MATIUS 19:14 - Tanou Moonsoi Timugon

¹⁴ Indagu i Jisus ra maamaya'-maamaya' Nano, “Polosoo' min lalaing-lalaing no muma' Raki'! Pai' min ingai' ilo sabap ra ulun koson ragitio noyo masauk ra ulun ri Aki Kapuuno'.”

MATIUS 19:14 ပူးပေါင်းရင်းမြစ်များ

KASAUKAN 21:4

Paat umur ri Isak balu' ngoorou, sunati' io ri Abragam sumugut ra susuban ri Aki Kapuuno'.

MATIUS 11:25

Paat ragili indagu i Jisus; “Ama', Tuhan ru limbowon am tana'! Paringkuanangan Ku Rirun sabap ra pinakito Mu ngaangai' raginio ra ulun kolondo' kapandayan, am pinasibuni Mu intor ra ulun mapintar am nakaigigila'.

MATIUS 18:3

Indagu boo i Jisus, “Karaa' min! Amon ru kalo kumulau am sumauk kau koson ra lalaing ti, kalo masauk kau ra ulun ri Aki Kapuuno'.

MATIUS 19:15

Pabantaa' ri Jisus kalindu' Nano ra ulu ru lalaing-lalaing i am barakato' No ilo, am ugar Io boo.

MATIUS 5:10

Pakaansuk noyo ulun ondo' kasisangin sabap ra mambaal ayuk ra kasagaan ri Aki Kapuuno', sabap ra ilo noyo ulun ri Aki Kapuuno'.

MATIUS 5:3

“Pakaansuk noyo ulun ondo' makapandai ra ilo masuang tula, sabap ra ilo no ulun ri Aki Kapuuno'.

MARKUS 10:14

Pakakito i Jisus, sangit Io am indagu ra maamaya' Nano, “Polosoo' noyo lalaing-lalaing no matong Raki'! Pai' min ingai' ilo, sabap ra ulun koson ra lalaing-lalaing ti noyo masauk ra ulun ri Aki Kapuuno'.

MARKUS 10:15

Balain takamin! Sotopot no Osoi kalo mangapu ra pamarintaan ri Aki Kapuuno' koson ra sangulun lalaing, ulun raginio kalo masauk ra ulun ri Aki Kapuuno'.”

1 KORINTUS 14:20

Pabukat kau ngaangai', pai' kau pangkara' koson ra lalaing, kaa' musiti' kau makapaliso koson ra ulun nasukor, ondo' ayuk am ralalom baal kalaatan, tilu kano ra lalagang.

TINGGANAI RU BANSA' 13:7

Kaa' minindagu io raki' ra maapang aku am maganak ra sangulun anak ungkuyon. Nanginggalar io raki' manginum ra wain kapoam inumon makagauk kapoam mangakan ra akanon majamol, sabap kono, patimpokon anak no ri Aki Kapuuno' koson ra ulun Nazir buoi ru bayag nano.”

1 SAMUIL 1:11

Kopongo raginio rinagu ri Ana rondo' bantu', kono, “Iou Tuhan Ondo' Maayo Kaga' Kuasa', ilai' noyo ulipon Mutu. Ilai' noyo kapaganan kutu, am karaa' aku no. Pai' aku liliani'. Amon ru manaak Kou raki' ra sangulun anak ungkuyon, bantuon ku ra mapataak riso Rirun buoi ru bayag nano, am abuk nano kalo lamparin.”

1 SAMUIL 1:22

Kaa' raino ti kalo minaya' i Ana. Indagu io ra ralaki nano, “Lumonggo' ayuk i Samuil ti ra tumiti', ibiton ku io ra baloi ru Tuhan, am mayan io ra giu' no ra buoi ru bayag nano.”

1 SAMUIL 1:24

Pokolonggo' anak no ra tumiti', inibit io ri Ana ra baloi ru Tuhan giu' ra Silo. Paat raginio i Samuil no boborok ayuk poyo kaga'. Nagibit niayuk i Ana ra kukula' ngainan sapi' gawayan ondo' umur no talu ngambilor, mopor ngakilogram tapung gandum, am sakantungan ru kungkung wain.

1 SAMUIL 2:18

Liliwa' raginio, i Samuil ondo' lalaing ayuk poyo narayus mangandoi ayuk ra Tuhan. I Samuil nambayang ra bayang timpok intor ra konoon linon, koson ra bayang sambayang ru imam-imam.