MATIUS 18:19 - Tanou Moonsoi Timugon

¹⁹ “Karaa' min niayuk: Amon ru mokoondo' ruo ngaulun intor ramuyun rumondo' guang makiasi' ra atan ayuk, pakiasian nilo ti saukon ru Ama' Kuno giu' ra suruga'.

MATIUS 18:19 ပူးပေါင်းရင်းမြစ်များ

MATIUS 21:22

Amon ru mangintopot kau Raki', atan ayuk kitaakon min ra akau makiasi', makaalap kau.”

MATIUS 5:24

polosoo' mu ayuk poyo taak no ra giu' no am mongoi pansaung galing ra pabukat muno, bagu no sumaguli' mongoi pampataak ra taak muno ri Aki Kapuuno'.

MATIUS 7:7

“Pakitaak kano am aniin kau. Paguyum kano am makatuum kau. Titiko' min kulobon no am ukabin kau.

MARKUS 11:24

Ginio ra karaa' min gitio: Paat ra akau makiasi' ri Aki Kapuuno' am makitaak ra atan ayuk, pangintopot kano ra naapu min noyo kitaakon mini, am maaru' aniin kau.

JUANIS 15:16

Pai' ru akau nampili' Raki', kaa' Aku noyo nampili' ramuyun am inaru' takamin mongoi ra ati-ati ayuk am manangkawa' ra maawas, am kawa' mino tumilayun. Atan ayuk kitaakon min ralalom ru inggalan Kuno, aniin kau ri Ama'.

JUANIS 15:7

Amon ru rumondon kau Raki' am ragu Ku rumondon ra guang min, pakitaak kau ri Ama' ra atan ak kasagaan min am aniin kau.

JUANIS 16:23

Orou raginio, kalo boo mangkuot kau Raki' ra atan ayuk pana. Balain takamin toojo: Aniin kau ri Ama' ra atan ayuk kitaakon min ralalom ru inggalan Kuno.

RINALATAN 1:14

Ngaangai' ilo ti rondo' guang am masalok ilo tumimung makiasi' mababaya' ra ruandu'-ruandu', i Maria ina' ri Jisus am pabukat-pabukat ri Jisus.

RINALATAN 12:5

Ginio noyo ra i Pitrus inaput ra lamin pangaputan; kaa' pasimpungan ulun Kristian nakiasi' toojo ri Aki Kapuuno' koson riso.

RINALATAN 16:10

Pakakito ayuk i Paulus raginii, tampos akai boo mongoi ra Makidonia, sabap ra gitio noyo rondo' pulanu ondo' naalap mai ra i Aki Kapuuno' nanusub ramon mampasaboi ra Tanou Moonsoi no ra ulun-ulun Makidonia.

RINALATAN 6:4

Ginio nai ra akai matasu' boo makiasi' am mampasaboi ak ra tanou intor ri Aki Kapuuno'.”

PILIPI 1:19

Makapandai aku ra mansail ra pakiasian min ri Aki Kapuuno' am ra kaindanganan Nano mansail ra Ambiluo ri Jisus Kristus makalabus aku boo.

1 JUANIS 3:22

Am atan ayuk kitaakon takau intor Riso makaapu takau, sabap ra gumagaya' takau ra susuban Nano am mambaal niayuk ra kaansukan ru guang Nano.