MATIUS 2:13 - Tanou Moonsoi Timugon

¹³ Pakaugar magugulig ra butitin no am paginupi i Jusup. Pulusat ru sangulun malaikat ru Tuhan am indagu riso, “Sukal no, ibito' magina' no magiru' mongoi ra pagun ru Misir. Ayan kano ra giu' no saboi aku mambala' ramuyun saguli'. Uyumon ru raja' Irodis lalaing no koson potoyon no!”

MATIUS 2:13 ပူးပေါင်းရင်းမြစ်များ

1 RAJA'-RAJA' 11:17

ondo' ayuk am i Gadad am kukula' ngaulun ulipon ru ama' nano, ondo' bansa' no Idom; nagiru' ilo giu' ra Misir. (Paat raginio lakat ayuk poyo lalaing i Gadad no.)

1 RAJA'-RAJA' 3:5

Kaa' rondom raginio intalang Tuhan ra Raja' Salomo ralalom ru inupi am pangkuot riso, “Atan kia masaga' muno pataakon Ku rirun?”

AYUP 33:15

Mindagu i Aki Kapuuno' pinaaya' ra inupi am pinaintalang, paat ra ulun mombolong ra rondom ti.

AYUP 33:17

Mindagu i Aki Kapuuno' maa' raginio lumonggo' ilo mambaal ra tula, am mangiruan ra kalimbawan nilo.

KAINGKUALAN 1:22

Indagu boo raja' ru Misir ra moonong mamagun, “Moonong anak ungkuyon ru ulun ru Ibrani ondo' kakaanak no musiti' patirin ra Sungoi Nil, kaa' ngaangai' anak ruandu' polosoon maayag.”

MATIUS 1:20

Paat ri Jusup nampaguang koson raginio naginupi io. Pulusat boo ru sangulun malaikat am indagu io ri Jusup, “O Jusup, papag ru raja' Daut, pai' no kalaa' manangandu' ri Maria ti, sabap anak nano intor ra kuasa' ru Ambiluo ri Aki Kapuuno'.

MATIUS 10:23

Paat ra akau imboloon ra rondo' pekan, pagiru' no ra pekan ra bokon. Mindagu Aku ramuyun: Ra kalo poyo masuku' min ngaangai' pekan ru Israil, Anak ru Ulun rumatong noyo.

MATIUS 2:12

Ralalom rondo' inupi, magugulig ra butitin no pinakara' ri Aki Kapuuno' maa' raginio kalo sumaguli' ilo ra raja' Irodis. Ginio ra saguli' ilo ra pagun galama' baya' ra ralan ra bokon.

MATIUS 2:14

Lakat ayuk poyo iorondom sukal i Jusup, ibito' no magina' no magiru' mongoi ra pagun ru Misir.

MATIUS 2:16

Paat ri raja' Irodis nakatutun ra rinuung io ru magugulig ra butitin no siminangit io toojo. Sumugut ra bala' ru magugulig ra butitin no koson buoi ru butitin nakito nilo i siminila', nanusub i raja' Irodis ra potoyon ngaangai' lalaing ungkuyon giu' ra pekan Bitligim ondo' bagu inanak suku' ruo ngambilor.

MATIUS 2:22

Pakaining i Jusup ra anak ungkuyon ru raja' Irodis, i Arkilaus nasauk ra raja' ru Judia, malaa' io muli' mayan ra tampilon ra giu'. Io ti am binalaan poyo paat ra io naginupi ra mongoi ra libung ru Galilia

RINALATAN 10:22

Taam ilo, “Tingganai Konilius nanusub ramon mongoi ragiti. Io ti sangulun moonsoi ondo' sumamba ri Aki Kapuuno' am niayuk ngaangai' ulun ru Jaudi mangurumat riso. Sangulun malaikat ru Tuhan nanusub riso mompoongoi rirun ra baloi nano koson mangkirongog ra atan raguon muno.”

RINALATAN 10:7

Pakaugar ayuk malaikat ondo' minindagu riso i, piawo' no ruo ngaulun ulipon nali am sangulun saujor ondo' mangampin riso. Io poyo sangulun ondo' sumamba ri Aki Kapuuno'.

RINALATAN 12:11

Katutuni' boo ri Pitrus atan ondo' nasauk riso i, indagu io boo, “Raino nakapandai aku ra i Aki Kapuuno' totopot nanusub ra malaikat nano mampalabus raki' intor ra kuasa' ru raja' Irodis am ngaangai' baal ondo' kalansanan ru ulun ru Jaudi masauk raki'.”

RINALATAN 12:7

Paat ragili niayuk, pulusat boo sangulun malaikat ru Tuhan bigor ra giu' i am sinilau lamin i. Bigogo' ru malaikat i limbawo ri Pitrus ti saboi nakarat am indagu riso, “Ribaki', sukal no'!” Paat ragili niayuk nabugal boo rantai ru kalindu' ri Pitrus i.

RINALATAN 16:36

Pambala' boo tingganai magalung ra pangaputan no ri Paulus ragu raginii, kono, “Tingganai ru karajaan nanusub noyo ra mampalabus ramuyun. Raino, uli' kano am toojo kau ayuk!”

RINALATAN 5:19

Kaa' rondom ragili, sangulun malaikat ru Tuhan nangukab ra kulobon-kulobon ru lamin pangaputan no, am ibito' no rasul-rasul no miningkual. Indagu malaikat no risilo, kono,

RINALATAN 7:19

Namparuung raja' no ra bansa' takau am niayuk mapuka' ra kinamatuaan takali. Jinajalan ilo poyo mampalisar ra lalagang nilo saboi matoi.

JOSUA 3:13

Paat ra imam-imam ondo' nansaan ra Kaban Nabantuan ru Tuhan mapatapung ra kalayam ralalom timug, muog Sungoi Jordan ra tumilis; timug ondo' tumilis intor ra ralayo moombon giu' ra rondo' intok.”

JOSUA 3:17

Buoi ru ulun ru Israil mugar ra lonor ru sungoi ondo' mapua', imam-imam ondo' nansaan ra Kaban Nabantuan migor ra tatanga' ru lonor ru sungoi ondo' mapua' no, saboi ngaangai' ulun makasaboi ra sandaup.

JOSUA 4:10

Imam-imam minigor ra tatanga' ru Sungoi Jordan saboi ngaangai' ondo' nanusuban ru Tuhan ri Josua nabaal ru ulun raginio. Ginio noyo ondo' nanusuban ri Musa ri Josua. Liminaup ulun ru Israil ra sungoi ra mataki'

JOSUA 4:18

Pakasaboi imam-imam no ra tobo ru sungoi, timinilis poyo timug ru sungoi am nampaliur koson ra talimpuun.

PINAINTALANG 12:14

Kaa' ruandu' no inanian ruo kawo ru kanui maayo, pansiab io boo mongoi ra intok inaru' i riso, giu' ra tana' kaagisan. Alungin io ra giu' no koson minggalur ra kalaatan ru tambuakal no buoi talu ngambilor maintanga'.

PINAINTALANG 12:4

Sampitalu ru butitin ra limbowon no angkuyuron ru iku' nano am papatiron no ra tana' ti. Tambuakal no minigor ra saang ru ruandu' ondo' matipaganak no koson maginaa monolon ra anak no ra io anakon.

PINAINTALANG 12:6

Pagiru' ruandu' no ra tana' kaagisan, ioginio intok ondo' pinatampos noyo ri Aki Kapuuno' no riso. Giu' no alungin ruandu' no buoi 1,260 ngoorou.