MATIUS 19:21 - Tanou Moonsoi Timugon

²¹ Indagu i Jisus riso, “Amon ru masaga' kou matanda', ongoyo' talano' ngaangai' kuliamos muno am ruit no pataaki' ra ulun musikin, am okou pana makarapu' giu' ra suruga'. Mopongo raginio ibok, baya' no Raki'.”

MATIUS 19:21 ပူးပေါင်းရင်းမြစ်များ

KASAUKAN 17:1

Paat umur ri Abram siam ngoopor am siam ngambilor, minintalang Tuhan riso am indagu, “Aku noyo i Aki Kapuuno' Ondo' Maayo Kaga' Kuasa'. Gagaya' no Raki' am kasalok no mambaal ra kasagaan Kuno.

KASAUKAN 6:9

Gitio noyo tunung ri Nuu: Makaanak ungkuyon io talu ngaulun, i Siim, Japit am i Gam. Kalo igondo' i Nuu nambaal ra sala am io noyo rorondo' moonsoi kaga' paat ragili. Io ti masalok sumimpung ri Aki Kapuuno',

AYUP 1:1

Giu' ra tana' Us, minayan sangulun ungkuyon makainggalan ri Ayup. Sumamba io ri Aki Kapuuno' am gumagaya' Riso. Io ti moonsoi guang, ondo' masalok no pagilalain maa' raginio kalo mambaal ra malaat.

MAZMUR 37:37

Urioo' min noyo ulun ra moonsoi am ondo' motopot no; ulun ondo' masaga' ra pababansayan makaalap ra papag;

MATIUS 16:24

I Jisus pana mindagu boo ra maamaya'-maamaya' Nano, “Moonong ulun ondo' masaga' maya' Raki', lilianin no kasagaan nano galama', mansaan io ra salip nano am maya' Raki'.

MATIUS 19:20

“Ngaangai' ukum ti ginagaya' ku noyo,” taam ru ulun mamulok i, “Atan poyo baalon kutu?”

MATIUS 19:22

Korongog no ayuk ragu raginio, ugar io am mangiluk toojo guang nano sabap ra rapu' nano masuang.

MATIUS 19:28

Indagu i Jisus risilo, “Pangintopot ayuk. Giu' ra Tana' Bagu, Anak ru Ulun mamarinta am manturung ra takhta Nano. Paat raginio akau mopor am ruo maamaya' niayuk manturung ra takhta am mangakim ra mopor am ruo bansa' ru Israil!

MATIUS 4:19

Indagu i Jisus risilo, “Baya' kano Raki'. Ilaan takamin mangkimait ra ulun mangintopot Raki'.”

MATIUS 5:48

Sauk kano ra ulun matanda', koson ri Ama' min giu' ra suruga' no matanda'.”

MATIUS 8:22

Kaa' taam i Jisus, “Polosoo' ayuk ra ulun ondo' kalo maya' Raki' mompolobong ra baangkai no am baya' no Raki'.”

MATIUS 9:9

Iruani' ri Jisus intok raginio. Tatanga' ra Io nangkiralan, kakito No sangulun mampalulur ra cukai, ioginio i Matius, nanturung ra baloi ru cukai no. Indagu i Jisus riso, “Baya' Raki'!” Bigor i Matius am baya' io ri Jisus.

MARKUS 10:21

Kaa' pagilong i Jisus ra ulun no am maansayan riso, am indagu, “Rondo' ayuk boo kalo nabaal muno. Ugar no am talano' kuliamos muno, am tatayaro' ruit no ra ulun musikin, am okou pana makakuliamos boo giu' ra suruga'; am saguli' boo ragiti am baya' Raki'.”

MARKUS 2:14

Liliwa' Io nansail ra giu' no, kakito No sangulun mampalulur ra cukai, inggalan nano i Liwi, anak ri Alpius. Nanturung io ra lamin ru cukai am indagu boo i Jisus riso, “Baya' no Raki'!” Bigor i Liwi am baya' Riso.

MARKUS 8:34

Piawo' boo ri Jisus ulun masuang no am maamaya' Nano. Indagu Io risilo, “Moonong ulun masaga' maya' Raki', lilianin no kasagaan nano galama' am mansaan io ra salip nano am maya' Raki'.

LUKAS 12:33

Talano' ngaangai' rapu' mino, am ruit no tatayaro' ra ulun-ulun musikin. Baalo' min rumpit pambulian ra ruit ondo' kalo maapu', ioginio rapu' giu' ra suruga' ondo' mantilayun, kalo matakou am kalo niayuk mokokot ru lipos.

LUKAS 14:33

Pupusi' ri Jisus ragu Nali, “Koson niayuk ramuyun, kolondo' sangulun pana masauk ra maamaya' Kuno amon ru kalo mangiruan kau ra ngaangai'.”

LUKAS 16:9

“Balain takamin: Paguyum kau ra rangan mampakai ra ruit, koson paat ra kalangkayaan mapuso, apuon kau ra ayanan mantilayun.

LUKAS 18:22

Korongog ri Jisus ginio, indagu Io ra ulun i, “Rondo' poyo baalon muno: Talano' ngaangai' rapu' muno, am ruit no tatayaro' ra ulun musikin am mokoowot kou boo ra rapu' giu' ra suruga'. Mopongo raginio, baya' no Raki'!”

LUKAS 5:27

Kopongo ragili, ugar i Jisus am pakakito Io ri Liwi, sangulun mampalulur ra cukai. Panturung io ra pangandayan nali. Indagu i Jisus riso, “Baya' Raki'.”

LUKAS 6:40

Kolondo' sangulun pana migigila' mapandai poyo intor ra mangingila' nano. Kaa' amon ru makai' ru migigila' no inigigilaan nano, mogondo' boo kapandayan nano ra nangila' riso i.

LUKAS 9:23

Indagu Io risilo ngaangai', “Osoi masaga' maya' Raki' no, lilianin no katasuan ru kaayagan nano galama'. Moonong orou mansaan io ra salip nano galama' am maya' Raki'.

JUANIS 10:27

Domba-domba Kuno mangkirongog ra bolos Kuno; makaulig Aku risilo am maya' ilo Raki'.

JUANIS 12:26

Osoi ayuk mangandoi Raki' musiti' io maya' Raki', maa' raginio ati ayuk angayan Kuno, soroi mangangandoi Kuno. I Ama' Kuno mangurumat ra osoi ayuk ondo' mangandoi Raki'.”

RINALATAN 2:45

Mokoondo' intor risilo mantalan ra rapu' nilai, am ruit i tinayar-tayar ra popolos nilo maya' ra pakuan ru sasangulun.

IBRANI 10:34

Nakaasi' kau risilo ondo' inaput ra lamin pangaputan, am paat ra rapu' mini kinai' gaawo' ru ulun, inapu min ginio mabaya' ra kaansukan niayuk, sabap ra napandayan min ra mokoondo' kau ra rapu' moonsoi poyo ondo' soroi ra sabuoi-buoi no.