MATIUS 19:5 - Tanou Moonsoi Timugon

⁵ I Aki Kapuuno' pana mindagu, ‘Anak ungkuyon mangiruan ra ama' am ina' nano mongoi simpung ra andu' nano am ilo ti masauk rondo'.’

MATIUS 19:5 ပူးပေါင်းရင်းမြစ်များ

KASAUKAN 34:3

Kaa' kabunduk boo guang ri Sikgim no ri Dina saboi malaai io kaga', am mirot io mangambi' ra guang ru ralaa no.

2 SAMUIL 1:26

“Mangiluk guang kuno sabap ra okou, i Jonatan, pabukat kuno. Mapara' bonsoi muno raki'! Mapara' kinatulai ru togom muno raki', am matulai poyo intor ra togom ru ruandu'.

1 RAJA'-RAJA' 11:2

Lakat niayuk Raja' Salomo nanangandu' risilo kabalu' pana Tuhan nanginggalar ra ulun ru Israil matagandu' ra bansa'-bansa' raginio, sabap ra ilo mangkinibit ra ulun ru Israil sumamba ra tuhan-tuhan ra bokon.

MAZMUR 45:10

Gino ngai' ru ralaa ru istana mokoondo' niayuk anak-anak ralaa ru raja', am tampilon ra pamiris ru panturungan muno paribigor andu' raja' ondo' nalimpor ra mas kopoyo.

MAZMUR 63:8

sabap ra masalok Kou mangindangan raki'; maansukan aku marimbai ra saau ru kawo Muno.

MALIAKI 2:15

Sala' ka kia i Aki Kapuuno' nampasauk rirun rondo' inan am rondo' saliguor ra ruandu' no? Atan kia arati' ri Aki Kapuuno' ra baal raginio? Arati' Nano ioginio maa' raginio makaalap kou ra anak ondo' totopot ulun ri Aki Kapuuno'. Ginio ra, tutuno' noyo maa' raginio kolondo' ulun ra gino ngai' min ondo' liminungkang ra bantu' ra andu' nano.

MATIUS 19:6

Ilo ti sala' ka ruo kaa' rondo', am ilo ondo' kinorondo' ri Aki Kapuuno', pai' ilo no patuliaron ru ulun.”

ROMA 12:9

Tagami' noyo ulun bokon ra totopot ru guang min. Kasisangi' min baal ra malaat am rayuso' min mambaal ra moonsoi.

1 KORINTUS 6:16

Kapoam, musiti' makapandai kau ra osoi ayuk makasimpung ra ruandu' mantalan ra inan, masauk io rondo' riso. Sabap ra gitio noyo tinulisan ra Buuk Kitab, “Karuruo no masauk boo rondo'.”

1 KORINTUS 7:2

Kaa' koson kalo makinibitan kau ru paliso pansasawaan, moonsoi poyo ru moonong ungkuyon makaandu' sigagama' am niayuk moonong ruandu' makaralaki sigagama'.

1 KORINTUS 7:4

Sangulun andu' kalo makakuasa' ra inan nano galama', kaa' ralaki nano ayuk; nogondo' niayuk ra sangulun ralaki kalo makakuasa' ra inan nano galama', kaa' andu' nano ayuk.

IPISUS 5:31

Mokoondo' niayuk tinulisan ra Buuk Kitab ra, “Ginio sabap ra sangulun ungkuyon sumuai ra matuo nano am masimpung ra andu' nano, am ilo karuo no masauk rondo'.”

SAGULION 10:20

Urumato' noyo Tuhan i Aki Kapuuno' min am sambayang Riso ayuk. Gagaya' noyo Riso am pagibot noyo ralalom ru inggalan Nano ayuk.

SAGULION 11:22

“Gagayaa' noyo toojo ngaangai' ukum ondo' tinaakan kuno ramuyun: Tagami' noyo Tuhan i Aki Kapuuno' min, baalo' noyo ngaangai' ondo' nanusuban Nano am gagaya' noyo Riso.

SAGULION 4:4

kaa' akau ondo' magulayun giminagaya' ra Tuhan i Aki Kapuuno' min lakat poyo naayag saboi orou raiti'.

1 SAMUIL 18:1

Nopongo noyo Raja' Saul am i Daut nagindagu. Kopongo raginio, anak ungkuyon ru Raja' Saul ondo' makainggalan ri Jonatan maansayan kaga' ri Daut, am tumalimpuun motogom riso koson ra io motogom ra inan nano galama'.

1 SAMUIL 25:43

Ra buoi ti i Daut nanangandu' ri Aginoam intor ra Jijriil. Raino ti i Abigail niayuk nasauk ra andu' ri Daut.