Paat ragili indagu i Jisus; “Ama', Tuhan ru limbowon am tana'! Paringkuanangan Ku Rirun sabap ra pinakito Mu ngaangai' raginio ra ulun kolondo' kapandayan, am pinasibuni Mu intor ra ulun mapintar am nakaigigila'.

MATIUS 12:3

Taam i Jisus: “Kalo kia igondo' kau pambasa' atan ondo' binaal ru raja' Daut paat ra io am ulun-ulun nali naitilan?

MATIUS 19:4

Taam i Jisus, “Kalo kia nakabasa' kau ra Buuk Kitab ra Io ondo' nambaal ra ngaangai' ulun ti, intor poyo ra talimpuun ru tana' ti, nampasauk risilo ra ungkuyon am ruandu'?

MATIUS 22:31

Kaa' intor ra baal ulun minatoi bayagon saguli', kalo kia igondo' kau pambasa' ra atan ondo' pinatanou ri Aki Kapuuno'? Indagu Io,

MARKUS 13:17

Aibui boo ra ruandu' ra maapang am ondo' mampatiti' ra lalagang paat raginio.

MARKUS 2:25

Taam Nano risilo, “Kalo poyo kia igondo' kau pambasa' atan binaal ru raja' Daut, paat ra io am maamaya'-maamaya' nali nakayaan ra akanon?

LUKAS 21:23

Aibui boo ra ruandu' ra mangaapang am ondo' mantalaanak paat raginio! Makakapaganan maayo pagun ragitio am likokot ri Aki Kapuuno' pasukuon ra bansa' ragitio.