MATIUS 18:4 - Tanou Moonsoi Timugon

⁴ Ulun ondo' minggana' guang am sumauk koson ra lalaing ti, io maatang toojo ra ulun ri Aki Kapuuno'.

MATIUS 18:4 ပူးပေါင်းရင်းမြစ်များ

JISAYA 57:15

Aku noyo i Aki Kapuuno' Ondo' Masawat Kaga' am Matulai Kaga', ondo' maayag ra sabuoi-buoi no. Mayan Aku ra intok masawat am matulai, kaa' mayan Aku niayuk mababaya' ra ulun ondo' minggana' guang am ondo' timinalikur intor ra tula, koson mapatapuli' ra ambiluo am kalansanan nilono.

MATIUS 18:1

Paat ragili maamaya'-maamaya' ri Jisus riminatong am pangkuot Riso, “Osoi maatang toojo ra gino ngai' ru ulun ri Aki Kapuuno'?”

MATIUS 18:3

Indagu boo i Jisus, “Karaa' min! Amon ru kalo kumulau am sumauk kau koson ra lalaing ti, kalo masauk kau ra ulun ri Aki Kapuuno'.

MATIUS 18:5

Osoi ayuk mangapu ra lalaing ti sabap ra mangintopot io Raki', Aku niayuk apuon no.”

MARKUS 10:43

Kaa' akau ngai' kalo koson raginio. Amon ru sangulun intor ramuyun moogot sumauk ra maatang, musiti' maangun io ra ulipon ru bokon.

MARKUS 9:34

Nongkoror ilo ayuk sabap ra nagagansang ilo ra tanga' ru ralan ra osoi maatang toojo risilo.

LUKAS 14:11

Moonong ulun makapaliso ra minsawat guang, paingganaan; am moonong ulun makapaliso minggana' guang, painsawaton.”

LUKAS 9:48

Indagu Io boo ra maamaya' Nano, “Ulun ondo' mangapu ra lalaing ti sabap ra Aku, arati' no mangapu io niayuk Raki'. Ulun ondo' mangapu Raki', mangapu niayuk Riso ondo' nanusub Raki' i. Sabap ra io ondo' kalo maatang ra pamaguangan min ngai', sotopot no io no ondo' maatang kaga'.”

JAKUBUS 4:10

Paingganaa' noyo guang mino ra saang ru Tuhan, am painsawaton kau boo ru Tuhan.

1 PITRUS 5:5

Koson niayuk ramuyun tuu'-bagu kau ngai', gagaya' kano ra ulun matutuo. Pabukat kau ngai', paingganaa' noyo guang mino am pangindangan kano ra rondo' am bokon. Sabap ra mokoondo' tinulisan ra Buuk Kitab, “I Aki Kapuuno' gumula' ra ulun mangasumbung, kaa' motogom io ra ulun minggana' guang.”