MATIUS 20:5 - Tanou Moonsoi Timugon

⁵ Ilo pana minongoi boo pangandoi. Paat ra tanga' ru orou am poyo jam katalu ra iomamai', ongoi poyo tatangan ra umo i ra pasar am tiluo' no niayuk koson ra ongoi galing nani.

MATIUS 20:5 ပူးပေါင်းရင်းမြစ်များ

MATIUS 20:4

Kono risilo, ‘Ongoi kau pangandoi ra umo kuno. Aniin takamin ra gaji' ru kuli'.’

MATIUS 20:6

Mamaar jam kalimo ra iomamai' ongoi io poyo ra pasar i, am pakakito io mokoondo' poyo kukula' ngaulun kolondo' kandoi sabibigor ra giu' i. Pangkuot io risilo, ‘Kua ponsongorou kau sabibigor am kolondo' atan-atan kondoyon?’

MATIUS 27:45

Paat ra tanga' ru orou, buoi talu nganjam pagun no liminondom.

JUANIS 1:39

Indagu i Jisus, “Ibok, ongoyo' min ilai'.” (Paat ragili olo'-olo' jam kaapat ra iomamai'.) Baya' ilo boo Riso am kakito nilo intok Nali, soroi ilo ra giu' i orou raginio.

JUANIS 11:9

Indagu i Jisus, “Orou ti matawang mopor am ruo nganjam. Amon ru sasangulun no mugar ra matawang, kalo makasaru io, sabap ra makito no ralan.

JUANIS 4:6

Giu' i makatulubong ondo' binaal ri Jakub ra galing i. Paat ra tanga' ru orou, panturung i Jisus ra kiing ru tulubong i sabap ra naagui Io ra pangkiralanan. Maamaya' Nano minongoi pambali ra akanon giu' ra pekan. Ratong boo sangulun ruandu' Samaria mongoi sagou am indagu i Jisus riso, “Anii' Aku ra inumon.”

RINALATAN 10:3

Paat ra sangarawan, olo'-olo' jam katalu ra mai', ralalom rondo' pagilangan nakakito io tojojo sangulun malaikat ru Tuhan minatong riso am minindagu, “Konilius!”

RINALATAN 10:9

Iosuabon, paat ra katalu ngaulun ti lakat ayuk poyo mangkiralan am maar noyo nakasuku' ra Jopi, pagaloi i Pitrus ra rasawat ru baloi i am pakiasi' ra tanga' ru orou.

RINALATAN 3:1

Paat ra sangarawan i Pitrus am i Juanis minongoi ra Baloi Tuhan paat ra jam katalu ra mamai', ginio nakaintuma' ra pakiasian mamai'.