MATIUS 20:21 - Tanou Moonsoi Timugon

²¹ Pangkuot i Jisus, “Atan pakiindanganan muno Raki'?” Taam io, “Makitaak aku Rirun ra paat ra Okou masauk ra raja', karuo anak kutu panturungon Mu koson ragitio; sangulun ra pamiris am sangulun ra kait Muno.”

MATIUS 20:21 ပူးပေါင်းရင်းမြစ်များ

1 RAJA'-RAJA' 2:19

Kopongo raginio uma' i Batsyiba ra Raja' Salomo koson mampasaboi ra baal raginio ra bala ri Adonia. Bigor raja' no manguma' ra ina' nano am kubu samba ra saang nano. Panturung Raja' Salomo ra kurisi' nano, am paatango' no rondo' poyo kurisi' tampilon ra pamiris koson ra ina' nano.

1 RAJA'-RAJA' 3:5

Kaa' rondom raginio intalang Tuhan ra Raja' Salomo ralalom ru inupi am pangkuot riso, “Atan kia masaga' muno pataakon Ku rirun?”

ESTER 5:3

Raja' pana pangkuot boo, “Atan kuayan mutu, Andu' Raja' Ester? Raguo'! Mangani' aku inda' pana ru sampiruo intor ra pamarintaan kutu.”

MAZMUR 110:1

Mazmur ri Daut. Minindagu Tuhan no ra raja' no, “Panturung soor ra pamiris Kutu, saboi ngaangai' pantula' muno makuasa' Ku am pataakon rirun.”

MAZMUR 45:9

Bayang muno mokoowou ra mur, gaharu am cendana; pamiujik ru istana gading mapabansuk rirun.

JIRIMIA 45:5

Gumogot kou kia luntukin ra moonsoi? Pai', sabap ra porotongon Ku karaat ra ngaangai' ulun. Kaa' tayar muno, inda' pana, ra ati ayuk angayan muno, maayag kou ayuk. Aku, Tuhan, nakaindagu noyo.”

MATIUS 18:1

Paat ragili maamaya'-maamaya' ri Jisus riminatong am pangkuot Riso, “Osoi maatang toojo ra gino ngai' ru ulun ri Aki Kapuuno'?”

MATIUS 19:28

Indagu i Jisus risilo, “Pangintopot ayuk. Giu' ra Tana' Bagu, Anak ru Ulun mamarinta am manturung ra takhta Nano. Paat raginio akau mopor am ruo maamaya' niayuk manturung ra takhta am mangakim ra mopor am ruo bansa' ru Israil!

MATIUS 20:22

Indagu i Jisus risilo, “Akau kalo nakapandai ra atan kinitaak mino. Makakau' kau kia manginum ra sangkir kaimbalaan ondo' maaru' inumon Ku?” Taam ilo, “Makakau' akai.”

MATIUS 20:32

I Jisus pana uog boo am piawo' No. “Atan kia kasaga' min intor Raki'?” kuot ri Jisus.

MARKUS 10:51

Pangkuot i Jisus, “Atan kitaakon muno Raki'?” Taam nobolou no, “Mangingila', masaga' aku makakito.”

MARKUS 16:19

Kopongo ayuk ragu ri Jisus risilo, kayango' Io no ra suruga', am panturung Io ra pamiris ri Aki Kapuuno'.

MARKUS 6:22

Paat ragili anak ralaa ri Irodias nansayau, am sayau nali mampakaansuk ra guang ru raja' Irodis am tambului-tambului nali. Indagu raja' ti ra ralaa i, “Atan ayuk kitaakon muno intor raki' aniin tokou!”

LUKAS 18:41

“Atan guat kitaakon muno Raki'?” Taam ulun bolou no, “Tuhan, masaga' aku makakito.”

LUKAS 19:11

Maar Io noyo ra Jirusalim am ulun lakat poyo nangkirongog ra ragu Nali. Indoson nilo mamaar noyo i Aki Kapuuno' mamarinta koson ra Raja' ra tana' ti, am tunungo' ri Jisus abig ragitio risilo:

LUKAS 22:24

Mamaya' ri Jisus nagagansang ra osoi kia intor risilo i maatang kaga'.

JUANIS 15:7

Amon ru rumondon kau Raki' am ragu Ku rumondon ra guang min, pakitaak kau ri Ama' ra atan ak kasagaan min am aniin kau.

RINALATAN 1:6

Paat ra rasul-rasul am i Jisus nantimung, pangkuot ilo Riso, konilo, “Tuhan, raino kia pabigoron Mu saguli' Pamarintaan ru Israil?”

ROMA 12:10

Raino mabubukat kau sabap ri Kristus, pontotogom kano ra rondo' am bokon. Pirot kano pagugurumat ra rondo' am bokon.

ROMA 8:34

Osoi kia mokopononsol ritakau? Maaru' kolondo'! I Kristus Jisus noyo ondo' minatoi, binayag saguli' am soroi ra pamiris ri Aki Kapuuno': Io no manaung ritakau.

KOLOSI 3:1

Sabap ra pasimpungan min ri Kristus inanian kau ra kaayagan bagu ondo' mogondo' ra akau binayag saguli'. Ginio nai ra kaikango' ayuk toojo guang mino koson mompogogot ra kalangkayaan ru suruga', ioginio panturungan ri Kristus ra takhta ra tampilon pamiris ri Aki Kapuuno'.