MATIUS 19:27 - Tanou Moonsoi Timugon

²⁷ Taam boo i Pitrus, “Ilai',” kono, “Tinatang mai ngaangai' kasagaan mai am baya' Rirun. Atan kia balos Muno ramon?”

MATIUS 19:27 ပူးပေါင်းရင်းမြစ်များ

MATIUS 19:26

Ponontong i Jisus risilo am indagu, “Kaayagan mantilayun ti kalo maalap ru ulun, i Aki Kapuuno' ayuk makapangani' ra kolondo' atan kon kalo mabaal Nano.”

MATIUS 19:28

Indagu i Jisus risilo, “Pangintopot ayuk. Giu' ra Tana' Bagu, Anak ru Ulun mamarinta am manturung ra takhta Nano. Paat raginio akau mopor am ruo maamaya' niayuk manturung ra takhta am mangakim ra mopor am ruo bansa' ru Israil!

MATIUS 9:9

Iruani' ri Jisus intok raginio. Tatanga' ra Io nangkiralan, kakito No sangulun mampalulur ra cukai, ioginio i Matius, nanturung ra baloi ru cukai no. Indagu i Jisus riso, “Baya' Raki'!” Bigor i Matius am baya' io ri Jisus.

MARKUS 10:28

Indagu boo i Pitrus, “Ilai', ngaangai' iniruanan mai am baya' Rirun.”

MARKUS 2:14

Liliwa' Io nansail ra giu' no, kakito No sangulun mampalulur ra cukai, inggalan nano i Liwi, anak ri Alpius. Nanturung io ra lamin ru cukai am indagu boo i Jisus riso, “Baya' no Raki'!” Bigor i Liwi am baya' Riso.

LUKAS 14:33

Pupusi' ri Jisus ragu Nali, “Koson niayuk ramuyun, kolondo' sangulun pana masauk ra maamaya' Kuno amon ru kalo mangiruan kau ra ngaangai'.”

LUKAS 15:29

Kaa' indagu io ra ama' nali, ‘Ilai', moonong bilor mangandoi aku rirun koson ra ulipon. Kalo igondo' aku anggal ra atan ayuk pana panusuban muno raki'. Kaa' atan pinambalos muno raki'? Kalo nakaili' kou nanimbalui ra sanginan kambing pana koson mampaakan ra rangan kuno!

LUKAS 18:28

Indagu boo i Pitrus, “Ilai' noyo akai, iniruanan mai baloi maili koson maya' Rirun.”

LUKAS 5:11

Paasako' nilo parau nilai am iruani' nilo ngaangai' no am baya' ilo ri Jisus.

1 KORINTUS 1:29

Intor raginio, kolondo' sangulun pana lumimbau ra saang ri Aki Kapuuno'.

1 KORINTUS 4:7

Osoi kia nampasauk ramuyun maatang intor ra ulun bokon? Sala' ka kia i Aki Kapuuno' nangani' ramuyun ra ngaangai' ondo' naapu mino? Kua guat lumimbau kau, koson atan ondo' soroi ramuyun sala' ka tinaakan?

SAGULION 33:9

Napakito ilo ra pampagagayaan Rirun ondo' nasailan ra pampagagayaan ra matuo, pabukat kapoam anak. Ginagaya' nilo susuban Muno am minintopot ra nabantuan Muno.

PILIPI 3:8

Am sala' ka ginio ayuk. Kaa' sotopot no ngaangai' karaan ku koson ra kolondo' boo onong sabap ra kalo noyo mokopogondo' ra ati kulaan kinologo ru intutun kuno koson ri Kristus, Tuhan kuno. Ngaangai' no tinatang ku noyo sabap ra Io, am karaan ku ginio koson ra ginsamol ayuk, maa' raginio mulu' piboo aku makaintutun ri Kristus am makasimpung Riso.