MATIUS 21:15 - Tanou Moonsoi Timugon

¹⁵ Tingganai imam Jaudi am mangingila' ra Ukum ri Musa siminangit paat ra ilo nakakito ra kaimuagan-kaimuagan ondo' binaal ri Jisus. Ilo niayuk siminangit nokorongog ra lalaing-lalaing nompogolok ra Baloi Tuhan, “Koompor noyo Anak ru raja' Daut!”

MATIUS 21:15 ပူးပေါင်းရင်းမြစ်များ

JISAYA 26:11

Pantula' Muno kalo makapandai ra Okou mangukum risilo. Iou Tuhan, tauyuo' ilo, am polosoo' ilo maimbolo'. Polosoo' noyo ilo maantungan ru ukuman ondo' pinatampos Muno risilo. Polosoo' noyo ilo makakito ra mapara' piboo gayo ru katagaman Muno tayar ru ulun Muno.

MATIUS 20:24

Paat ra mopor ngaulun maamaya' ri Jisus ra bokon nokorongog ra baal raginio, sangit ilo ra ruo magaka' ti.

MATIUS 21:23

I Jisus siminaguli' boo ra Baloi Tuhan. Paat ra Io nangila', tingganai imam Jaudi am tingganai ru ulun ru Jaudi ratong Riso am pangkuot, “Atan kia ra kuasa' Muno mambaal ra ngaangai' ragitio? Osoi nangani' Rirun ra kuasa' ragitio?”

MATIUS 21:9

Ulun masuang ondo' minugar siminigulu am timinauli ri Jisus i, tumalimpuun ilo mompogolok, “Omporo' Anak ru raja' Daut! Kabarakat noyo Io ondo' minatong ralalom inggalan ru Tuhan. Omporo' noyo i Aki Kapuuno' Ondo' Masawat Kaga'!”

MATIUS 22:42

“Atan kia pampaguangan min ra Mamamayag ondo' sinusub ri Aki Kapuuno'? Papag ru osoi kia Io ti?” Taam ilo, “Papag ru raja' Daut!”

MATIUS 26:3

Tingganai-tingganai imam Jaudi am tingganai ru ulun ru Jaudi pana timinimung boo am magindagu giu' ra istana ru Tingganai Maayo Imam Jaudi, i Kayapas.

MATIUS 26:59

Tingganai-tingganai imam Jaudi am ngaangai' Majlis Ugama no maguyum toojo ra sasi' koson mangkinam mamparuung ri Jisus, maa' raginio maalap nilo boo Io kapatoi.

MATIUS 27:1

Paat ra tumawang ngaangai' tingganai imam Jaudi am tingganai ru ulun ru Jaudi namatas ra mamatoi ri Jisus.

MATIUS 27:20

Kaa' tingganai-tingganai imam Jaudi am tingganai-tingganai ru ulun ru Jaudi nanusuk ra ulun masuang maa' raginio i Barabas palabuson am i Jisus ukumin ra potoyon.

MATIUS 9:27

Iruani' ri Jisus intok raginio. Tatanga' ra Io nangkiralan, mokoondo' ruo ngaulun bolou siminunu' Riso. Golok ilo, “Anak ru raja' Daut, pakaasi' no ramon.”

MARKUS 11:18

Tingganai imam Jaudi am mangingila' ra Ukum ri Musa nokorongog ra ragu Nani. Ginio ra tumalimpuun ilo maguyum ra ralan mamatoi ri Jisus. Malaa' ilo Riso sabap ra ulun masuang no mabunduk guang mangkirongog ra pangilaan Nali.

LUKAS 20:1

Sangarawan raiti, paat ri Jisus nangila' am nampabala' ra Tanou Moonsoi ra ulun masuang giu' ra Baloi Tuhan, ratong tingganai imam Jaudi, mangingila' ra Ukum ri Musa am tingganai ru ulun ru Jaudi

LUKAS 22:2

Tingganai imam Jaudi am mangingila' ra Ukum ri Musa no maguyum ra kaluagan mamatoi ri Jisus ra kalo mapandayan ru ulun, sabap ra nalaa' ilo ra ulun masuang.

LUKAS 22:66

Io suabon, tingganai ru ulun ru Jaudi, tingganai imam Jaudi am mangingila' ra ukum ri Musa no timinimung ra Majlis Ugama, am paumaa' boo i Jisus risilo.

JUANIS 11:57

Sabap ra mokoondo' noyo susuban intor ra tingganai imam am ulun-ulun ru Parisi, ra osoi ayuk makapandai ra ati i Jisus, musiti' mambala' maa' raginio marakop nilo Io.

JUANIS 12:19

Ulun-ulun ru Parisi nagindagu ra rondo' am bokon, konilo, “Ilai', ngaangai' ulun ru tana' ti maya' boo Riso. Banangan takau ayuk!”

JUANIS 4:1

Nakaining noyo ulun-ulun ru Parisi ra masuang poyo ulun minaya' am pakiriu' ri Jisus ka i Juanis. (

JUANIS 7:42

Tinulisan noyo ra Buuk Kitab ra: ‘Mamamayag ondo' sinusub ri Aki Kapuuno' intor ra papag ri Daut, am intor Io ra pamagunan Bitligim, intok ri Daut ragili.’ ”