MATIUS 20:2 - Tanou Moonsoi Timugon

² Mangiou io mambayar risilo ra rondo' ruit pirok sangulun songorou ondo' masaga' mangandoi. Ilo pana pinatalimpuun paat ragili niayuk.

MATIUS 20:2 ပူးပေါင်းရင်းမြစ်များ

1 RAJA'-RAJA' 18:12

Ati kulaan amon ru Ambiluo ru Tuhan magibit rirun mongoi ra intok ra bokon ondo' kalo mapandayan ru ulun, ra kakaugar ku ayuk mangiruan ra intok ragitio? Paat ra aku mambala' ra raja' ra soroi kou ragiti am raja' no kalo makauyum rirun, mamatoi io raki'. Karaa' noyo, topot-topot aku sumambayang ra Tuhan intor ra aku lakat poyo mamulok.

2 TUNUNG RU BANSA' ISRAIL 34:3

Paat ra bilor kabalu' ra pamarintaan ru Raja' Josia, paat ra io lakat poyo mamulok, timinalimpuun io sumamba ri Aki Kapuuno' ondo' sinamba ru kinamatuaan nali, Raja' Daut. Kopongo apat ngambilor, timinalimpuun Raja' Josia namuso ra intok-intok sambaan ra sinungkalalaing, tatandu'-tatandu' ru Dewi Asyira am ngaangai' sinungkalalaing ra bokon.

MAMPATANOU 12:1

Ginio ra karaa' noyo Io Namangun ramuyun paat ra akau mamulok, ra kalo poyo makasaboi bulintok kaimbalaan min am mindagu kau, “Kalo nakasia' akai ra kaayagan.”

MATIUS 18:28

“Paat ra ulipon ti nakaingkual, pakauma' io ra rangan nano ondo' ulipon niayuk, ondo' ira' nano riso kukula' ngaatus ayuk. Rokopo' no rangan nati am sikako', am indagu, ‘Bayari' ngaangai' ira' muli raki'!’

MATIUS 20:1

“Paat ri Aki Kapuuno' mamarinta, baal no koson sangulun tatangan ra umo ru anggur. Rumondom io mingkual maguyum ra mangngandoi ra umo nano.

MATIUS 20:13

Tatangan ra umo ru anggur ti timinaam ra sangulun intor ra nangkuot no: ‘Rangan, pai' ru namparuung aku ramuyun. Sala' ka kia nangiou kou ra gaji' rondo' ruit pirok songorou?

MATIUS 20:3

Paat ra jam kasiam iosusuab, tatangan ra umo i minongoi poyo ra pasar am kakito no kukula' ngaulun kolondo' kandoi nanturung ra giu' i.

MATIUS 20:9

Ulun ondo' nangandoi intor ra jam kalimo ra mamai' i ngaangai' nakaalap rondo' ruit pirok sangulun.

MATIUS 22:19

Pakitono' Aku ra ruit pambabayar min ra cukai no!” Ibito' nilo boo ruit ni ri Jisus.

MATIUS 9:37

Indagu i Jisus ra maamaya'-maamaya' Nano, “Kumoson ti mauli' kaga', kaa' ulun mangkumos kalo masuang.

MARKUS 12:15

Nakapandai i Jisus ra guang nilono. Taam Io, “Kua pangkinam kau Raki'? Pakitono' min Aku ra rondo' ruit pirok.”

LUKAS 1:15

Masauk io ra sangulun maatang maya' ra pagilangan ru Tuhan; ginio nai ra kalo makainum io ra anggur kapoam inumon ra bokon ondo' makagauk am kuasaan io ru Ambiluo ri Aki Kapuuno' intor ra io kakaanak ayuk poyo.

LUKAS 10:35

Io suabon, anii' no tatangan ra baloi siwa' i ra ruo ngampila' ruit pirok am ragui' no, ‘Alungi' ulun no am paat ra aku sumaguli' ragiti, bayarin tokou poyo ra atan ayuk pinaruang muno ra ondo' kalo naukop no.’ ”

LUKAS 20:24

“Ilong Aku ra ruit no. Osoi kia ra bulos am inggalan ondo' pinolokot ra ruit ti?” Taam ilo, “I Kaisar!”

2 TIMOTIUS 3:15

am nakaulig kou ra Buuk Kitab intor ra okou boborok ayuk poyo. Ginio makapangani' rirun ra kapintaran koson mokoowot ra pamayagan sabap ra pangintapatan mu ri Jisus Kristus.

PINAINTALANG 6:6

Korongog ku koson ra bolos ru ulun miningkual intor ra tatanga' ru kaapat ilo ondo' maayag no, kono, “Kumboo' noyo gandum nilo, suku' sakilo gandum kapoam talu ngakilo gandum barli talanon ra gaji' ru kandoi songorou – mologo kaga'. Kaa' pai' noyo jamari' umau jaitun am wain no!”

1 SAMUIL 2:18

Liliwa' raginio, i Samuil ondo' lalaing ayuk poyo narayus mangandoi ayuk ra Tuhan. I Samuil nambayang ra bayang timpok intor ra konoon linon, koson ra bayang sambayang ru imam-imam.

1 SAMUIL 2:26

Kaa' i Samuil, anak no, gumaai sukor am kasagain poyo ru Tuhan am niayuk ru ngaangai' ulun.

1 SAMUIL 3:1

Liliwa' raginio, i Samuil ondo' lalaing ayuk poyo, tatanga' mangandoi ayuk ra Tuhan no inalungan ri Ili. Paat raginio sanganuan ayuk toojo mokoondo' ra ragu am intalangan intor ra Tuhan.

1 SAMUIL 3:21

Narayus Tuhan minintalang giu' ra Silo. Giu' no minintalang Io ri Samuil am minindagu riso.