MATIUS 19:15 - Tanou Moonsoi Timugon

¹⁵ Pabantaa' ri Jisus kalindu' Nano ra ulu ru lalaing-lalaing i am barakato' No ilo, am ugar Io boo.

MATIUS 19:15 ပူးပေါင်းရင်းမြစ်များ

JISAYA 40:11

Alungin No ulun Nano koson ra sangulun magagalung; timungon No am kubibilon No anak-anak ru domba, am ralalom kinolomoi, aakon No indung-indung ru domba.

MATIUS 19:14

Indagu i Jisus ra maamaya'-maamaya' Nano, “Polosoo' min lalaing-lalaing no muma' Raki'! Pai' min ingai' ilo sabap ra ulun koson ragitio noyo masauk ra ulun ri Aki Kapuuno'.”

MATIUS 19:16

Paat ra sangarawan mokoondo' sangulun ungkuyon minuma' ri Jisus, am pangkuot, “Mangingila', baal moonsoi ra atan kia maaru' baalon koson mokoowot ra kaayagan mantilayun?”

MARKUS 10:16

Kopongo minindagu, ganggali' ri Jisus lalaing-lalaing no, am pabantaa' kalindu' Nano risilo koson mambarakat risilo.

1 KORINTUS 7:14

Sangulun ralaki ondo' sala' ka Kristian iowon niayuk ri Aki Kapuuno' sabap ra nasimpung io ra andu' Kristian nano. Sangulun andu' ondo' sala' ka Kristian niayuk iowon ri Aki Kapuuno' sabap ra nasimpung io ra ralaki Kristian nano. Amon ru kalo, anak nilono mogondo' ra anak ru ulun ondo' kalo iowon ri Aki Kapuuno'; kaa' sotopot no anak-anak raginio iowon niayuk ri Aki Kapuuno'.

2 TIMOTIUS 3:15

am nakaulig kou ra Buuk Kitab intor ra okou boborok ayuk poyo. Ginio makapangani' rirun ra kapintaran koson mokoowot ra pamayagan sabap ra pangintapatan mu ri Jisus Kristus.