Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




MATIUS 2:4 - Tanou Moonsoi Timugon

4 Piawo' boo ru raja' Irodis ngaangai' tingganai imam Jaudi am niayuk mangingila' ra Ukum ri Musa am kuati' no ilo, “Ati paganakan ra Mamamayag ondo' sinusub ri Aki Kapuuno'?”

အခန်းကိုကြည့်ပါ။ ကော်ပီ




MATIUS 2:4
30 ပူးပေါင်းရင်းမြစ်များ  

Ulun-ulun ru Liwi ra bokon pinalansan ra pagautan ra kakamot ru panambalayan am magalung ra ulun-ulun manukang ondo' mambaal ra mansalinut kandoi. Ulun-ulun ru Liwi ra bokon poyo nangandoi ralalom kandoi ru upis pamarintaan, kapoam koson ra magalung.


Kon ri Ilkia ri Sapan, “Nakatuum aku ra kitab Ukum ru Tuhan giu' ra ralalom Baloi ru Tuhan.” Io pana nanaak boo ra kitab no ri Sapan,


Suai intor raginio, tingganai-tingganai ru Jiuda, imam-imam am mamagun minaya' ra ralan kaayagan ru bansa'-bansa' ra naginggaar ondo' makatula. Sinamba nilo sinungkalalaing am nampajamol ra Baloi ru Tuhan, ondo' timpokon ayuk ru Tuhan galama' ra inan Nano.


Ginio ra tumalimpuun i Ijra mingkuor ra manusub ra tingganai-tingganai ru imam, ulun-ulun ru Liwi am ulun ru Israil ra bokon magibot ra baalon nilo inatangan ri Sikania.


I Ijra sangulun ondo' nakaigigila' am mapandai am makatutun toojo ra Ukum ondo' tinaakan ru Tuhan, i Aki Kapuuno' ru Israil ri Musa. Nangani' Raja' ri Ijra ra atan ayuk kinitaak no sabap ra binarakat i Ijra ru Tuhan, i Aki Kapuuno' nano. Paat ra bilor katulu' ra pamarintaan ru Raja' Artasasta, minugar i Ijra intor ra pagun ru Babilonia minongoi ra Jirusalim nababaya' ra santimungan ulun ru Israil, nakaaya' kukula' ngaulun imam, ulun ru Liwi, ulun maririmbai, am niayuk ulun magalung ra kulobon ru Baloi ru Tuhan am ulun-ulun mangngandoi.


Raja'-raja' ru tana' ti nagagampan giminuor, am ngaangai' namarinta maguguum guang tumula' ra Tuhan am raja' pinili' Nano.


Baani kau kaga' mindagu ra mapintar kau am makapandai ra ukum Kuno! Ilai' ga boo, ukum Kuno kinulau noyo ru mangingila' ra ugama ondo' kalo mabanis guang.


Imam-imam musiti' toojo mangila' ra atan ondo' motopot intor ri Aki Kapuuno'. Mamagun musiti' matong ra imam-imam koson makapandai ra kasagaan Kuno sabap ilo ulun sinusub ru Tuhan Ondo' Maayo Kaga' Kuasa'.


I Jisus pana mindagu poyo, “Moonong mangingila' ra Ukum ri Musa ondo' nasauk ra ulun ri Aki Kapuuno', io ti koson ra sangulun puun baloi ondo' mapaingkual ra kuliamos nakabagu am lairon intor ra kaban ru rapu' nano.”


Pakaining raja' Irodis ra tanou ragitio kalo boo mororo' guang nano, koson niayuk ra ngaangai' namagun ra Jirusalim.


Taam ilo, “Giu' ra pekan Bitligim, pagun ru Judia. Maya' ra tinulisan ru sangulun nabi,


Tingganai imam Jaudi am mangingila' ra Ukum ri Musa siminangit paat ra ilo nakakito ra kaimuagan-kaimuagan ondo' binaal ri Jisus. Ilo niayuk siminangit nokorongog ra lalaing-lalaing nompogolok ra Baloi Tuhan, “Koompor noyo Anak ru raja' Daut!”


I Jisus siminaguli' boo ra Baloi Tuhan. Paat ra Io nangila', tingganai imam Jaudi am tingganai ru ulun ru Jaudi ratong Riso am pangkuot, “Atan kia ra kuasa' Muno mambaal ra ngaangai' ragitio? Osoi nangani' Rirun ra kuasa' ragitio?”


Tingganai-tingganai imam Jaudi am tingganai ru ulun ru Jaudi pana timinimung boo am magindagu giu' ra istana ru Tingganai Maayo Imam Jaudi, i Kayapas.


Liliwa' i Jisus lakat ayuk poyo mindagu, ratong i Judas nabaya' ra ulun masuang ondo' nagibit ra ilang am lalamba'. Sinusub ilo ru tingganai-tingganai imam Jaudi am tingganai-tingganai ru ulun ru Jaudi.


Paat ra tumawang ngaangai' tingganai imam Jaudi am tingganai ru ulun ru Jaudi namatas ra mamatoi ri Jisus.


sabap ra Io nangila' mabaya' ra kuasa', sala' ka koson mangingila'-mangingila' ra Ukum ri Musa.


I Jisus pana tumalimpuun mangila' ra maamaya' Nano, “Anak ru Ulun maaru' masuang imbolo', anggalon Io ru tingganai ru ulun ru Jaudi, tingganai imam Jaudi am mangingila' ra Ukum ri Musa. Potoyon Io, kaa' malupus kataluan, bayagon Io saguli'.”


Mangingila' ra Ukum ri Musa am tingganai imam Jaudi no nangkinam mamulali' mamparakop ri Jisus, sabap ra natutunan nilo ra ilo galama' kon ru abig ni; kaa' nalaa' ilo ra ulun masuang.


Tingganai imam Jaudi am mangingila' ra Ukum ri Musa no mininggaar am maagat panguwan nilo ri Jisus.


Ginio ra i Judas pana minongoi ra giu' i nababaya' ra santayaran saujor Roma am kukula' ngaulun pulis ru Baloi Tuhan, ondo' sinusub ru tingganai imam Jaudi am niayuk ulun-ulun ru Parisi. Ilo ti nagibit ra lentera am titiu am poyo ilang.


Taam i Jisus, “Okou sangulun mangingila' kauligan ra Israil, kua pai' kou pakarati' ragitio?


Ulun ru Parisi nokorongog ra ati kulaan ulun-ulun no posokonos mansunur ri Jisus. Gili boo ra ilo am tingganai imam Jaudi nanusub ra kukula' ngaulun pulis ru Baloi Tuhan mongoi pamparakop Riso.


Mangingila' ra Ukum ri Musa am ulun-ulun ru Parisi nagibit ra sangulun ruandu' ondo' narampatan liminapau. Pabigoro' nilo ruandu' i ra saang ru ulun masuang.


Golok boo ilo boo ra mapuor toojo. Kukula' ngaulun ru Parisi ondo' nasauk ra mangingila' ra Ukum ri Musa timinaam am minansang toojo, konilo, “Kolondo' rondo' pana sala ru ulun ti! Motopot lair ra mokoondo' ambiluo kapoam malaikat minindagu riso!”


Suabon no, tingganai imam Jaudi, tingganai ru ulun ru Jaudi am mangingila' ra Ukum ri Musa timinimung ra Jirusalim.


Nanusuk ilo niayuk ra ulun masuang, tingganai ru ulun ru Jaudi am poyo mangingila' ra Ukum ri Musa, saboi ongoyon nilo rokopo' i Stipanus koson bisaraan giu' ra Majlis Ugama.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ