MATIUS 20:20 - Tanou Moonsoi Timugon

²⁰ Kopongo ragili andu' ri Jibidius ilo sangangaina' minuma' ri Jisus am igulatur Riso ra mokoondo' kitaakon nano.

MATIUS 20:20 ပူးပေါင်းရင်းမြစ်များ

MATIUS 10:2

Gitio noyo inggalan ru mopor am ruo ngaulun rasul Nano: Kasaa'; i Simon (ondo' poyo sabiton ri Pitrus) am pinongkotob nano i Andrias; i Jakubus am pinongkotob nano i Juanis, ilo ti anak ri Jibidius;

MATIUS 14:33

Maamaya'-maamaya' Nano ondo' soroi ra parau no siminamba ri Jisus, konilo, “Topot-topot Okou no Anak ri Aki Kapuuno'!”

MATIUS 15:25

Pokorongog ra ragu ri Jisus ni, ongoi ruandu' no igulatur ra saang Nano. Kono, “Indangano' aku no.”

MATIUS 2:11

Umpos ilo ra baloi i am pagilong ra Anak no am ina' Nano i Maria. Igulatur ilo am samba ra Anak no. Ilo pana nangukab boo ra kaban ru rapu' nilono am patalango' ra Anak no ioginio; mas, kaminyan am mur, am pinataak ngaangai' taak no Riso.

MATIUS 27:56

Talu ngaulun intor risilo ti am i Maria Magdalina, i Maria ina' ri Jakubus am i Jusup, am andu' ri Jibidius.

MATIUS 28:17

Paat ra nakito nilo i Jisus, samba ilo Riso, ondo' pana kukula' ngaulun intor risilo kalo nangintopot toojo.

MATIUS 4:21

Paginjul poyo i Jisus, am kakito No poyo ruo ngaulun magaka', ioginio i Jakubus am i Juanis, anak ri Jibidius. Ilo am ama' nilono soroi ralalom ru parau momongo ra ralo. Piawo' ilo ri Jisus.

MATIUS 8:2

Sangulun ondo' makamaruol ra kungkung ondo' maaja' no pana riminatong am igulatur boo ra saang Nali. Indagu io, “Tuan, amon ru masaga' Kou, maalap Mu aku ra babas.”

MARKUS 15:40

Giu' i mokoondo' niayuk kukula' ngaulun ruandu' ondo' nagilong ra ngaangai' baal ti intor ra maalur. Intor risilo am i Salomi, Maria Magdalina am i Maria, ina' ri Josis am i Jakubus Mamulok.