MATIUS 19:28 - Tanou Moonsoi Timugon

²⁸ Indagu i Jisus risilo, “Pangintopot ayuk. Giu' ra Tana' Bagu, Anak ru Ulun mamarinta am manturung ra takhta Nano. Paat raginio akau mopor am ruo maamaya' niayuk manturung ra takhta am mangakim ra mopor am ruo bansa' ru Israil!

MATIUS 19:28 ပူးပေါင်းရင်းမြစ်များ

1 RAJA'-RAJA' 18:31

Pangalap io ra mopor am ruo batu, moonong rondo' manguakil ra rondo' ra bansa' intor ra mopor am ruo bansa' ru papag ri Jakub, iono ulun ondo' ininggalanan ri Israil ru Tuhan.

2 TUNUNG RU BANSA' ISRAIL 9:19

Giu' ra tukar ru panturungan no, mokoondo' mopor am ruo sinungkalalaing ru singa'; rondo' sinungkalalaing ru singa' giu' ra pompor ru kait am rondo' poyo giu' ra pompor ru pamiris ra moonong tukar. Kolondo' rondo' pamarintaan pana ondo' nakaili' mokoondo' ra panturungan koson raginio.

IJRA 6:17

Koson ra patimpokon no nampataak ilo ra 100 ngainan sapi' gawayan, 200 ngainan domba gawayan am 400 ngainan anak domba ra Tuhan. Koson ra taak simbalui pangampunan ra tula, nampataak ilo mopor am ruo ngainan kambing gawayan, sanginan ra tayar ru moonong bansa' ru Israil.

KAINGKUALAN 15:27

Pakasaboi ilo boo ra Ilim. Giu' no mokoondo' mopor am ruo taur ru timug am tulu' ngampuun kurma. Nangkim ilo maar ra timug ra giu' no.

KAINGKUALAN 24:4

Kopongo raginio tulisi' ri Musa ngaangai' susuban ru Tuhan. Riminondom ra suabon no, nambaal i Musa ra rondo' altar ra lonson toojo ru gunung no, am patirongo' mopor am ruo batu; moonong batu manguakil ra rondo' ra bansa' ru Israil.

KAINGKUALAN 28:21

Musiti' moonong batu parmata no tulisin rondo'-rondo' ra inggalan ru anak-anak ri Jakub ondo' manguakil ra mopor am ruo bansa' Israil.

JISAYA 65:17

Mindagu Tuhan, “Angunon Ku limbowon bagu am tana' bagu. Kasaukan-kasaukan ra nakasail lilianin lingono'.

JISAYA 66:22

Koson ra limbowon bagu am tana' bagu mantilayun sabap ra kuasa' Kuno, koson raginio niayuk ra papag mino am inggalan mino mantilayun.

IMAMAT 24:5

Alapo' noyo ruo ngoopor am apat ngakilogram tapung ondo' moonsoi kaga' am pambaal no ra mopor am ruo ngantaun ruti'; rondo' ruti' baalon intor ra ruo ngakilogram tapung ondo' moonsoi kaga'.

MATIUS 16:27

Sabap ra Anak ru Ulun no mamaar noyo rumatong ralalom katulayan ru Ama' Nano sumbayaan ru malaikat-malaikat Nano. Paat raginio mambalos Io ra moonong ulun maya' ra ondo' binaal nali.

MATIUS 19:27

Taam boo i Pitrus, “Ilai',” kono, “Tinatang mai ngaangai' kasagaan mai am baya' Rirun. Atan kia balos Muno ramon?”

MATIUS 20:21

Pangkuot i Jisus, “Atan pakiindanganan muno Raki'?” Taam io, “Makitaak aku Rirun ra paat ra Okou masauk ra raja', karuo anak kutu panturungon Mu koson ragitio; sangulun ra pamiris am sangulun ra kait Muno.”

MATIUS 25:31

“Paat ra Anak ru Ulun sumaguli' koson ra raja' mabaya' ra ngaangai' malaikat Nano, manturung Io ra takhta matulai Nano.

MATIUS 6:33

Sotopot no, gogoto' min galing ra i Aki Kapuuno' mamarinta ra kaayagan mino am baalo' noyo kasagaan Nano, am aniin kau boo ri Aki Kapuuno' ra ngaangai' baal ra bokon no.

MATIUS 8:20

Taam i Jisus, “Munin mokoondo' ra luang no galama' am susuit mokoondo' ra bunsut no galama', kaa' Anak ru Ulun kolondo' intok luyaan am tangusan.”

MARKUS 10:37

Taam ilo, “Paat ra Okou mamarinta mabaya' ra kuasa' matulai moogot akai manturung ra pamiris am kait Muno.”

RINALATAN 3:21

Io musiti' mayan ra limbowon saboi talimbaguin ri Aki Kapuuno' ngaangai' no, koson ra rinagu ri Aki Kapuuno' ondo' pinabala' galing ra nabi-nabi matulai Nano paat ra galing i.

2 TIMOTIUS 2:12

Amon ru tumaan takau, makapamarinta takau niayuk mabaya' Riso. Amon ru magali' takau Riso, Io pana magali' ritakau.

JOSUA 3:12

Raino pilio' mopor am ruo ngaulun, sangulun intor ra moonong bansa' ru Israil.

2 PITRUS 3:13

Kaa' itakau ti maginaa ra atan ondo' binantu' noyo ri Aki Kapuuno'; ioginio limbowon am tana' bagu, ayanan ru ulun mongotopot.

PINAINTALANG 11:16

Karuo ngoopor am apat ngaulun tingganai ondo' nanturung ra takhta ra saang ri Aki Kapuuno' no, igulatur am samba ilo ri Aki Kapuuno'.

PINAINTALANG 12:1

Giu' boo ra limbowon no makito ra rondo' tatandu' makaimuag. Sangulun ruandu' nambayang ra mato ru orou am koson kimininjang io ra bulan. Nanasampak io ra karaun ondo' binaal ra mopor am ruo butitin.

PINAINTALANG 20:4

Kakito ku boo kurisi'-kurisi' turungan ru raja', am ulun-ulun ondo' nanturung inanian ra kuasa' mangukum. Nakito ku niayuk ambiluo ru ulun-ulun ondo' iningguluan sabap ra nangani' ilo ra kaintutunan intor i Jisus am nampatanou ra pambalaan ri Aki Kapuuno'. Ulun-ulun no kalo siminamba ra bibiag masigo kapoam sinungkalalaing no am kalo igondo' tinatanduan ra saap ru bibiag masigo no ra rabas am kalindu' nilono. Ilo naayag saguli' am namarinta ilo koson ra raja' mababaya' ri Kristus buoi saribu ngambilor.

PINAINTALANG 21:5

Indagu boo Io ondo' manturung ra takhta no, “Raino baalon Ku ngaangai' no ra baguon.” Indagu Io niayuk raki', “Tulisi' noyo gitio, sabap ra ragu Kuti motopot am malansanan.”

PINAINTALANG 22:5

Kolondo' boo kalandaman ra giu' no. Pilasut am mato ru orou kalo boo makapakuan ilo, sabap ra i Aki Kapuuno', Tuhan galama', sumauk ra sinda nilo, am mamarinta ilo koson ra raja' ra sabuoi-buoi no.

PINAINTALANG 3:21

“Osoi ayuk mangala ra kuasa' ru kalaatan, panturungon Ku io ra sapapa' Ku ra takhta Kuno. Gitio mogondo' ra Aku nangala ra kuasa' ru kalaatan am raino pinaturung Aku ra sapapa' ru Ama' Kuno ra takhta Nano.

PINAINTALANG 4:4

Am ralalom liniputan no mokoondo' poyo ruo ngoopor am apat takhta ra bokon no. Giu' no nanturung ruo ngoopor am apat tingganai nambayang ra mapulak am nangkaraun ra mas.

PINAINTALANG 7:4

Binalaan aku ra suang ru ulun ondo' tinatanduan ra tatandu' ri Aki Kapuuno' ra rabas nilono, mokoondo' 144,000 ngaulun. Ioginio intor ra ngaangai' tayar ru bansa' ru ulun Israil.