MATIUS 18:24 - Tanou Moonsoi Timugon

²⁴ Paat ra raja' ti tumalimpuun manguntob, paumaa' riso sangulun ulipon ondo' ira' nati masuang kaga'.

MATIUS 18:24 ပူးပေါင်းရင်းမြစ်များ

KASAUKAN 44:10

Indagu ulipon no, “Mangiou aku, kaa' ulun ondo' narampatan makasangkir raginio ayuk masauk ra ulipon kuno, bokon no makalabus.”

1 TUNUNG RU BANSA' ISRAIL 29:7

Nangani' ilo ragitio koson ra pambaalan ra Baloi ru Tuhan: nasailan 170 ngatan mas, nasailan 340 ngatan pirok, mamaar 620 ngatan tambaga' am nasailan 3, 400 ngatan basi'.

IJRA 9:6

Indagu aku, “Iou i Aki Kapuuno' kuno, mauyu' aku kaga' tumungar ra saang Muno. Tula mai nansusunu' giu' ra rasawat ru ulu saboi ra limbowon.

MAZMUR 38:4

Sabap ra sangit Muno narualan malanjag aku; sabap ra tula kuno ngaangai' ru inan kuno mangaruol.

MAZMUR 40:12

Iou Tuhan, pai' langgai' makaasi' raki', alungi' aku no ralalom togom am gagaya' Muno.

MATIUS 18:23

Sabap ra paat ri Aki Kapuuno' mamarinta, baal no koson ragitio: Mokoondo' sangulun raja' manalasai ra ira' ru ulipon-ulipon nali.

MATIUS 18:25

Kaa' kalo boo mabayaran no saguli'. Ginio ra, raja' ti manusub patalanin no ulipon ti mabaya' ra anak, andu' am niayuk ngaangai' rapu' nano. Ruit ra naalap intor raginio boo papusoon ra ira' ti.

MATIUS 25:15

Inanian no ulipon nali maya' ra kapiratan nilai sigagama'. Sangulun inanian no limo ngaribu ruit mas. Bokon inanian no ruo ngaribu ruit mas am sangulun poyo inanian no saribu ruit mas. Tuan ti pana ugar boo.

MATIUS 25:16

Ulipon ondo' inanian ra limo ngaribu ruit mas ti parayus ongoi palaburo' ruit ra tinaakan riso, am pakaalap limo ngaribu poyo.

MATIUS 25:20

Ulipon ondo' inanian ra limo ngaribu ruit mas ratong am pasagulio' no limo ngaribu am limo ngaribu poyo intor ra pinaugar nali. Kono, ‘Tuan, nampataak kou limo ngaribu ruit mas raki'. Ilai', nakaalap aku limo ngaribu poyo.’

MATIUS 25:22

Ulipon ondo' inanian ra ruo ngaribu ruit mas ratong boo am indagu ra tuan no, ‘Nangani' kou raki' ruo ngaribu ruit mas. Ilai', nakaalap aku ruo ngaribu poyo.’

MATIUS 25:24

Ulipon ondo' inanian ra saribu ruit mas ti boo ratong am indagu ra tuan no, ‘Napandayan ku okou ti mapuka', mangkaang kou ayuk ra ampos ru kandoi ra ulun bokon.

LUKAS 13:4

Ati kulaan ra mopor am balu' ngaulun ondo' minatoi giu' ra Siloam ra naabaan ilo ru manara? Guang min pinatayan nilai tatandu' ra masuang tula nilo intor ra ngaangai' ulun ra bokon ondo' soroi giu' ra Jirusalim kia?

LUKAS 16:5

Ginio ra piawo' no boo ngaangai' ulun ondo' nagira' ra tuan nali. Indagu io ra ulun kasaa' i, ‘Kula' suang ru ira' muno ra tuan kuli?’

LUKAS 16:7

Indagu io ra ulun bokon i, ‘Okou, kula' ira' muli?’ Taam ulun no, ‘Saribu ngangkarung gandum.’ Indagu manijor i, ‘Gitio buuk panguntaban mutu; tulisi' balu' ngaatus ayuk.’