MATIUS 19:19 - Tanou Moonsoi Timugon

¹⁹ Urumato' matuo muno; tagami' noyo ngaangai' ulun koson ra kaayagan muno galama'.”

MATIUS 19:19 ပူးပေါင်းရင်းမြစ်များ

KAINGKUALAN 20:12

“Urumato' noyo ama' am ina' muno, maa' raginio maawar painawo muno ra tana' ti ondo' pataakon Kuno rirun.

AMSAL 30:17

Sangulun ondo' magasab ra ama' nano, kapoam ina' nano ondo' matutuo noyo, maaya' patirin ra liwar maa' raginio mato nano tindukon ru bangkaak am baangkai nano akanon ru likap.

IMAMAT 19:18

Pai' balos malikokot ra osoi pana, kapoam mararayus masisang ra ulun. Tagami' noyo ulun ra bokon koson okou mitotogom galama'. Aku noyo Tuhan.

IMAMAT 19:3

Musiti' moonong ulun mangurumat ra ama' am ina' nano, am niayuk mangiantak ra orou Sabat koson ra nanusuban Kuno. Aku noyo Tuhan i Aki Kapuuno' min.

MATIUS 19:20

“Ngaangai' ukum ti ginagaya' ku noyo,” taam ru ulun mamulok i, “Atan poyo baalon kutu?”

MATIUS 22:39

Panusuban maatang ra karuo nogondo' koson ra kasaa' i; ‘Tagami' noyo ulun ra bokon koson ra kaayagan muno galama'.’

MATIUS 5:43

“Maaru' nokorongog kau ra pangilaan: ‘Tagami' noyo rangan mino am kasisang no ra pantula' mino.’

LUKAS 10:27

Taam ulun i, “ ‘Tagami' noyo Tuhan i Aki Kapuuno' muno, ra ngaangai' ru guang muno, saliguor muno, ikang muno am pangkaraan muno’; am ‘Tagami' noyo ulun ra bokon koson okou niayuk monogom ra kaayagan muno galama'.’ ”

ROMA 13:9

Sabap ra kon ru Ukum no, “Pai' lapau, pai' pampatoi, pai' pantakou am pai' pagingkaut” – ngaangai' raginio am ukum ra bokon niayuk pinogondo' ayuk ra rondo' susuban ti, ioginio, “Tagami' noyo ulun ra bokon koson ra okou galama' mitogom.”

GALATIA 5:14

Ngaangai' suang ru Ukum ri Musa no sinimpung kariwaa' ra rondo' ayuk panusuban, iogitio: “Kotogom no ra ngaangai' ulun koson okou monogom ra inan muno galama'.”

SAGULION 5:16

‘Urumato' noyo ama' am ina' mino, koson nanusuban Kuno Tuhan i Aki Kapuuno' min ramuyun, maa' raginio makakaansayan am maawar painawo giu' ra tana' ondo' taakin Kuno ramuyun.

JAKUBUS 2:8

Gitio noyo moonsoi, amon ru totopot suguton min Ukum ru pamarintaan ri Aki Kapuuno', ondo' tinulisan ra Buuk Kitab; “Tagami' noyo rondo' am bokon mogondo' ra akau mitotogom galama'.”