MATIUS 2:11 - Tanou Moonsoi Timugon

¹¹ Umpos ilo ra baloi i am pagilong ra Anak no am ina' Nano i Maria. Igulatur ilo am samba ra Anak no. Ilo pana nangukab boo ra kaban ru rapu' nilono am patalango' ra Anak no ioginio; mas, kaminyan am mur, am pinataak ngaangai' taak no Riso.

MATIUS 2:11 ပူးပေါင်းရင်းမြစ်များ

KASAUKAN 43:11

Indagu boo ama' nilono, “Amon ru ginio poyo, baalo' min noyo. Pagibit kau ra karung mino ra ampos moonsoi kaga' intor ra pagun ti koson taak ra gabenor no, sanganu damar, sanganu ruu' maningot, apa' pampagamis ra akanon, kawa' pistasio am kawa' Badam.

1 RAJA'-RAJA' 10:10

Raja' ruandu' ru pagun ru Syiba nampataak ra tangguang-tangguang ondo' inibit nano ra Raja' Salomo, iono mas nasailan 4,000 ngakilogram, apa' pampagamis ra akanon am niayuk batu parmata ondo' masuang kaga'. Tutuu' pampagamis ra akanon ondo' pinataak ru raja' ruandu' no ra Raja' Salomo iono ondo' masuang kaga' ondo' igondo' naapu ru Raja' Salomo. (

1 RAJA'-RAJA' 10:2

Raja' ruandu' no minatong nabaya' ra masuang namaya' am niayuk unta-unta ondo' sinakayan ra apa' pampagamis ra akanon, batu parmata am masuang kaga' mas. Paat ra raja' ruandu' no nakatuum ra Raja' Salomo, raja' ruandu' no nangkuot ra Raja' Salomo ra masuang pangkuatan ondo' makara' nano.

MAZMUR 2:12

igulatur no ra tuma' Nano am ra monontol; pai' sukui' Tuhan no sumangit ondo' magibit ra akau pusoon sangkuliop ayuk sabap ra mataki' kaga' sangit Nano masimbula'. Pakaansuk kano ngaangai' ulun ondo' siminindung Riso!

MAZMUR 45:8

Okou monogom ra baal-baal motopot am masisang ra baal-baal malaat. Ginio ra, i Aki Kapuuno', i Aki Kapuuno' muno nampili' rirun, am mapabansuk poyo rirun intor ra raja'-raja' ra bokon.

MAZMUR 72:10

Ngaangai' raja' ru Tarsis am ngaangai' pulu' mapataak riso ra tangguang; ngaangai' raja' ru pagun Syiba am Siba manaak niayuk riso ra tangguang.

MAZMUR 72:15

Kaayag noyo raja'! Gama' ru paapuon raja' no ra mas intor ra pagun Syiba; gama' ru pakiasian koson riso mantilayun ayuk; gama' ru barakaton raja' no ri Aki Kapuuno' ra sabuoi-buoi no!

MAZMUR 95:6

Igulatur takano am sumamba Riso; igulatur takano ra saang ru Tuhan, namangun ritakau!

KAINGKUALAN 30:23

“Alap ra apa' pampagamis ra akanon ondo' moonsoi kaga': Onom ngakilogram mur timug, talu ngakilogram kulapa' ru kaningau maamis owou, talu ngakilogram tabu maamis owou,

KAINGKUALAN 30:34

Indagu Tuhan ri Musa, “Alap ra kukula' salinut ru apa' pampagamis ra akanon ondo' maamis owou ondo' suang no mogondo': Salong, umang ru lokan, pulut ru raksamala am niayuk kaminyan kopoyo.

RIMBAI PANGAMPARAN 3:6

Atan kia minatong intor ra tana' kaagisan, koson ra kuliampun ru lisun? Maamis owou nano koson ra kaminyan am mur ondo' tinalan ru mantatalan.

JISAYA 60:6

Kafilah-kafilah matong intor ra Midian am Ipa. Matong ilo intor ra Syiba am magibit ilo ra mas am kaminyan. Potonowon nilo baal ra moonsoi ondo' binaal ru Tuhan!

IMAMAT 6:15

Musiti' imam no mangalap ra sogonggom tapung mabaya' ra umau, am ngaangai' kaminyan no, am solobon boo ngaangai' no ra rasawat ru altar koson tatandu' ra ngaangai' no pinataak noyo ra Tuhan. Owou ru taak simbalui no mapabansuk ra guang ru Tuhan.

MALIAKI 1:11

Urumaton Aku ru bansa'-bansa' ra titikop ru tana' ti. Solobon nilo kaminyan giu' ra ngaangai' intok koson mangurumat Raki', am mampataak ilo ra taak simbalui ondo' maaya' pataakon. Ilo ngaangai' mangurumat Raki'!

MATIUS 1:18

Gitio noyo tunung ru naganakan ri Jisus Kristus. Ina' nano i Maria nakapantamung ilo no ri Jusup. Kaa' kalo poyo nasimpung ilo, i Maria ti maapang intor ra kuasa' ru Ambiluo ri Aki Kapuuno'.

MATIUS 12:46

Tatanga' ri Jisus mindagu ra ulun masuang no ratong ina' am pabukat Nano. Naginaa ilo ra liwar am masaga' ilo tumuum ri Jisus.

MATIUS 14:33

Maamaya'-maamaya' Nano ondo' soroi ra parau no siminamba ri Jisus, konilo, “Topot-topot Okou no Anak ri Aki Kapuuno'!”

MATIUS 2:2

am pangkuot ilo, “Ati naganakan ra lalagang ondo' masauk ra raja' ru ulun ru Jaudi? Nakito mai butitin Nano siminirang giu' ra intok mai tampilon ra sirangon am nakasuku' akai ragiti mongoi samba Riso.”

LUKAS 2:16

Pagindibok ilo ugar, am katuum nilo i Maria, i Jusup am niayuk lalagang ondo' pinalangan ralalom papaakanan ra bibiag.

LUKAS 2:38

Nakapaat ragitio niayuk riminatong io am pongompor io ri Aki Kapuuno' am pambala' io intor ra lalagang no ra ngaangai' ulun ondo' maginaa ri Aki Kapuuno' mampalabus ra bandar Jirusalim.

JUANIS 19:39

I Nikodimus pana minaya' ri Jusup, io no ondo' ragili igondo' minuma' ri Jisus paat ra iorondom. I Nikodimus ti nagibit ra apa' pampagamis ra owou ondo' pinaratok ra mur am gaharu, ondo' bagat ringai' ti talu ngoopor ngakilo.

PINAINTALANG 19:10

Igulatur aku boo ra saang ru malaikat no am samba riso, kaa' indagu io, “Pai' aku sambaa'. Sambaa' noyo i Aki Kapuuno'. Sabap ra aku pana rangan mangngandoi muno, am ra ngaangai' pabukat muno ondo' gumagaya' ra kaintutunan intor ri Jisus.” Sabap ra katapatan ondo' pinakito ri Jisus mapaikang ra ulun mampabala' ra tanou intor ri Aki Kapuuno'.

PINAINTALANG 5:8

Paat raginio niayuk apat ilo ondo' maayag no am ruo ngoopor am apat ngaulun tingganai no igulatur ra saang ru Anak Domba no. Moonong tingganai no nampaguut ra rondo' jitor am rondo' sangkir mas ondo' makasuang ra kaminyan, ioginio pakiasian ru ulun ri Aki Kapuuno'.

1 SAMUIL 10:27

Kaa' mokoondo' kukula' ngaulun malaat ondo' mindagu ra, “Ati kulaan ru ulun ragitio mokoonong ritakau?” Nagasab ilo ra Raja' Saul am kalo nanaak riso ra tangguang, kaa' talingoon bauwi ru Raja' Saul.