MATIUS 19:13 - Tanou Moonsoi Timugon

¹³ Mokoondo' kukula' ngaulun nagibit ra lalaing paumaan ri Jisus. Makitaak ilo ra papuyayon No kalindu' Nano ra ulu ru lalaing ti am makiasi'. Kaa' maamaya' ri Jisus ti siminangit risilo.

MATIUS 19:13 ပူးပေါင်းရင်းမြစ်များ

KASAUKAN 48:1

Kukula' buoi raginio binalaan i Jusup ra ama' nano marualan ra malanjag. Ginio ra ibito' ri Jusup karuo ngaulun anak ungkuyon nano mongoi ilong ri Jakub.

JIRIMIA 32:39

Aniin Ku ilo ra rondo' kuayan ru kaayagan: koson mangurumat Raki' ra sabubuoi no koson ra kaatangan nilo galama' am papag nilo.

MATIUS 16:22

Ibito' ri Pitrus i Jisus ra sangkiingan am sawayo' no. Kono, “I Aki Kapuuno' mapainggalur ra baal raginio, Tuhan! Kalo masauk baal raginio Rirun Tuhan!”

MATIUS 19:12

Mokoondo' niayuk ulun ra kalo makapaguot ra io inanak koson raginio. Mokoondo' ulun kalo makapaguot ra io ti naintalian, am mokoondo' niayuk kalo maguot sabap ra io ti mangandoi ayuk ri Aki Kapuuno'. Osoi makaapu ra pangilaan ragitio moonsoi sumugut io.”

MATIUS 20:31

Ulun masuang miniku' ri Jisus i siminangit am nanusub risilo mongkoror. Kaa' kosongowo' ru karuo-ruo bolou i golok nilo, “Tuan, Anak ru raja' Daut, pakaasi' no ramon!”

RINALATAN 2:39

Ginio binantu' ri Aki Kapuuno' ramuyun am papag mino poyo, am niayuk ra ngaangai' ulun ondo' mangaalur intok – ioginio osoi ayuk piawon ri Aki Kapuuno', Tuhan takau, koson matong Riso.”

1 KORINTUS 7:14

Sangulun ralaki ondo' sala' ka Kristian iowon niayuk ri Aki Kapuuno' sabap ra nasimpung io ra andu' Kristian nano. Sangulun andu' ondo' sala' ka Kristian niayuk iowon ri Aki Kapuuno' sabap ra nasimpung io ra ralaki Kristian nano. Amon ru kalo, anak nilono mogondo' ra anak ru ulun ondo' kalo iowon ri Aki Kapuuno'; kaa' sotopot no anak-anak raginio iowon niayuk ri Aki Kapuuno'.

1 SAMUIL 1:24

Pokolonggo' anak no ra tumiti', inibit io ri Ana ra baloi ru Tuhan giu' ra Silo. Paat raginio i Samuil no boborok ayuk poyo kaga'. Nagibit niayuk i Ana ra kukula' ngainan sapi' gawayan ondo' umur no talu ngambilor, mopor ngakilogram tapung gandum, am sakantungan ru kungkung wain.