MATIUS 20:26 - Tanou Moonsoi Timugon

²⁶ Kaa' akau pai' ru koson raginio. Amon ru sangulun intor ramuyun masaga' sumauk ra maatang, moonsoi masauk io ra ulipon min.

MATIUS 20:26 ပူးပေါင်းရင်းမြစ်များ

YEHEZKIEL 24:13

Okou Jirusalim, jinamol kou ru binaal muno ra mantalan ra inan. Kabalu' pana kuminam Aku mampapasau rirun, kaa' magulayun kou majamol. Kalo mapasau kou saguli' saboi ra okou makaliman ra ngaangai' kinoporos ru sangit Kuno.

MATIUS 20:27

Amon ru mokoondo' intor ramuyun masaga' sumauk ra kasaa', moonsoi maangun io ra ulipon min.

MATIUS 25:44

Indagu ilo boo Riso, ‘Kaa' Tuhan, sanggilan kia akai nakakito Rirun naitilan, kapoam pinaason, kapoam nasauk ra ulun bansa' ru bokon, kapoam kolondo' bayang, kapoam narualan, kapoam inaput am akai kalo nangindangan Rirun?’

MATIUS 27:55

Mokoondo' masuang niayuk ruandu' ondo' nagilong intor ra maalur. Ilo ti minaya' ri Jisus intor ra libung ru Galilia am nangindangan Riso.

MARKUS 10:43

Kaa' akau ngai' kalo koson raginio. Amon ru sangulun intor ramuyun moogot sumauk ra maatang, musiti' maangun io ra ulipon ru bokon.

MARKUS 10:45

Sabap ra Anak ru Ulun no pana kalo minatong koson maningganai ra ulipon, kaa' Io galama' sumauk ra ulipon am mampataak ra painawo Nano koson mamayag ra masuang ulun.”

MARKUS 9:35

Panturung i Jisus, piawo' No boo koopor am ruo ngaulun maamaya' Nano. Indagu Io risilo, “Ulun ondo' masaga' ra maatang toojo, maaru' io tumauli am masauk ra ulipon ra ngaangai' ulun.”

LUKAS 18:14

“Balain takamin: Intor ra ruo ngaulun i, sala' ka ulun-ulun ru Parisi i, kaa' ulun mampalulur ra cukai i ondo' motopot ra pagilangan ri Aki Kapuuno'. Moonong ulun minsawat guang, paingganaan, am moonong ulun minggana' guang, painsawaton.”

LUKAS 22:26

Kaa' pai' kau tilu raginio. Sotopot no, ulun ondo' maatang kaga' intor ramuyun musiti' masauk koson ra ulun mamulok am niayuk osoi ayuk tingganai min musiti' io masauk koson ra ulipon.

JUANIS 18:36

Kon ri Jisus, “Pamarintaan Kuno sala' ka giti ra tana' ti. Amon ru giti ra tana' ti, maaru' maamaya' Kuno manggal, maa' raginio kalo pataakin Aku ra tingganai ru Jaudi no. Kaa' sotopot no pamarintaan Kuno sala' ka giti ra tana' ti.”

RINALATAN 13:5

Pakasaboi ra Salamis, nampasaboi ilo ra bala' ri Aki Kapuuno' ra baloi sambayangan. Nangindangan i Juanis Markus risilo.

2 KORINTUS 1:24

Kalo mompogogot akai maningganai ramuyun koson mambala' ra atan musiti' intopoton min, sabap ra mangintopot kano toojo ri Kristus. Kaa' masaga' akai ayuk maguguyu ramuyun, maa' raginio maansayan kau toojo.

2 TIMOTIUS 1:18

Okou galama' noyo nakapandai ra ingkukula' io no nangindangan raki' giu' ra bandar Ipisus. Gama' ru Tuhan mangani' riso ra asi' paat ra Orou Pupus no.

PILIMON 1:13

Sotopot no, moogot aku riso mamparangan poyo raki' koson malit rirun mangindangan raki' buoi ra aku giti ra pangaputan ti, sabap ra pampatanawan kuno ra Tanou Moonsoi ti.

IBRANI 1:14

Sabap ra sotopot no malaikat-malaikat no mangngandoi ri Aki Kapuuno' am ilo sinusub No mangindangan ra ulun ondo' makaapu ra pamayagan.

1 PITRUS 4:11

Osoi ayuk inanian ra kapandayan mindagu, moonsoi ru mampasaboi io ra bala' intor ri Aki Kapuuno'; am osoi ayuk mangindangan ra ulun bokon, musiti' io mangindangan mabaya' ra ikang intor ri Aki Kapuuno'. Maa' raginio, ralalom ngaangai' ondo' kondoyon min, i Aki Kapuuno' urumaton sabap ri Jisus Kristus. Io no makakuasa' am maaya' omporon ra sabuoi-buoi no. Amin.

1 PITRUS 5:3

Pai' kano mamarinta mamisi' risilo ondo' pinaintopot noyo ramuyun ti, kaa' sauk kano koson ra tiluan moonsoi risilo.

PINAINTALANG 17:6

Kakito ku boo ruandu' no nagauk ra raraa' ru ulun ri Aki Kapuuno' am raraa' ru ulun ondo' pinatoi sabap ra giminagaya' ri Jisus. Paat nakito ku ruandu' no, nangimuag aku kakaga'.