MATIUS 21:13 - Tanou Moonsoi Timugon

¹³ Indagu i Jisus risilo, “Mokoondo' tinulisan ra Buuk Kitab ra i Aki Kapuuno' minindagu, ‘Baloi Kuno inggalanin ra intok pakiasian.’ Kaa' raino baalon min ra pansibunian ru mantatakou!”

MATIUS 21:13 ပူးပေါင်းရင်းမြစ်များ

MAZMUR 93:5

Ukum Muno mantilayun, iou Tuhan, am Baloi Muno matulai ra sabuoi-buoi no.

JISAYA 56:7

“Ibiton Takamin ra Sion, bulur Kuno ondo' matulai, am bansukon Ku baloi sambayangan Kuno. Taak-taak simbalui ondo' pataakon min ra altar Kuno apuon Ku. Baloi Kuno sabiton ra baloi pakiasian ru nansalinut bansa'.”

JIRIMIA 7:11

Guang min kia ra Baloi Kutu intok pansibunian ru mantatakou? Nakakito Aku ra ngaangai' binaal min no.

MATIUS 2:5

Taam ilo, “Giu' ra pekan Bitligim, pagun ru Judia. Maya' ra tinulisan ru sangulun nabi,

MARKUS 11:17

Pangila' Io boo ra ulun ondo' soroi ra giu' i. Indagu Io, “Tinulisan noyo ralalom ru Buuk Kitab koson ragitio: I Aki Kapuuno' minindagu, ‘Baloi Kuno sabiton ra intok pakiasian ru ngaangai' bansa'!’ Kaa' binaal min boo Baloi Tuhan ti ra pansibunian ru mantatakou!”

LUKAS 19:45

Subol i Jisus ra Baloi Tuhan i am pagiruo' No ngaangai' mantatalan no,

LUKAS 19:46

indagu Io risilo, “Tinulisan noyo, ‘Baloi Kutu intok pakiasian.’ Kaa' sinauk min boo ra pansibunian ru mantatakou!”

JUANIS 15:25

Maa' raginio masugut ondo' tinulisan ra Ukum nilo, ‘Masisang ilo Raki' kabalu' pana kolondo' sasaban.’