MATIUS 2:16 - Tanou Moonsoi Timugon

¹⁶ Paat ri raja' Irodis nakatutun ra rinuung io ru magugulig ra butitin no siminangit io toojo. Sumugut ra bala' ru magugulig ra butitin no koson buoi ru butitin nakito nilo i siminila', nanusub i raja' Irodis ra potoyon ngaangai' lalaing ungkuyon giu' ra pekan Bitligim ondo' bagu inanak suku' ruo ngambilor.

MATIUS 2:16 ပူးပေါင်းရင်းမြစ်များ

KASAUKAN 39:14

piawo' no ulipon-ulipon nano am indagu, “Ilai' min gitio! Ulun ru Ibrani ondo' inibit ru ralaki kuno ragiti, magasab ritakau. Minumpos io ra lamin kuno am kinam panawo raki', kaa' pompogolok aku.

KASAUKAN 39:17

Tunungo' no ri Potipar nogondo' ra pinabala' no ra ulipon-ulipon nano, kono, “Ulipon ra ulun ru Ibrani ondo' inibit muno ragiti no minumpos ra lamin kuno am pagasab raki'.

KASAUKAN 49:7

Kausung noyo sangit nilono, sabap ra najanjayan kaga'. Kausung noyo pamatayan nilono, sabap ra najanjayan laat. Pantuliaron ku ilo ra titikop tana' ru Israil, Pantuliaron ku ilo ra popolos ru mamagun nano.

2 RAJA'-RAJA' 8:12

Pangkuot i Gajail riso, “Kua kia pantangi' kou?” Taam i Ilisa, “Sabap ra makapandai aku ra baal malaat kaga' baalon muno ra ulun ru Israil. Solobon mu kubu-kubu nilo, mamatoi ra ulun mangamulok nilo ondo' moonsoi kaga', mampalamba' ra anak-anak nilo saboi matoi, am niayuk mangabu' ra tinai' ru ruandu'-ruandu' nilo ondo' maapang.”

AYUP 12:4

Rangan-rangan kuno piboo makakurit raki', makakurit ilo, kabalu' pana aku motopot am kolondo' sala; kaa' paat ragili igondo' i Aki Kapuuno' nangiou ra pakiasian kuno.

AMSAL 28:15

Mangunguasa' ra malaat ondo' mangulipon ra ulun musikin koson ra singa' ondo' mansangal kapoam baawang ondo' mansaam.

AMSAL 28:17

Sangulun mamamatoi pampaguangan nano koson ra ilolowon saboi io matoi. Pai' kinam pangindangan riso.

JISAYA 26:21

Tuhan matong intor ra intok Nano giu' ra suruga' koson mangukum ra ulun ra tana' ti sabap ra tula nilo. Namatayan ra inopot ra tana' ti masingkual, am lobong pana kalo boo mapasibuni risilo ondo' pinatoi.

JISAYA 59:7

Rayusin min mangatang ra malaat, am intakiin min mambaal. Kalo pansagulian guang mampatoi kau ra ulun ondo' kolondo' sala. Ati ayuk sukuan min, mapatatang kau ra napuutan am kapusaan.

DANIL 3:13

Pokorongog ra baal raginio sangit raja' am nanusub maa' raginio katalu-talu ngaulun no ibiton muma' riso.

GOSIA 10:14

am akau pana malumpa' ru pangayawan am ngaangai' kubu min pusoon. Baal nano masauk koson ra orou ru Raja' Salman namuso ra bandar Bit-Arbil ralalom pangayawan, am nampaluus ra ina'-ina' nababaya' ra anak-anak nilo.

UNTABAN 22:29

Taam i Biliam, “Ginio sabap ra inanja' mu aku! Amon ru makailang aku, maaru' potoyon tokou.”

UNTABAN 24:10

Ra siminangit toojo, ginonggom ru Raja' Balak gonggom am indagu ri Biliam, “Nanusub aku rirun magulas ra pantula'-pantula' kuno, kaa' nambarakat kou poyo boo risilo saboi intalu.

MATIUS 2:1

I Jisus inanak giu' ra pekan Bitligim ra pagun ru Judia paat ra Irodis nasauk ra raja'. Kalo boo nabuoi ragili, kukula' ngaulun magugulig ra butitin riminatong intor ra Sirangon mongoi ra Jirusalim

MATIUS 2:17

Koson ragitio nasauk noyo ragu ru nabi Jirimia,

MATIUS 2:7

Raja' Irodis pana simininok boo nampiau ra ulun ondo' intor ra Sirangon tumuum riso. Pangkuot io risilo sanggilan nakito nilo butitin no siminila'.

PINAINTALANG 12:4

Sampitalu ru butitin ra limbowon no angkuyuron ru iku' nano am papatiron no ra tana' ti. Tambuakal no minigor ra saang ru ruandu' ondo' matipaganak no koson maginaa monolon ra anak no ra io anakon.

PINAINTALANG 17:6

Kakito ku boo ruandu' no nagauk ra raraa' ru ulun ri Aki Kapuuno' am raraa' ru ulun ondo' pinatoi sabap ra giminagaya' ri Jisus. Paat nakito ku ruandu' no, nangimuag aku kakaga'.

TINGGANAI RU BANSA' 16:10

Indagu boo i Dilila ri Simson, “Nanganja' kou raki'. Nagabau kou raki'. Pambala' ga ati kulaan maalap kou ra bangkil.”